الكوري مش وحش و برضه مش حلو عشان نقارنه بالاوروبي مثلا او حتي الياباني و الكروز اللي احسن من المازدا ده بره مصر لان المواتير غير المواتير و الخامات غير الخامات و الكماليات و عوامل الامان غير اللي بنتلقاهم في مصر فمينفعش نمشي مقارانات بره هنا في مصر
عرض للطباعة
معلومه بسيطه
لو غبور حب ينزلها بكل الكماليات(بناء علي طلب المشتاقين) و الموتر الـ1800 كمان هو معندوش مشكله لكن هاتبقي واقفه عليه لغاية باب مصنعها هناك 20500 دولار نقول هو بيتعامل معامله خاصه يبقي 18000 دولار (و الرقم ده مستحيل ) يجي الحاج غبور يشحن و يأمن و يصرف و تيجي لغاية المينا هنا بكام طيب كله كوم و اللي جاي كوم تاني ( الجمــــــــــــــــــارك ) لو حسبنا الجمارك هانلاقيها هاتعدي ال 250 ألف جنيه و الراجل لسه مكسبش في الليله دي ... طيب هو عايز يغرف غرفه هو كمان هاتبقي بكام
النتيجه هايبقي سعرها زي السوناتا _اللي مستعد يشتريها بالسعر ده يرفع إيده _ مع الوضع في الإعتبار إنها هاتبقي وهم طبعا و هايبقي المسمار منها و الرفاهيه ب3 عربيات ألماني
ماحدش رفع ايده يا باشا ,,,,,,,:16: وعلشان كده أنا الحمد لله حجزت امبارح و مقتنع بيها جدا وكنت سألت الناس الكانت بتقارن مع كل احترام وتقدير ليهم طبعا لما قلت إن أول فئة فيها be-113 وقلت يا جماعة هاتولي عربية بالشكل ده والإمكانيات دي we-130 حصان بالسعر ده ماحدش رد عليَّ ,,,بس لحد دلوقتي ماحدش عملنا تقرير ,,,ينفع كده ,الناس اليستلمت متنسوش اخوتكم we-1000 مبروك لل استلام العربية .
:16:
:16:
[QUOTE=moustafa_saad;3873626386]حضرتك سالت وجاوبت على نفسك وهى دية نقطة اعتراضى
منصور وغبور بيمصوا العربيات مص
انت ذنبك ايه تشترى عربيه بماتور تعبان زى الكروز وتدفع فيها دم قلبك
لما يحس ان فيه تجاهل ليها حيعدل نفسه على طول وحينزل عربيات زى الناس لان العربيه مدفوع فيها مبلغ محترم دية بتعدى 150 الف جنيه وفى الاخراشتريها بماتور نوبيرا
لازم التوكيلات دية تبطل نهب بالشكل ده وللاسف احنا اللى بنشجعهم على كده[/
QUOTE]
معاك فى موضع النهب لكن بردو العربيه مش وحشه و سعرها مفروض يقل عشان تنافس
بس امكانياتها تسمحلها بالتواجد بردوه
وبعدين العربيه مش متور قوى وخلاص
فيه حاجات كتير يعنى اسأل حد معاه كروز
هيقولك سحبه فل الاول وحش بس على السرعات العاليه كويس ( بعد 80 مثلا )
وزى ماقولت الوحد مبيشتريش عربيه يسابق بيها
كلمنى بقا عن الكروز كا شكل و خامات و تكيف و ثبات و عفشه و كامليات و صيانه و حجم الصلون و و و
و بعدين هما بره مبيقسوش بالمتور بس
و الكروز بالذات كانت واخد جايزه مش فاكره بالظبط عشان مفتيش انها احسن عربيه كومبكت كار فى اوربا او دوله اوربيه
والنقطه الاهم لما كانو بيقرنو العربيات كانو بيقارنو باعلى الفئات
فكلمنى بردو مثلا عن المازدا ال 1600 اللى فمصر و ال 2500 تقريبا اللى كانت ببتقارن بالكروز
نقطه سرقه غبور
الموضوع زى اما تبيع العربيه بتاعتك بتقول عليها عروسه و ادام العربيه تقدر تنافس خلاص(دا ميمنعش ان غبور حرامى )
الكورى مش قادر ينافس مثلا الامانى نهائيا فل السبورت كارز و المتوير الكبيره
قارن كده الايكوس او الجراندرو الهينداى ب الفئه السابعه او بالاس كلاس s65Amg مثلا
الهيونداى بيحاول بس فروق كبيره فل الموتير والخامات
والالمانى يعجز عن منافسه الكورى فل الكومبكت كارز تماما و العربيات الموفره(مش قادر ينزل عربيه فل السعر اللى ينافس )
قارن الجيتا واو اسكود او يابانى فى نفس فئه العربيه الكومبكت
قارن هو حاطتلك ايه فل العربيه و بيطلب كام وشوف التكنولوجيا فين
عارف ان الناس هتهاجمنى على النقطه دى قارن ب بى ام 316بهيونداى
شوف دا نزلها بكام و دا نزلها بكام (ضعف السعر ؟ ) والتوب لين بكام تلات اربع اضعاف !!!
