الموضوع: استفسار ..اشترى سوبارو امبريزا هاتش باك زيرو

مش هقولك غير ان السوبارو بتحسسك بمتعة ركوبة الالماني وأعتمادية الياباني
صلي أستخارة وتوكل علي الله . بس لو لقيت قدامك حاجة كسر زيرو بتهيئلي هيكون أفضل

طب السعر فعلا ١٥٠ الف ولا ممكن الاقي السعر في معارض اقل من كده
وهل الشكل الجديد هينزل قريب

أنا عارف ان اعادة سعر البيع هيبقى زفت
بس أنا قبل ما اشترى البروتن الجين تو
كانت دي نفس المشكلة
بس فضلت معايا ثلاث سنوات و بعدين بدلتها في التوكيل واخذت جئن تو جديدة ودفعت الفرق
و بصراحة سمعت علي سباتها على الطريق و ده غير الأمان الزيادة
الي فى الأبواب و هيكل العربية بالكامل

المشاركة الأصلية كتبت بواسطة hugan

انا ليا وجهه نظر في موضوع السوبارو
مش عارف هيا صح ولا غلط
السوبارو عربيه ممتازه جدا وافضل من سيارات ياباني اخري عامله شغل ومبيعات
دفع رباعي
لاني غير معترف بالدفع الامامي
ياباني صرف
لكنها فشلت في مصر
يبقي تشتري عربيه مبيعاتها لاتتعدي اصابع اليد وبالكاد فين وفين وفين علي ماتشوف عربيه سوبارو
يعني من الاخر قطع غيار مش موجوده
اعاده بيع مفيش
ولو غاوي ياباني في بدائل ناجحه في مصر

بص ياباشا انا احترم وجهة نظرك. ولاكن, لو انا مشيت علي مزاج السوق المصري
يبقي عمري ما هركب حاجة نظيفة علي قد الامكانيات المتوفرة معايا
انا كان معايا كورولا 95 يابانييييي 1500 cc كاملة اوتوماتيك فيها كل الاوبشن وبعتها علشان اركب سوبارو
قصدي علشان اتمتع بركوبة السوبارو .
اما بالنسبة لموضوع اعادة البيع دا انا شايف انة اكبر غلطة بنقع فيها المصريين
لان دا بيد الله عز وجل ما انا ممكن اجيب عربية نص كم بس بياعة والاقي واحد خبطهالي وهي واقفة
لاهعرف ابيعها ولا اسمي ركبت عربية عليها القيمة . موضوع اعادة البيع دا انا عمري ما فكرت فية
لان ربنا هو ال بيدبرها من عندة.
اما الحاجة التانية وهي قطع غيارها فهي متوفرة في التوكيل جديد وبرة التوكيل استيراد وقطع الغيار في التوكيل
ارخص من قطع الغيار في توكيل لانسر ومازدا وسيفيك وكورولا . وقطع غيارها استيراد (امبريزا 98) ارخص من قطع
غيار الاستيراد (الكورولا )95 ال كانت معايا . بس مين ال بيلف وبيسئل بنفسة ؟؟ أكتر الشعب المصري بيردد كلام
وخلاص وميعرفش صحتة من عدمة.

اما بالنسبة للنقطة الثالثة والاخيرة انا هسيبها لصاحب الموضوع يحددها بس هقول اني في خلال اسبوع فقط شوفت الامبيرزا اكتر ما شوفت المازدت 3 مثلا واكتر ما شوفت لانسر شارك مش هقول اكتر من كدا.

حاجة حابب اضيفها من عندي مقولة ان مفيش غير التوكيل ال بشتغل في العربية(ومع انها خاطئة 100%) الا ان النقطة دي تحديدا من أكتر الحاجات ال بتميز العربية ومش هيفهم كلامي دا الا ال مبتهمهوش الفلوس قد ماا يهمة الشغل النظيف والشياكة . ودايما بيتقال الغالي تمنة فية .

المشاركة الأصلية كتبت بواسطة ghabbour

طب السعر فعلا ١٥٠ الف ولا ممكن الاقي السعر في معارض اقل من كده
وهل الشكل الجديد هينزل قريب

امبريزا 1.5 F/O M/T 2010 129900 امبريزا 1.5 F/O M/T H/B 2010 129900 امبريزا 1.5 F/O A/T 2010 139900 امبريزا 1.5 F/O A/T H/B 2010 139900
من موقع contactcars