:crying2:والله الحل الامثل هو الغاء الميكروباص:untitled 1: بشتي أنواعه فهو السبب الرئيس في عطله المرور والتعويض بدلا منها بأتوبيسات تتبع هيئه النقل العام :crying2: ويارب المشكله ديه تتحل لانها بجد تعبتنا جدا
عرض للطباعة
:crying2:والله الحل الامثل هو الغاء الميكروباص:untitled 1: بشتي أنواعه فهو السبب الرئيس في عطله المرور والتعويض بدلا منها بأتوبيسات تتبع هيئه النقل العام :crying2: ويارب المشكله ديه تتحل لانها بجد تعبتنا جدا
طيب ماهى الاتوبيسات بتسبب ازمه برده خصوصا لو عددها زاد بحجمها الكبير
تفعيل خط المترو للعبور مرورآ بالسلام وربطه بشكبه مترو لمصر الجديدة اعتقد دة سيخفض الحركه فى الشوارع كثير . سحب كل السيارات التى لاتستعمل من الشوارع بعمل فحص دورى للسيارات ورخصه سنويه وتجدد وتفحص سنويآ . اى مالك لسيارتين دفع ضريبه رفاهيه 5000 ج للحد من اعداد السيارات. تقسيم لضريبه السيارات حسب الفئه اللتريه وحسب حجمها ومساحه اشغالها لطرق مثال ضريبه اشغال الكارينز ضعف اشغال الفيرنا واللانوس واشغال الفيرنا اكبر من اشغال اى 10 او بيكانتو علشان نشجع السيارات الصغيرة بالشوارع وخاصآ لو ندرس السيارات وحركتها طوال الوقت تجد ان معظمها بصاحبها او معه زوجته فلماذا الكبير وتوفير الوقود واستهلاكه فى السنه
ماشي ده حل والحل التاني يعملوا الشوارع دورين
يعني شارع الهرم يبئى دورين فوء الملاكي وتحت النقل العام والميكروباص
مع توفير منازل للملاكي علي الشوارع الفرعية
+ مترو الانفاق يتمد في أي حتة ينفع يتمد فيها
لحد 6أكتوبر
وللقاهرة الجديدة
انا عارف اني بحلم
بس بجد الفلوس اللي اتنهبت كانت تعمل اكتر من كده
انا عايز اعرف هيا امريكا فيها مكروباظ؟؟؟؟؟؟؟؟؟؟؟؟
ياريت وبالذات الميكروباصات الكبيره بتاعة الدقي
بحس ان عددها اكتر من الناس اللي ماشيه في الشارع
وبيقفوا في مطلع ومنزل الكوبري وفي ملفات اليوترن عاااادي جدا :untitled 1:
لا مينفعش يتلغى الميكروباص اطلاقا لان فى حتت الميكروباص بيروحها الاتوبيس مبيدخلهاش وكمان فى حتت الميكروباص فيها ارحم من الاتوبيسات
مينفعش اطلاقا..مش عشان ربنا منعم علينا بعربيات نيجى على حق الناس الغلابة اللى معهاش تركب عربيات
وعلى فكره
كلنا كتير بنقف فى مطالع كبارى او فى يوتيرنات او حتت غلط ميتوقفش فيها بسبب اننا بننزل حد او بنشترى حاجة بسرعة وماشيين
دانا لسة الاسبوع اللى فات كنت داخل شارع كبير وورايا عربيات تانى واول عربية فى الشارع طالعة لقيت صاحبها ركنها فى نص الشارع وقفلها وماشى بقوله فى ايه ياعم..واحنا..قاللى ماهو اللى جاى فوشى مش عايز يرجع فانا هقفلهاله وماشى..وقال كده بدون ادنى ضمير او مسئوليه او خوف من ربنا
اتمنى نكون فى صف الغلابة ونحس بغيرنا
وانا مع راى الاستاذ raedegypt جدا
اقتباس:
