ممكن أعرف الحاجات ده تتغير كل قد اية

**egman** · 26-06-2011 02:44 PM

السلام عليكم ورحمة الله وبركاته

انا عايز اعرف اغير الحاجات ده كل كام كليو :

فلتر بنزين
فلتر هواء
سير دينامو
سير كاتينة
بلية شداد كاتينة
بوجيهات
سلك الدبرياج
تيل الفرامل الامامي والخلفي .

حد يعرف قواعد الموتور التلاته يعملوا كام وفين احسن مكان بيبع وجديد ولا استيراد احسن واعرف منين فى حالة الاستيراد انهم تمام وكويسين ؟

**ehab_mansour** · 26-06-2011 03:17 PM

المشاركة الأصلية كتبت بواسطة egman

السلام عليكم ورحمة الله وبركاته

انا عايز اعرف اغير الحاجات ده كل كام كليو :

فلتر بنزين كل 20 الي 30 الف كيلو
فلتر هواء زي فلتر البنزين
سير دينامو مع سير الكاتينة
سير كاتينة كل 50 الف كيلو
بلية شداد كاتينة المفروض مع سير الكاتينة لكن ممكن تكشف عليها ولو كويسة متغيرهاش
بوجيهات كل 20 الي 30 الف كيلو
سلك الدبرياج لما يحصل فيه مشكلة او يبقي تقيل او يتأكل
تيل الفرامل الامامي والخلفي . أمامي كل 20 الي 30 الف وخلفي بصراحة بيغيب قوي لكن كل متلاقي فرامل اليد خفت ومش كويسة تكشف عليها و تغيرها لو محتاجه

حد يعرف قواعد الموتور التلاته يعملوا كام وفين احسن مكان بيبع وجديد ولا استيراد احسن واعرف منين فى حالة الاستيراد انهم تمام وكويسين ؟

قواعد الموتور تشتريها جديد أفضل لأنها مستهلكة ومتنفعش استيراد و عربيتك اللي بتتهري فيها هي القاعدة الأمامية دايما ودي كنت مغيرها ألماني ب 150 جنيه
طبعا اللي ذكرته ده من خلال التجربة و كاتالوجات الصيانة ويمكن أكون مزود شوية ولكن الصح تعمل السيرفس في ميعاده حتي ولو معندكش مشكلة دي وجهة نظري الشخصية

**ehab_mansour** · 26-06-2011 03:45 PM

المشاركة الأصلية كتبت بواسطة egman

انا الحمد لله بعمل الصيانات فى مواعيدها بس كنت عايز اعرف الحاجات ده تحديدا غير الزيت بتتغير كل قد اية ...

وفين لقيت القواعد المانى الصنع وفعلا المانى ولا بتطلع صينى فى الاخر وجبتها من عند مين ؟

شوف انا أشك انها الماني بس هو حلف انها ألماني و كانت تصنيع شركة بتقول كده لكن انا قلبي وعقلي بيقول انها صيني وده كان من المنصورة من فترة في عربيتي الابيزا اللي فاتت

**SYD** · 26-06-2011 05:33 PM

المشاركة الأصلية كتبت بواسطة egman

السلام عليكم ورحمة الله وبركاته

انا عايز اعرف اغير الحاجات ده كل كام كليو :

فلتر بنزين الكتالوج بيقول كل 60,000 لكن لظروف البنزين بتاعنا بيبقي كل 30,000
فلتر هواء الكتالوج بيقول كل 60,000 لكن لظروف الجو بتاعنا بيبقي كل 30,000
سير دينامو كل 50,000 ويستحسن لو كل 40,000
سير كاتينة كل 50,000 ويستحسن لو كل 40,000
بلية شداد كاتينة مع سير الكاتينة
بوجيهات الكتالوج بيقول كل 30,000 (بس مش محدد 3 شمعة ولا 1 شمعة بس بتوع قطع الغيار بيقولوا 3 شمعة)
سلك الدبرياج حسب الحالة بس يستحسن تغيره كل فترة ولتكن 30,000
تيل الفرامل الامامي والخلفي . الكتالوج بيقول اكشف علي التيل الأمامي كل 15,000 والتيل الخلفي اكشف عليه بصورة دورية كل 12 شهر

