الموضوع: حجزت اللنترا الشكل الجديد وولكن

ياجماعة انا عايز اعرف الدنيا بتغلى و لا المفروض ترخص...
المفروض الاوربى بيرخص على حسب الاتفاقية ... اللى المفروض لما يرخص .. يرخص الكورى معاه وخلافه
يعنى ازاى تبقى العربية 2011 اللى فيها كل حاجة ب 123 و 2012 ب 155 بنتكلم فى 30 الف جنيه .. دا ايه السرقة العلنى دى...
هوا احنا مش هنترحم من التوكيلات وجشعها...
انتوا عارفين الالنترا بكام فى السعودية ؟؟؟ 55 الف ريال.... والسوناتا بتبدى من 70 الف ريال
بصراحة حاجة تتعب ... يارب ينصلح حالنا و التوكيلات تلاقى اللى يوقفها

المشاركة الأصلية كتبت بواسطة AutoTycoon

يعني هي كل المشكلة ان بلد المنشأ كوريا ؟

المشاركة الأصلية كتبت بواسطة moosaleh

والله انا شايف ان اى عربيه اوروبى احسن من اى عربيه يابانى واى عربيى يابانى احسن من اى عربيه كورى واى عربيه كورى احسن من اى عربيه صينى وشكرا

أسف كلام حضرتك بعيد عن أرض الواقع (الفيصل هو الإختبار)
يعني حضرتك غتفرج علي برنامج Top Gear التقييم بيكون مبني علي معطيات و أرقام و إختبارات و هكذا
أما لو كان خد بمبدأ دا سامي و دا فرسي و ده أصفر و ده أحمر مكنش هايبقي فيه تقييم و كان يكتبوا في كل حلقه أشتري الأوروبي و متشتريش الكوالالمبوري
و كمان لما عربيه أسيوي بتفشل امام عربيه أوروبي في الإختبار مبيقولوش الماركه الكذا فشلت أمام كذا لكن بيقولو الطراز كذا بمحرك كذا لسنه كذا فشل أمام كذا و كذا
زي كده مثلا
YouTube - ‪Top Gear : Mazda RX-8 vs Audi TT vs Alfa Brera (Part 2 of 2)‬‏
و هو مش البرنامج الوحيد اللي بيتبع الاسلوب ده في برامج كتير جدا في المجال ده لكن المنهجيه واحده

المشاركة الأصلية كتبت بواسطة autotycoon

يعني هي كل المشكلة ان بلد المنشأ كوريا ؟

دي يا فندم الحساسيه الكوري
حصلت مع كل العربيات الكوري و الياباني و بالأخص هيونداي و كيا و تيوتا و مازدا
لكن كيا و هيوندا نالتا نصيب الاسد
و أشهر الوقائع الداله علي ذلك معرضه السيراتو لغاية وقت قريب لكن فيه ناس خفت من الحساسيه و إشترت كمان العربيه
و كمان الإلنترا قبل السيراتو طلع عليها إشاعات و معارضات كتير جدا

المشاركة الأصلية كتبت بواسطة ahmad_290

يا جماعه ايه الاعتراض الشديد دا على الكورى !




عيوب العربيه الكورى ايه ! ,, انها كورى
اى حد تكلمو يقولك كفايه انها عربيه كورى
انا مش فاهم الكورى دا كخه :copy of majd(4):

تفرقه عنصريه يا فندم

المشاركة الأصلية كتبت بواسطة ahmad_290

صراحه كل اللى اعرفهم بيقولو على الكورى و حش ناس عوجيز عايشين فعصر السبعينات و التمنينات :0002014a:
لو حد عايز يقول على الكورى وحش يكون بيقارنو ب بى ام او مرسيدس او فئه محترمه جدا

يعنى انا شوفت كذا مجله عالميه و كذا شركه عربيات مشهوره برا مصر بيتكلمو على الكموكت كارز

