لسه مافيش حد استلم اللوجان لحد دلوقتى من الناس اللى حاجزة

**tekoooooo** · 26-06-2011 03:54 PM

السلام عليكم ورحمة الله وبركاته
لسه مافيش حد استلم اللوجان لحد دلوقتى من الناس اللى حاجزة
امال يوم الخميس ايه والاحد ايه والمركب بتاعت رينو وصلت والعربيات
اتحملت على كسحات
هما رجعوها تانى المغرب ولا ايه
حد عنده معلومة اكيده عن الموضوع ده انا حاجز من شهر وماشى فى الاجراءات قبليها بشهر عشان
انا هقسط ولحد دلوقتى لاحس ولا خبر وابتديت ازهق من الانتظار

وشكرا لكل واحد هيفدنى بالرد

**ahmednm21** · 26-06-2011 04:22 PM

حسب معلوماتى ان الشحنه الى جت رومانى مش المغربى وده لو سالت عليها هاتلاقيها هى اكتر من المغربى بحوالى 5000 جنيه بالاضافة لمميزات اضافية

**kimooo_4_u** · 26-06-2011 05:48 PM

المشاركة الأصلية كتبت بواسطة ahmednm21

حسب معلوماتى ان الشحنه الى جت رومانى مش المغربى وده لو سالت عليها هاتلاقيها هى اكتر من المغربى بحوالى 5000 جنيه بالاضافة لمميزات اضافية

اللي انا اعرفه ان مفيش دفعات روماني هاتنزل تاني والموجود في السوق بقايا دفعة الروماني اللي فاتت والمفروض الدفعة المغربي هاتظهر في السوق في خلال اليومين للي جايين

**wwws** · 26-06-2011 09:28 PM

انا كمان حاجز من عند الطارق من شهر ومن ساعتها شاغلى على الاحد والخميس ولغايه دلوقتى ما استلمتش وكل شويه اعذار جديده شويه العربيات ما وصلتش شويه وصلت والاجراءات الجمركيه لسه شويه التوكيل معاكس معانا الحقيقه انا كمان زهقت ومش عارف الحقيقه فين واضح ان فيه حاجه غامضه انا مش عارفها والنهارده اتخانقت معاهم وحلفولى ميه يمين انى حستلم الاسبوع الحالى من دون ما يحددوا يوم معين

**dr_mohamed16** · 27-06-2011 01:28 AM

و نفس الموضوع معايا برضه
المصرية كل اما اكلمهم يخبطوا كده اى تاريخ و خلاص سعات يقولم التاريخ الفولانى و يكون اجازتهم اصلا
اى كلام فى اى كلام

لكن بالنسبة للعربيات الى وصلت ميناء الاسكندرية و اتحملت على كساحات فا ده خبر مؤكذ 100%