ميعرفش ينزل عربيه بنفس السعر عشان ينافس معاه
وقارن اداء و راحه (كلمنى عن 1600 ) مش 330i
انا مش شايف انو فرق السما والارض رغم فرق السعر الرهيب
اولا الموضوع عليا و عليك انتا مبتقرنش اعلى فئه كورى باقل فئه يابانى
المقارنه بتبقى فل العلربيات ال fully loaded و اعلى متور سواء للكورى او لغيره
فمفيش ولا متور ملى بره هنا لا مازدا ولا لانسر ايفو ولا هوندا ولا فوكس ولا النترا ولا اوكتفيا ولا كروز ولا و لا
ونفس الكلام فل الكامليات مفيش عربيه بتنزل بره من غير ايرباج و و و
انا اختلافى على نقطه الاسم .. متقوليش ادام جايه من ايد فولان فتبقى وحشه
و متقوليش الاوربى حلو ولا اليابانى
ليس الفتى من قال هذا ابى :grin54:
لكن الفتى من قال ها انا ذاك
كلمنى عن العربيه نفسها
خامات حلوه ولا لا امكانيتها ايه
كلمنى عن تكنولوجيا المتور و امكنياتو و توفيره للبنزين
كلمنى عن شخص العربيه ان شالله تكون متجمعه فى مصنع حلويات ف الشرقيه
انا ابويا مش كورى والله:grin54: و بحب كل مصنعى العربيات
بس العربيه اللى احلى مهما كان مصدرها فهى التى تستحق الاحترام
وبعدين اولا و اخرا الموضوع اذواق و احتياجات
واحد هيركب عربيه هو و عيلته ميروحش يجيب كوبيه
واحد هيشترى عربيه يقعد بيها خمس ست سنين ميجبش عربيه تعيش تلتيين سنه ( يجب عربيه ريسلها عالى )
واحد هيركب عربيه فل الصحره( ميجبهاش 1000 سى سى و واطيه )
واحد بلدو جليد ميبصش لتبريد العربيه ( يبص للنظام التدفئه )
واحد اهم حاجه عندو السرعه ميجبش عربيه خمسه حصان
واحد استخدامو سيى ( ميجبش حاجه خامتها خفيفة و
واحد بيحب التكنولوجيا ميجبش عربيه فيها كاسيت شرايط
واحد اهم حاجه عندو البرستيج ميجبش عربيه شكله وحش
وهكذاا
سواء كورى هندى صومالى
احتياجه هو انسب اختيار
وربنا يحفظنا
1111111111111+++++
كلام 100 % والله ومتفق معاك تمااااااااااما
انا كل كلامي كان على اال fully loaded, اللي عايز يشتري الانترا في حدود 130 ماتكلمتش عليه ، ولما بقول كوري مش بقول انه وحش ، انا كل اللي بفكر فيه ان تكلفة انتاج الانترا بالعمالة الكورية عمرها ماهاتكلف زي تكلفة انتاج العربيات الألماني مثلا بأجور العمالة الألمانية من اول المديرين و مرورا بالمهندسين وحتى الفنيين !! و التكنولوجي اللي في الانترا مش اختراعات جديدة ! دي كلها حاجات موجود زيها في عربيات تانية ! يعني المفروض تكلفة انتاج العربية تكون أقل من تكلفة انتاجها في اليابان او المانيا ، ازاي بعد كل ده تكلفتها تبقى زي الألماني او الياباني او اعلى منهم كمان؟؟؟ سعرها يبقى 155 الف ؟؟!!! ليه ؟؟ هل المواد الخام أحسن من غيرها ؟؟ موتورها أحسن من غيرها ؟؟ تقفيلها وجودتها أحسن ؟؟ لأ ، على أعلى تقدير في نفس مستوى غيرها ، يبقى سعرها المفروض يكون أقل من غيرها ( ومش معنى كده انها كخه) انا بتكلم بمنتهى الحيادية بدون تحيز او تجني !!!