الكورى مقطع الدنيا فيه تقيم ان الالنترا احسن من الجيتا الجديده كمان ومن المازدا و الهوندا و و و و و
و فيه تقرير ان الكروز احسن من المازدا ( مش المتور اللى نازل مصر طبعا ) و و و و
مش عارف ليه خبراء السيارات اللى فى مصر هما اللى يقولو عليها وحشه بس ؟!! قبل ما تنزل حتا محدش لسا ركبها ! يا جدعان حرام عليكم والله
مشالله الخبير المصرى اما يشوف عربيه صورتها بس على النت يقولك وحشا !! على اساس ان الاانترا القديمه كانت توكتوك و طوره فالموديل الجديد اكيد اوحش
عيب فى حق اى حد يقيم عربيه مركبهاش


على راى حد كاتب الامضاء بتاعو الكل يهاجموك قبل ان يلمسوك

أنا يا أستاذ أحمد
و اللي بيدايق الواحد و يزعله مش إن حد بيعيب في العربيه لا ... دا هي لو بتاعتي و ظهر فيها عيب أو حسيت إن فلوسي وقعت في الأرض هاقول أول واحد
لكن الناس لا شافتها و لا ركبتها و العربيه عمرها أيام معدوده في مصر و لسه متجربتش و الناس بتقول علي موديل عربيه عتيق من سنة 98 متغيرش شكله و لا التكنولوجيا فيه إلا الطفيف بتقول عليه برستيج و شكله أفضل .. طيب متجربوها الأول

معلش يا جماعه انا ليا تعليق صغير فاكرين في التمانينات لما كان حد بيشتري عربيه ياباني كانوا بيقولو ايه
يارجل حد في الدنيا يسيب البيجو والمرسيدس والفولفو والفيات ويركب ياباني دي عربيات ورق دي وحشه دي واطيه وصاجها خفيف جدا وكانت نازله باوبشن عالي وقتها كان الناس بيتجبها معظمها باور وتكيف وزجاج كهربا بس الوقت دا كانت الناس كلها متجه نحو الاوروبي والالماني فقط لاغير ولما جت الكوري في التسعينات اتهاجم واتقال حد يسيب الياباني والاوربي ويركب كوري لما الاكسيل طلعت ولحد دلوقتي سبته وجود في السوق ودلوقتي بنقول حد يركب صيني ويسيب الكوري والياباني اعتقد في 2022 مثلا حد ممكن يقول يا راجل تسيب الصيني وتركب سعودي ولا قطري ههههههههههههههههههههه
هو الموضوع ان كل فتره بيكون ليها موديلات معينه بتكون واكله السوق ومصنعي العربيات هما اللى مستفدين مش حد تاني طيب ما البي ام بتتقفل في الصين ومصر حد يقدر يقول البي ام مصري او صيني او ميجبهاش عشان متجمه هنا او الصين
الكوري بجد عمل نقله كبيره بالكيا سيراتو والكروز والالنترا بكل موديلاتها ولازم نحترمه ونديله حقه
اسف للاطاله ويارب اكون قدرت اوصل وجه نظري وشكرا

المشاركة الأصلية كتبت بواسطة mhmdalsaadany

معلش يا جماعه انا ليا تعليق صغير فاكرين في التمانينات لما كان حد بيشتري عربيه ياباني كانوا بيقولو ايه
يارجل حد في الدنيا يسيب البيجو والمرسيدس والفولفو والفيات ويركب ياباني دي عربيات ورق دي وحشه دي واطيه وصاجها خفيف جدا وكانت نازله باوبشن عالي وقتها كان الناس بيتجبها معظمها باور وتكيف وزجاج كهربا بس الوقت دا كانت الناس كلها متجه نحو الاوروبي والالماني فقط لاغير ولما جت الكوري في التسعينات اتهاجم واتقال حد يسيب الياباني والاوربي ويركب كوري لما الاكسيل طلعت ولحد دلوقتي سبته وجود في السوق ودلوقتي بنقول حد يركب صيني ويسيب الكوري والياباني اعتقد في 2022 مثلا حد ممكن يقول يا راجل تسيب الصيني وتركب سعودي ولا قطري ههههههههههههههههههههه
هو الموضوع ان كل فتره بيكون ليها موديلات معينه بتكون واكله السوق ومصنعي العربيات هما اللى مستفدين مش حد تاني طيب ما البي ام بتتقفل في الصين ومصر حد يقدر يقول البي ام مصري او صيني او ميجبهاش عشان متجمه هنا او الصين
الكوري بجد عمل نقله كبيره بالكيا سيراتو والكروز والالنترا بكل موديلاتها ولازم نحترمه ونديله حقه
اسف للاطاله ويارب اكون قدرت اوصل وجه نظري وشكرا