حد يعرف قواعد الموتور التلاته يعملوا كام وفين احسن مكان بيبع وجديد ولا استيراد احسن واعرف منين فى حالة الاستيراد انهم تمام وكويسين ؟

الصراحة انا ماغيرتهمش
بس لو علي كلام المهندس ايهاب انه شاكك انهم صيني يبقي الاستيراد احسن وتبقي مفكوكة قدام عينيك من العربية، يعني ضامن انهم اصلي بتوع بلادها
ومعروف في الاستيراد انك بتشتري وتتفق معاه انك هتوريها للميكانيكي ولو مش حلوة هتغيرها
انا شخصيا غيرت طرمبتين باور قبل كدة و3 طرمبات هوا للسنتر لحد لما اخد الحاجة النمرة 1
وزي مابيقولوا الي اوله شرط اخره نور، اتفق معاه علي مبدأ الترجيع قبل ما تتفق علي السعر عشان لو عايز يزود 10 ولا 20 جنيه كمان لكن لو جيبت معاه من الأخر وجيت تقوله ارجع مش هيرضي ويقولك انا مديهالك سليمة

والله المستعان
،
،

**behman** · 26-06-2011 05:55 PM

وعلي فكره القاعده الاستيراد لو حالتها كويسه هاتعيش معاك اكتر من الجديد ابو 150 ده ... عن تجربه
و سعرها ممكن يوصل ل 120 لو حالتها حلوه و جديده ... و لو لقيت واحده حلوه اكيد الباقي هايكون زيها فريح دماغك و هات ال 3
2 كبار و واحده صغيره بتاعت الفتيس .... 2 علي القنطره ( كبيره و صغيره ) و واحده قدام للموتور ( كبيره )

**eemmoo** · 28-06-2011 02:06 AM

ازاى التيل الامامى يقعد 15000 كم و 20000 كم و 300000 كم ده انا بغيره كل 1500 او 2000 كم بالكتير اوووى

وبجيب نوع اسبانى تقريبا اسمه rh

**ehab_mansour** · 28-06-2011 08:47 AM

المشاركة الأصلية كتبت بواسطة eemmoo

ازاى التيل الامامى يقعد 15000 كم و 20000 كم و 300000 كم ده انا بغيره كل 1500 او 2000 كم بالكتير اوووى

وبجيب نوع اسبانى تقريبا اسمه rh

ايه يا عم ده 1500 ايه و 2000 ايه مش ممكن مانا غيرت الأسباني ال rh ده قبل كده وكمان كانت الطنابير في عربيتي الابيزا القديمة حامية وبتاكل االتيل بسرعه(علي كلام أكتر من فني وحسب مشفتها ) والعربية مكنتش بتقف يوم وسفر وبهدلة و كنت بغيره مش أقل من 30 الف نهائيا
يا سيدي الفاضل التيل بيتغير لما يبدأ يقل عن ثلث سمك البادة بتاعت التيل يعني أقرب ينتهي هنا تبدأ في تغييره خلال فترة قريبة
اكيد فيه حاجه غلط

الموضوع: ممكن أعرف الحاجات ده تتغير كل قد اية

LinkBack

أدوات الموضوع

عرض

-

-

-

-

المواضيع المتشابهه

أعرف ازاي ان المقصات عاوزة تتغير ؟

كنت عايز أعرف أسعار الحاجات دي ضروري جدا

ممكن أعرف الحاجات دي ؟؟

عايز أعرف رأيكم ليه المصنع مش بينزل الحاجات دي.

الحقونى بسرعة عملت حادثة بأونو 93 و عاوز أعرف أسعار الحاجات دى

الكلمات الدلالية لهذا الموضوع

المفضلات

المفضلات

ضوابط المشاركة