الموضوع: اسقط مايفك للبومة ولا ايههههههههه

المشاركة الأصلية كتبت بواسطة prisoner

اولا انا مستغرب من كلامك فى البداية ازاى البومة 1600 بطيئة امال ال1300 بتعمل ايه العربية دى محترمة جدا جدا او حضرتك عامل زىى انا بحب لما ادوس دوسة اجيب اخر العداد على طول علشان محدش يجيبنى ههههههههههههههههههههههه ثانيا ممكن حضرتك تسقط ال2000 بتاع البومة برضوا بس ده بينزل برة بس يعنى ممكن تلاقى الموتور استيراد ويركب عادى من غير مشاكل ولعب فى العربية وبصراحة انا لو كانت معايا البومة ال1600 مكنتش عملت حاجة غير الجنوط ال1600 فى مصر حلوة جدا وبعدين مع واحد قريبى كان بيجيب بيها 200 مستريح بس المشكلة كانت فى الثبات لما السرعة بتكون عالية وبالتوفيق ان شاء الله تحياتى

يا باشا المشاركة نورت بيك
اللانسر طبعاً بطيئة جداً بالنسبة لى (أقصد فى السحب وسرعة التجميع) وخصوصاً لواحد زي حالاتى لسة نازل من فيرنا
طبعاً معاك حق اللانسر بتوصل لسرعات عالية بالنسبة للفيرنا بس بتاخد وقت اكتر بكتير من الفيرنا عشان تاخد سرعتها
يعنى من الاخر لو طريق مفتوح وطويل يبقى اللانسر تاكل الفيرنا ولو طريق قصير او زحمة يبقى الفيرنا تعدى بمراحل

على فكرة انا ركبت اللانسر 1300 اوتوماتيك واتشليت بجد
بس للاسف اشتريت لانسر 1600 بعد ما كل الناس شكرت فى السحب بتاعها (كنت لازم اجربها قبل ما اشترى)

حضرتك عامل زىى انا بحب لما ادوس دوسة اجيب اخر العداد على طول علشان محدش يجيبنى

وعلى فكرة صح انا زيك فى دى

معايا ال 1600 اوتوماتك 2006
و انا شايف انها جريها و سحبها كويسين مش وحشين! :)
و انا متفق مع بقية الاغضاء فى موضوع ال 2400 احين بكتيييير
انا كان قدامى مكنة زيها عاملة 20,000 كيلو
على 8000 جنية و تركيبها 1000
و لك الاختيار