و أسمحلي ف تكمله مقتبسه من بين سطور حضرتك
طيب مين اللي عاش و أثبت كفاءه في الصيانه و قطع الغيار و خلافه الياباني و أي حد عايز يشتري عربيه موديل تمانينات بنقوله أولا المازدا و الهوندا و كذلك في التسعينات السيفك و التيوتا الملكه و اللانسر العيون صفيه و البطه و الإكسيل و الأكسنت و السويفت هايروح فين الأوروبي منهم بقطع غياره اللي ثمن صيانته تشتري عربيه
و في الألفينات المكوه و الإلنترا و الماتريكس و التويوتا الريموش و البومه
بجد الأسيوي ده غزو بمعني كلمة غزو
و الماليزي ركب الموجه خلاص
و يا رب نسمع كلمة في حد يشتري مصري و يسيب الكوري يا رب نفسي اسمعها

ياجماعه انا مش معترض على الكورى
لان مفيش حد يقدر ينكر انها عربيات اثبتت وجودها فى الشارع المصرى
بس برده السعر مبالغ فيه جدا
يعنى انت تقدر تدفع فى عربيه صينى نفس اللى تدفعه فى كورى
بنفس المنطق مش حقدر ادفع فى عربيه كورى نفس اللى حدفعه فى عربيه يابانى او اوروبى
كفايه عوامل الامان اللى موجوده فى العربيات الاوروبى عاما ومفيش عربيه بتنتج رسمى الا لو نجحت فى اختبارات الامان الاوروربيه
احنا بندى فرصه لغبور ومنصور انهم يركبونا ويدلدلوا رجليهم كمان وليهم حق يعملوا اللى نفسهم فيهم معانا
الكروز والالنترا اصبحم بتمن الاوكتافيا عاوزين ايه بعد كده وبرده الناس بتجرى تشتريهم وتقولك اعتماديه وقطع غيار رخيصه
ده المسمار فى العربيه الالمانى بيقعد معاك 20 سنه
شوف اعتمادية الكورى ايه
انا برده مش معترض عليه بالعكس انا معجب بالصناعه الكوريه جدا وبعتبرها خليفة الالمانى بس الاسعار ضربت فى العالى اوى
انا اشتريت اللوجان مخصوص وبعدت عن الفيرنا واللانوس لانى حسيت انى بينضحك عليا
عربيات بدون اى وسائل امان وبندفع فيها اكتر من اللوجان كمان طب تيجى ازاى دية
لازم نغير طريقة تفكيرنا شويه
قطع الغيار وانتشارها ورخصها بيحكمها انتشار العربيه وكذلك سعر اعادة البيع محكوم بانتشار العربيه
يعنى اى عربيه تنتشر حتلاقى الحاجتين دول اتظبطوا فيها والدليل اللوجان بتتباع دلوقتى بنفس سعراللانوس استعمال فى نفس الحاله

بس بامانه مصممين العربيات الكورى يستحقوا التحيه لانهم خلونا نتجنن على عربيات شكلها مميز جدا وبرده اعتماديتها كويسه وبندفع فيها فلوس زياده علشان التصميم العصرى والتحفه
محدش يقدر ينكران الكروز والسيراتو والالينتر تصميم داخلى وخارجى افضل من اى عربيه فى مصر الان