تغيير زيت الفتيس - صيانة 60000

**ashahin2002** · 25-06-2011 04:22 PM

النهاردة أنا كنت في التوكيل (مركز صيانة الوهدان - 6 أكتوبر) و المهندس قاللي معلومة جامدة جدا و كنت أول مرة أسمعها ألا و هي لا يتم تغيير زيت الفتيس نهائيا طالما لم تحدث مشكلة تستدعي ذلك و قاللي ان اللي بيعمل كده ممكن يسبب مشكلة في الفتيس من غير داعي.
و دي كانت تعليمات سكودا من حوالي سبع شهور حتي جدول الصيانات بتاع الواهدان بيقول ان زيت الفتيس لا يتم تغييره علي مدار الصيانات الدورية.
(ملحوظة: الكلام ده ينطبق علي الفانتازيا و a5 و الفابيا و ليس a4)

**KHALED AYMAN** · 25-06-2011 11:47 PM

الكلام ده غريب جدا جدا جدا
لان التوكيل نفسه بيشدد على ضروره تغيير زيت الفتيس عند 60 الف كم ..وكذلك مركز نور الدين شريف المعتمد ليهم فى اسكندريه ..
حتى انا كنت فى مركز نور الدين شريف مره بعمل صيانه 55 ..قالولى يا اما تغير زيت الفتيس دلوقت ..يا اما تيجى كمان 5000 كم ..لانه لازم يتغير عند 60 الف كم حفاظا على الفتيس ..
http://www.nilemotors.net/Nile/221404-a.html
وده موضوع انا عامله ..عن تغيير زيت الفتيس ..
ومن خلال متابعتى للعربيه ..الناس الى حصلت لها مشكله فى الفتيس ..بتحصل بعد 60 الف كم ..وبيكونو مغيروش الزيت ..وناس كتير عدت ال 60 الف كم بدون مشاكل ..وكانو بيغيرو الزيت فى ميعاده

**ashahin2002** · 26-06-2011 01:13 AM

و الله هو ده الكلام اللي اتقللي نصا علي لسان مهندس الصيانة و أكد لي ان التعليمات دي جديدة من حوالي 6 أو سبع شهور.
طيب في حل اننا نبعت للشركة الأم نسألهم. لو حد يعرف الميل بتاعهم يقوللنا عليه و نبعتلهم نتأكد من المعلومة دي.
بس الصراحة الناس محترمين يعني أكيد مش هيبوظوا العربيات اللي بتصين عندهم و يفقدوا سمعتهم بالعكس ده مكسب ليهم هيخسروه.

**tam77** · 26-06-2011 09:49 AM

المشاركة الأصلية كتبت بواسطة ashahin2002

النهاردة أنا كنت في التوكيل (مركز صيانة الوهدان - 6 أكتوبر) و المهندس قاللي معلومة جامدة جدا و كنت أول مرة أسمعها ألا و هي لا يتم تغيير زيت الفتيس نهائيا طالما لم تحدث مشكلة تستدعي ذلك و قاللي ان اللي بيعمل كده ممكن يسبب مشكلة في الفتيس من غير داعي.
و دي كانت تعليمات سكودا من حوالي سبع شهور حتي جدول الصيانات بتاع الواهدان بيقول ان زيت الفتيس لا يتم تغييره علي مدار الصيانات الدورية.
(ملحوظة: الكلام ده ينطبق علي الفانتازيا و a5 و الفابيا و ليس a4)

كلام غريب أول مرة أسمع أن زيت فيتيس ميتغيرش

**superb** · 26-06-2011 09:56 AM

نفس الموضوع من توكيل فولكس فاجن الأسكندريه .. زيت الفتيس لا يتم تغييره .. هو كلام جديد .. لاكن متابع بشده و نشوف كل الأراء و اهل الخبره؟

**ashahin2002** · 26-06-2011 10:56 AM

أدينا هنشوف بس يا ريت لو حد يعرف معلومة مؤكدة يقولنا

**ashahin2002** · 27-06-2011 12:48 PM

معقول كل الخبراء دول و مفيش حد قادر يفيدنا. ؟؟؟؟!!!!

**samoreception** · 27-06-2011 02:22 PM

يا جماعة والله انا هتجنن انا هنا فى دبى ونفس الكلام بيقولوا متغيرش الزيت مادام لايستدعى ذلك بس فى انواع عربيات تانى كانت معايا بيتلز و ماذدا وهوندا وتيوتا
وحاليا انا معايا اوكتافيا a5 فى مصر وفى مراكز بتقول تغير وفى مراكز بتقول لاء

**ashahin2002** · 27-06-2011 03:17 PM

الموضوع ده خطير جدا و الأخطر أنا أعرف ناس الفتيس باظ بسبب تغيير الزيت لأن الحلوين اللي غيرولوا الزيت اللي هم التوكيل بوظولوا فالف و كع فيها 7000 جنيه بعد خصم 50% يعني كان لازم يدفع 14000