سيناريو كل يوم جمعة في مصطفى محمود

**A.Saad** · 25-06-2011 09:14 PM

المشاركة الأصلية كتبت بواسطة رزق

يافندم مش من حقه
لكن زي ماهو مضايقه إن في ناس لسة بتشكر ولي نعمتها
هما أكيد بيشتموا في الثورة والثوار

يا استاذ رزق
انت قلت ايه
ناس بتشكر فى ولى نعمتها وتشتم الثورة والثوار
يعنى محدش ولع ولا حرق فى ثائر منهم
تانى حاجة نفس الوضع كان بيحصل فى التحرير
وكل ده اوضاع غلط
مش مطلوب اننا نمجد مبارك او نمجد الثورة
لكن هاجم بموضوعية
وانا بكتب كدة عارف تماما ان ده عمره ما يحصل فى مصر
وانك اول ما تختلف معايا لازم تشتم

غير كدة
معارضين مبارك اشتبكوا معاهم
برده وضع غلط

**رزق** · 25-06-2011 09:21 PM

أنا متفق معاك يا أستاذ سعد في اللي حضرتك قلته
لكن أعذرني صعب جدا الواحد يقبل بالرأي الاخر في الموضوع ده بالذات في الفترة البسيطة دي بعد الثورة
عن الشخص ده بالذات

**م. عمرو شرف** · 25-06-2011 09:21 PM

أقولكم شهادتى واللى شفته واللى سمعته

أمبارح بعد الصلاه كنت معدى من ميدان مصطفى محمود لقيت يفط وناس واقفه حوالى 40-50 واحد بالكتير

بس فعلا نصهم واقف زى حالاتى يصور ويشوفهم بيقولوا أيه

ناصبين مسرح وحاطين دى جى

وشوية يفط عجب

ثورة غضب أبناء مبارك

حزب مبارك السلام ....تحت التأسيس

و و و و

المهم وقفت دقيقه صورت كام صوره ومشيت وكان فيه عربيات أمن مركزى واقفه

الساعه 4 العصر وأنا راجع لقيت نفس الأعداد واقفه وبرضه غالبيتهم واقف يشوف الناس دى بتقول أيه

أنا ركنت ونزلت أسمع

واحده طلعت على الاستاند وقالت أنا فلانه وهقولكم شهادتى يوم 2 فبراير ( موقعة الجمل )

--- أنا ساعتها لقيت بتاع تين شوكى فقولتله يعبيلى شنطه ----

قالت :

أحنا كنا واقفين معتصمين فى مصطفى محمود وناس جم قالولنا ميدان التحرير فضى خلاص تعالوا نروح نتظاهر هناك

رحنا ميدان التحرير لقينا أن محدش مشى ولا حاجه وفجأه لقينا اللى فى الميدان بيحدفوا طوب علينا وأحنا أتعورنا فى وشنا ( وبدأت تعيط ) وده حرام أحنا ليه ننضرب كده وأحنا معملناش حاجه

والريس معملش حاجه وحشه وأحنا بنحبه وعايزينه يرجع

وبعد كده فضلت تعيط وتقول كلام مش فاهمه كويس من العياط

المهم خدت شنطة التين الشوكى ومشيت

عرفت بعد كده أنهم كانوا عاملين مظاهرة الغضب بس ما لقوش حد يعبرهم غير حوالى 50 - 60 واحد فقالوا أيه , أحنا نلفت الانظار لينا وراحوا قاطعين الطريق

بس فيه ملحوظتين لفتوا نظرى

الأولى أنهم كانوا ما يكملوش 70 واحد والمصرى اليوم قالت المئات من مؤيدى مبارك

التانيه أن اللى كانوا واقفين بعد الصلاه كان شكلهم ( المنظمين ) لارج جدا وشيك ومحترمين ( ظاهريا ) قوى

وده اللى أكدلى أن أللى عايزين مبارك يرجع هما الفئه اللى كانت منتفعه جدا فى عهده ( المليونيرات يعنى ) أو اللى عايزينه يرجع علشان هما تبع اللى فى طره

**A.Saad** · 25-06-2011 09:22 PM

المشاركة الأصلية كتبت بواسطة maserati

السلام عليكم و رحمة الله و بركاته

يا جماعة, أرجوكم, خدوا الموضوع بجدية شوية, دول مهما كانوا, أنصار مبارك.

مالهومش فيديو و لا حاجة على اليوتيوب, عشان نضحك شوية.

هتلاقى صور المعركة وباين من الصور انها كانت جامدة وشغالة لوقت متأخر
هو السؤال
المعارضين راحوا لوحدهم ولا فيه حد قالهم يروحوا ولا مش معارضضين ومجرد متضررين من وجودهم مع ان المظاهرة دى اسبوعيا هناك

**A.Saad** · 25-06-2011 09:25 PM

المشاركة الأصلية كتبت بواسطة رزق

أنا متفق معاك يا أستاذ سعد في اللي حضرتك قلته
لكن أعذرني صعب جدا الواحد يقبل بالرأي الاخر في الموضوع ده بالذات في الفترة البسيطة دي بعد الثورة
عن الشخص ده بالذات

تقبل تحياتى
معاك ان الواحد صعب يقبل بالراى الاخر فى فترة بسيطة

**SkyBird** · 26-06-2011 01:21 AM

يا جماعة عايز اسال مجرد اسئلة للاستفهام فقط
ابناء مبارك دول ابناءه من زواج شرعي ولا من سفاح ولا يقصدوا ابناءه على سبيل المجاز ؟
هل معقول ان مبارك خلبوص لدرجة انه يخلف 200 ابن ؟

**MaZaGAngeE** · 26-06-2011 02:50 AM

المشاركة الأصلية كتبت بواسطة skybird

يا جماعة عايز اسال مجرد اسئلة للاستفهام فقط
ابناء مبارك دول ابناءه من زواج شرعي ولا من سفاح ولا يقصدوا ابناءه على سبيل المجاز ؟
هل معقول ان مبارك خلبوص لدرجة انه يخلف 200 ابن ؟

برجاء انتقاء الالفاظ لعدم تطبيق قواعدة المنتدى

مشرف الاجتماعي

ب2

-

-

-

الموضوع: سيناريو كل يوم جمعة في مصطفى محمود

LinkBack

أدوات الموضوع

عرض

-

-

-

-

-

-

المواضيع المتشابهه

متلازمة مصطفى محمود

من روائع الدكتور مصطفى محمود‏

حلقات مصطفى محمود

الكلمات الدلالية لهذا الموضوع

المفضلات

المفضلات

ضوابط المشاركة