وبعدين اكبر دليل على انه عايز يزود سعرها بالعافيه انه منزل منها 10 categories !!!!! ده مافيش كده في العاااالم !!!! تفتكروا ليه ؟؟؟؟
بص كده على كل فئة منهم ، هتلاقيه شايل مثلا فتحة سقف من فئة ولو عايزها بفتحة سقف تجيبها في فئة تانية ! تيجي للفئة التانية اللي فيها فتحة سقف ماتلاقيش فيها abs مثلا مع ان الفئة اللي اقل منهم هما الاتنين فيها abs !!
وهكذا في كل ال 10 فئات اللي منزلهم !! بياخد من كل فئة كماليات معينة ويعملك بيها فئة تانية عشان يفرد الكماليات على 10 فئات ولو انت عايز كماليات معينة يبقى معلش حضرتك هاتدفع اكتر مدام (عايز) ، وهكذا لحد ماوصلك ل 155 الف !!! استراتيجية تسويق واضحة اوي يعني انه عايز يرفع السعر بالعافية !!! طب ليه انا اخليه يعمل فينا كده ؟؟
وعلى فكرة ده هايخلي كل تجار العربيات التانية يرفعوا من اسعارهم هما كمان !!! ابسط كلمة هايقولهالك اذا كانت الانترا ب 155 عايز الأوكتافيا ولا الكورولا تبقى بكام !! أكيد مش هاعرف ارد عليه !!!
ليه نعمل في نفسنا كده ؟؟ ليه نشجعهم يستغلونا كده ؟؟ وده برضه هايرفع قطع اسعار الغيار ، زبون دافع تمن عربية بكذا ، يبقى زبون "مقرش" ومعاه فلوس ، طب خليه يدفع في قطع الغيار كمان مش هايخس حاجة !! ( ومش كلنا طبعا بنجيب العربيات كاش واحنا مرتاحين ، في ناس كتير بتجيبها قسط وبيبقى دافع فيها دم قلبه يعني مش مستحمل قطع غيار غالية مع الإقساط والتزاماته التانية )
التاجر كل مابيحس انك بتدفع مش هايشبع ، هايقولك ايه ده ؟؟ انت قادر تدفع ؟؟ يا حلاوة طب هات كمان !!