تفعيل خط المترو للعبور مرورآ بالسلام وربطه بشكبه مترو لمصر الجديدة اعتقد دة سيخفض الحركه فى الشوارع كثير . سحب كل السيارات التى لاتستعمل من الشوارع بعمل فحص دورى للسيارات ورخصه سنويه وتجدد وتفحص سنويآ . اى مالك لسيارتين دفع ضريبه رفاهيه 5000 ج للحد من اعداد السيارات. تقسيم لضريبه السيارات حسب الفئه اللتريه وحسب حجمها ومساحه اشغالها لطرق مثال ضريبه اشغال الكارينز ضعف اشغال الفيرنا واللانوس واشغال الفيرنا اكبر من اشغال اى 10 او بيكانتو علشان نشجع السيارات الصغيرة بالشوارع وخاصآ لو ندرس السيارات وحركتها طوال الوقت تجد ان معظمها بصاحبها او معه زوجته فلماذا الكبير وتوفير الوقود واستهلاكه فى السنه
الميكروباص مينفعش يتلغي بأي حال من الأحوال، مش علشان كل الناس اللي هنا عندها عربيات يبقى نلغي الميكروباص بتاع الغلابة
أولا الميكروباص بيروح كل الأماكن، وأسرع بكتير من المواصلات العامة لأن بياخد طريق مباشر وناس كتير جدا بتعتمد عليه إعتماد كلي
ثانيا الميكروباصات شغالة في أي وقت مش زي المواصلات
الحل أننا نشوف طريقة نخلي السواقين يمشوا قانوني، ومش سواقين الميكروباص بس لأ لأن كل الناس اللي بتسوق في مصر بتخالف القوانين بس بنسب متفاوتة
ينفع تتلغى فى حالة واحدة بس ان اتوبيسات النقل العام تتزود عددها تلات او اربع مرات العدد الموجود حاليا
ويتم حط خطة جديدة لمسارات الاتوبيسات بحيث تبط كل الاماكن ببعضها فتنحصر الميكروباصات على المناطق الريفية او المناطق النائية جدا اللى النقل العام فيها هيخسر كتييييير
هو في حصل مرضي لجميع الاطراف
يعني لا نلغيها ولا نسيبها على حالها
يكون في كاميرات مراقبه او جهاز مرور صاحي سواق عمل حاجه مش ولابد يتحرم من السواقه او ياخد عقاب رادع عشان ميعملش كده تاني
يعني الظباط يقعدو قدام الكاميرات والشاشات الي يعمل حاجه قدامهم مخالفه ومعطله الدنيا بلاغ برقمو لاقرب نقطه او عربية شرطه او حاجه بحيث بتجاب فخمس دقايق وطبعا هيبقى معروف خط سيرو
تتلغي ازاي بس ، دة اللى معاهم عربيات نسبهم 6 كل ألف تقريبا ، على الزحمة اللى انت شايفها دي ، ربنا يتولانا والله . تخطيط زبالة ، شعب عشوائي حتى لو الطريق فاضي مفيش التزام ، الملفات بتتاخد غلط ، ميكروباسات بتقف فى نص الطريق تحمل ، الميني باسات بتمشي ثانية فى اليمين وثانية فى الشمال ، اتوبياسات النقل العام بتشتغل زي الميكروباسات ومفيش إلتزام بالمحطات ، انا اكاد اجزم لو بلد تانية فيها الكلام دة كانت انتهت من 10 سنيين فاتوا ،
خلاص انا حاسس ان مفيش احساس بالوقت فى البلد دي ، يعني لو بتفكر تاخد دائري هتلاقي زحمة بالساعة والساعتين على المطالع لو بتفكر تمشي على الشوارع العادية قدامك بالثلاث والأربع ساعات علشان تخرج ،
انا شايف انهم يخترعوا تقنيه تمنع سخونة العربيات المصرية ويزودو فى العربيات المصرية بطاريتين ثلاثة علشان تستحمل ضغط المراوح التبريد الأتوماتيك على البطاريات ، انا لسه شايف بي ام الفئة السابعة الراجل واقف وعساكر المرور راحت تجيب له مياة للعربية !! الكلام دة فوق كوبري 15 مايو والراجل طالع من زحمة المحور اللى واقف تقريبا 4- 6 كيلو ، كل دقيقة يتحرك متر ويقف !! ، دة حتي الهواء اللى المفروض يبرد الردياتير و التكيف بيكون هواء سخن عبارة عن عادم العربيات اللى قدامك واللى جنبك ، شوف بقي انت محاصر كام كيلو متر عوادم عربيات !!
مفيش فايده ...
مفيش فايده ...
مفيش فايده ...
اما يتلغى او يتعمل تاهيل نفسى واخلاقى لسواقين الميكروباص
انا بقول فيه حل مناسب وعملي جدا ومن واقع تجربة ناجحة جدا في دبي
دبي عملت نظام اسمه سالك ممكن نطبقه عندنا وفكرته اننا هنعمل بوابات الكترونية على الشوارع الحيوية اللي مينفعش تكون زحمة أبدا بشرط اننا نوفر طرق بديلة
البوابات دي هيكون المرور فيها برسوم هيتم تحصيلها بشكل تلقائي وانت سايق عربيتك من خلال بطاقة هتركبها على الزجاج الامامي بتشحنها بشكل دوري وبيتخصم الرصيد منها كل ما تمر من البوابة ( تقنية مغناطيسية ).
مع اختلافي مع نظام سالك في دبي اللي كان هدفه تجاري بحت لكن فعلا نجح بشكل رهيب في الحد من الزحام وهو ده اللي محتاجينه.
الفكرة ممتازة ويا ريت نطبقها
الحل مع الميكروباص قانون رادع يعني اي سواق مكروباص يمشي عكس سحب المكروباص وحبس السواق 3 سنوات والية وقف الشارع في غير المكان المخصص سحب المكروباص شهر مع حبس السواق شهر مع دفع مبلغ عشر الف جنية تصالح للمكروباص فقط وحبس السواق بردو والله كلهم هتعلمو الادب لو طبق عليهم قانون رادع مع تفعيل كميرات مرقبة عشان ميكونش فية رشاوي
هي المقترحات دي هتوصل للي بإيديهم القرار ولا إحنا بنضيع وقتنا في كلام ع الفاضي ؟
فى مدن كتييره و مافيهاش المترو و برضه فيها الازمة المرورية ؟؟
و بعدين العربيات الى لا تستخدم افرض صاحبها مسافر ولا حاجه انا سعات بسافر و بسيب العربيه بالشهرو الاتنين فى الشارع
و بعدين حتى العربيات الى بتقعد بالسنين ما هو لما بيجدد بيدفع الى عليه
و لو حد عنده كذا عربية مش بيبدل فيهم يعنى على الطقم الى لابسه يعنى عربيه له و عربيه لابنه و عربيه لبنته عادى يعنى كل واحد فى حته و بيروح شغله
و الضرائب محسوبة فعلا على السعه اللتربة
هو الحل مش في الغائه
الحل في قتل ودبح كل سواقين الميكروباصات وتعيين ناس من الاخوان مكانهم .. على اساس انهم بدقن بقى وبيتقو ربنا في الناس اللي معاهم وكدة ههههههههههههههههههههههههه ههههههههههههههههههههههههه
بجد هو اللي نفسي يحصل ان السواقين كلهم يتعدموا او يتولع فيهم بأشكالهم الشمال دي ويتعمل مشروع بأتحاد شركات ورجال اعمال زي تاكسي العاصمة كدة والسواقين يبقو مؤهلين
It is usual reserve
انا أرى إن الحل لازم يكون حل علمى وعملى ويكون مدروس كويس علشان منفضلش عايشين فيران تجارب (الغى ساته ابتدائى / رجع ساته ابتدائى - ثانوية عامة سنتين / لأ ثلاثة / لأ واحدة.
ممكن يكون عند حضرتك حل جميل جدا ينفع على بعض الطرق ويكون عند الاخر حل اخر ينفع لاماكن اخرى و تتلم الحلول وتدرس بعناية وبعدين نطلع بنتيجة ونعمل حل تكاملى يقضى على أزمة المرور و التكدس ويا ريت اى حد عنده حل ميكونش ضد المواطن زى زيادة الضريبة او منع الميكروباص او مثل هذه الحلول ميقولهوش احسن علشان احنا مش ناقصين - المفروض تتكامل جميع انواع المواصلات فى الحل وليس الغائها .
والحل لازم يشمل السيارات و المترو والميكروباص و اتوبيس النقل العام و تنظيم وتقنين حركة سيارات النقل اللى فارسانى من كترها فى ساعات الاذروة وكترة حوادثها - كمان القوانين و تطبيقها - عربيات نجدة / صيانة / اسعاف - خدمات طرق وغيره
شكرا ليكم اعزائى الكرام فى المنتدى.