الموضوع: سؤال عن البايكس من امريكا

ياريت يتعتلك والله دي مصلحة كبير وفي واحد معانا هنا خرج بايك من الجمارك ممكن يفهمك اليله مشيت ازي
وكل حاجة سهله

بالتوفيق ان شاء الله...........

919 مش رخيص اوي بس انا جبت قبل كده من بره وممكن افيدك اولا انت محدتش خالك في اي ولايه ؟ لان في كام ولايه كده فيها ضرايب بس مش حتزيد عن 500 دولار مهما كان نوع البايك وعند 100 دولار ملف وورق وممكن اقل على حسب الولايه
خالك بقى لو شاطر يعمل زي ما احنا بنعمل هنا في مصر بندور على مصراوي , الوسيط , مواقع العرض , يعني بنشتري من ناس مش تجار عشان السعر بيبقى اقل مثلا 5000 جنيه او اقل كده ,, لو حنتكلم عن ال 919 مودل 98 او 99 فا ديه اخرها لو سعرها معقول 3000 دولار لو هيا نضيفه حط عليهم قول 250 ضرايب داخليه و 100 ملف و شحن داخلي على اي بورت 250 كمان يعني قول 3600 دولار لسى في شحن لمصر الشحن بردوا يعتمد على خالك لو يقدر يشوف شركة شحن تحطها في وسط حجات جايه لمصر بدل ما ياخد كونتينر موتوسيكل مخصوص فا لو كده ممكن يتكلف 500 دولار لو لوحدها وشكرة معروفه تاخد 1000-1500 دولار
يعني السعر واصل لمصر ال 919 - 4100 , 4200 دولار طبعا في مصر لما تيجي تدفع الجمرك والموضوع سهل على فكره مش زي ما الناس فاكره بس افضل بورت هو الاسكندريه بس الشحن اغلى والتخليص اسهل وبورسعيد الشحن ارخص بس الناس رخمه شويه هناك ممكن تستعين بمخلص جمركي هناك وياخدله 500 جنيه واعمل حسابك على 500 جنيه تانيه لزوم الشاي للناس الجمرك بياخدوه على الفاتوره لو مفيش فاتوره بيقولك اكتب تمن الموتوسيكل انت جايبه بكام وحيدفعوك جمرك عليه وممكن يطلعلك واحد رزل ويبوص على العداد يقولك يا قوة الله كل ديه سرعه اديله 15000 الف طبعا تعمل حساب الشاي بتاعه لو طلع بس هو ال 919 وبعض موتوسيكلات خصوصا الي تحت ال 2005 اخره من 6000 جنيه ل 9000 يعني لو حنحسب التوتال

4200 الموتوسيكل شامل الشحن لمصر بالمصري (25000 جنيه تقريبا)
8000 جمرك + 1000 مخلص جمركي والشاي = 9000 جنيه
حطلك 400 جنيه عشان تنقله على عربيه للقاهره

25000 + 9000+400 = 34400 استيراد يعني فرقة ما بينك وبين التاجر من 3000 ل 5000 جنيه وممكن تقف عليك بارخص بحجات بسيطه لو اختلف السعر في الشحن او الشحن الداخلي او الجمرك في مصر ...

هات مستعمل من مصر وخلاص وحتلاقي حالات حلوه انت تجيب من بره متعب وبياخد وقت وسعات الفايبر بيتجرح في الكونتينر
الا بقى لو حتعمل زي واحد اعرفه وجاب مره وحده 5 حتت في كونتينر مش عايز اقولك طلع تمن الموتوسيكل بتاعه وبربح كمان
وهو يعتبر معاه gsxr 1000 موديل 2006 بسعر رهيص جدا مش الله يعني ,, وطبعا ال 4 الي جابهم كانت هوندا شادو 750 موديل 2005 اتنين هوندا سي بي ار 600 واحده اف 2 والتانيه ف4 وهوندا جولد وينج موديل 95
وطبعا التجار في مصر بيكسبوا اكتر بكتير لانه بيستورد كتاجر وبكميات فا بياخد خصم في الجمرك والضرايب والكلام ده

فعلا شو روم موتوسيكلات والواحد يجيب ميكانيكي يصلح وكده يكسب بكتير ومشروع ناجح ونسبة الضرايب مش معروفه عليه