والله العظيم لو معاه حق في اسعاره دي مش هاتكلم ولا هاعترض بس ليه نذل نفسنا ليهم كده ؟؟ يعني كمان سنتين او تلاتة العربيات هاتبقى بكام ؟؟؟ هتلاقي الانترا دي مثلا داخلة في 200 الف ؟؟؟ ليه نعمل في نفسنا كده ؟؟ خليه يشبع بيها واروح اجيب بال 155 الف دي عربية تانية فعلا متكلفة السعر ده عشان نخليه يبطل جشع ( وتاني بأكد مش معنى كده ان الانترا وحشة ) !!! ولا هو هايبطل جشعه ازاي ؟؟ من نفسه ؟؟ :120105~352:
ده العربيات الأوروبي اللي المفروض جماركها بتقل 10% كل سنة عمالة تغلى أكتر ؟؟؟ ويقولك اصل الدولار و اليورو زادوا ؟؟ هو الدولار او اليورو بيزيدوا بمعدل أعلى من انخفاض الجمارك 10% كل سنة ؟؟؟ هو في ايه يا جدعان ؟؟
وفي الآخر كل واحد هايقولك نفسي نفسي :Ka_che1[1]: ، انا الحمد لله اقدر اجيبها ، بس ليه اعمل في نفسي وفي غيري اللي ممكن مايكونش قادر عليها بالسعر ده كده ؟؟ وليه أحط فلوسي في حاجة (وانا عارف انها ماتسواش كده ، بس قشطة انا اقدر ادفع ، وربنا ييسر لغيري ياعم) ؟؟ وليه اشجعه هو و كل تجار الماركات التانية انهم يرفعوا علينا كلنا بمختلف قدراتنا المادية اسعار العربيات ؟؟
ياريت الواحد حتى بيلاقي منهم خدمة عملاء كويسة تخلي الواحد يقول انه على الأقل بيشتري راحة باله وكرامته في التعامل معاهم !! إلا مافيش غير جليطة وتناكة في التعامل ، وياريت قصاد الفلوس دي اكون ضامن راحة بالي لو العربية طلع فيها عيب انهم هايصلحوها مظبوط من أول مرة ولا حتى مايقولوش ان القطعة دي بره الضمان وحضرتك هاتدفع كذا ، وجدال ووجع قلب وحرقة قلب وتلاقي ردود فيها تناكة وقلة أدب بس بإسلوب غير مباشر، ولما تروح مركز الخدمة تلاقي مافيش اهتمام ، ولو ناسي حاجة في عربيتك زي فلاشة مثلا بترجعلك العربية من غيرها ، واسألوا ناس هنا في منتدى هيونداي نفسه مش بجيب كلام من عندي
انا بجد على آخري من الجشع و معاملتنا على اننا نبوس ايديهم انهم منوا علينا وجابولنا عربيات نركبها ومانطلبش اكتر من كده !!! :_Alshmokh08[1]::_Alshmokh08[1]:
انا كان كل اعتراضى ان الكورى عيبو انو كورى !
و نقطه اساسيه
ان مشتريش عربيه كورى ب 150 عشان كورى و اجيب حاجه احسن منها يابانى
لا هى هىتتقارن بكذا و كذا و كذا هندى يابانى المانى ايا كان وكمان ممكن احسن منو و السعر مناسب كمان
لكن اعرف ان العربيه سعرها بسبعين ولا تمنين الف برا مصر و يبعهالى ب150 فا انا معاك تماما دى سرقه علنى و مشتريهاش عشان سرقه و احاول اوقف جشع التجار
لكن هى تستاهل ؟
بالنسبه لاحتياجاتى تستاهل و نص 150.000 و تتقارن بعربيات اعلى منها فل السعر
بش اما يكون اللى مصنع العربيه و كل الدول بتبعها رخيصه و مصر يرفعلك تمنها عم غبور فدى فعلا قله ادب و استهتار بالناس:untitled 1::_Alshmokh08[1]:
يعنى هى اصلا مفروض متعديش ال100.000 فل ال fully loaded و تتقارن بعربيه ب 160.000 وتنافسها كمان
يعنى اصلا ميزه الهيونداى برا احسن عربيه موفره فكل حاجه
بنزين و كاماليات و قطع غيار وكل حاجه و بتنافس عشان سعرها قليل اوى برا مقارنتا بالعربيات التانيه
هو اصلا كل العربيات التانيه بيسرقونا بردو بس غبور مزودها اوى و الله مفروض يتسجن :_Alshmokh08[1]:اصل دى سرقه
و موضوع انو لغو الجمارك 10 % على الاوربى و المفروض العربيات ترخص والعربيات بتغلى بردو موضوع مجننى
فى حد بيسرقنا نفسى اعرف مين :_Alshmokh08[1]:
م نفس العربيات هى هى فل السعوديه وارخص بمراحل
و بمناسبه السعوديه فل الهوينداى من اكتر العربيات اللى بيتلعب بيها هناك و بيتشكر فيها جامد
احنا بنتسرق يارجاله:untitled 1: