الموضوع: احذروا الاعيب التوكيل

المشاركة الأصلية كتبت بواسطة أبو عبدالله

يا أخي الكريم فيه حاجه اسمها كتالوج العربيه
الكتالوج اللي عامله وكاتبه المصنع اللي هو حط المية بتاعت الرادياتير بداخل العربيه مش التوكيل
المية عمرها على ما اتذكر في الكتالوج بتبقى سنتين ومالهاش اي علاقة بالكيلوهات اساسا


أخى العزيز الكتالوج (Owner's manual) اللى مع العربية لا يقول كام سنه او كام كيلوميتر ولكنه يذكر نوعية وكمية او مواصفات الحاجات اللى تتغير مثلا الزيت لا يقول كل كام كيلو/عمر محدد للتغير....مجرد نوع الزيت اللى يتغير وده له مواصفات = درجات حرارة ولزوجة معينة.... أما كلام كام كيلو سيادتك تدور عليه فى النيت لغاية ما تلاقى دليل الصيانة وده بقى كلام المصنع لكل سيارة وموديل ويقول امتى الكشف وامتى الفحص وامتى التغيير لآن الكشف لا يعنى التغيير ابدا وانا فى حالتى يقال كشف علشان لو فيه اى تسريب او بوظان نتيجة سوء استعمال او تلف فى الدائرة يتم الفحص عليها وتتلحق وانا ليس عندى هذه الحالة وكانت الدائرة بتاعة التبريد سليمة تماما......
نرجع بقى لسائل الردياتير (على فكرة ده سائل مصنوع -عفوا لا احب كلمة مخلق لان الخالق هو الله سبحان تعالى - ومخلوط بتركيبة معينة لضمان وسلامة دائرة التبريد والمحرك وده اللى مخلى تويوتا برة نمرة واحد فى الإعتمادية والصيانة وليس مجرد الإنتاج والبيع ما هو الإنتاج والبيع يأتى نتيجة الكلام الحلو عن الصيانة والإعتمادية ولا يصح يقال عليه مياه ردياتير وارسل لسيادتك كلمات الكتالوج وممكن حضرتك تقرا الكتالوج بتاعك لو السيارة تويوتا بعد 2004 كل الموديلات تستخدم هذا السائل ويوجد ستيكر ملزوق على الكابوت يقول كده برضه (ساقوم بتصويره وارساله مخصوص لسيادتك

كل حاجه لها ظروف
السوق المصري له درجات حرارته وظروفه في التراب وغيره والزحمة
كل ده بيوضع في الحسبان من قبل المصنع وده اللي بيميز دائما الياباني عن الأوروبي عموما

لا سيادتك ممكن تقول السوق المصرى له نصب واحتيال وعدم معرفة واستهبال العميل عن قصد او دون قصد...وده كان حقيقى قليل فى توكيلات صيانة تويوتا (الفائزة دائمان بالمركز الأول عن أفريقيا والشرق الأوسط) ولكن مع تغيير التكنولوجيا لابد من تعلييم هذه المراكز......
معلومة صغيرة علشان بس ما حدش يقول دى ظروف السوق المصرى مختلف :
1. هذه السيارات معروف من المصنع انها تتجه للسوق المصرى ولا يمكن ان يضعوا سائل مختلف فهم يضعوا سائل مصنوع خصيصا لكل سياراتهم والذى يتلائم مع كل سياراتهم بالعالمزززيعنى هذا السائل الموضوع بسيارة تباع باليابان هو هو اللى فى سيارة أمريكا...اليابان...ايسلندا.... مصر....السودان...جنوب افريقيا وتعرف ليه كمان شوية ولما تشوف الكتالوج بتاعك كمان...(يرحوا يستوردوا موبيل وان ابو 33% تركيز والباقى مياه تتبخر وتتحلل وتصدى ) دى سياسة شركة وهى شركة اكثر من محترمة....وكمان يلزقوا الإستيكر بتاع تعريف العميل ما هو السائل الموضوع بسيارته وامتيازه بالعمر والكيلومترات الكبيرة وده ميزة تويوتا وعلامة جودتها

2.هذا السائل المصنع عبارة عن تركيبة كيميائية من عدة سوائل (رجاء قراء المرفق او الكتالوج بتاعك او اطلب وانت عند الوكيل يطلعك على كتالوج جديد وشوف بنفسك تعريف هذا المنتج Toyota super long life coolant...
مميزات هذا الإختراع : درجة الغليان عالية دان (يعنى يعطى المحرك السخونة المطلوبة Ideal Temp ولا يتبخر (اظن دى ميزة لجو مصر) ضد التجمد (لا يتجمد عند درجات التجمد المتعارف عليها دى كويسة عن أوروبا ولا تضر فى مصر ) ضد التفاعل مع المعادن والألمونيوم ولا يسبب الصدا....عموما انا شاغل نفسى ليه سيادتك ممكن تبحث بنفس على النت.

بصراحه الكلام اللي حضرتك ذكرته ده لم اسمع به ولم اقرأ به نهائي
كل سائل في العربيه له عمر افتراضي مكتوب بالكتالوج مش الوكيل اللي بيكتبه يعني وانما اللي صنع العربيه وهو ادرى بها واعلم مننا بما يحدث لكل شئ بداخل العربيه

سيادتك انا لم اقصد التشهير بالتوكيل ولكن نقلت تجربتى مع التوكيل واوضحت انى اتعامل معهم من 1993 وغيرت سياراتى كلها زيرو من تويوتا....ولاضافة المصدقية ان كلامى مبنى على حقائق وليس أحلام فى المنام ارفقت لينكات (وكمان بترجمتها) من شركة تصدير يابانية للمنتج Τoyota Super Long Life Coolant (SLLC)..ومن تويوتا نفسها وادى لينك تانى Inverter Coolant change required? - Toyota Tundra Forums : Tundra Solutions Forum
وبعدين لو لسه مش مصدق يبقى دور بنفسك على النت او روح غير سائل تويوتا التعبان ده وحط موبيل الروز الهايل الجبار ابو 33% ونبقى نتقابل كما كام الف او سنتين ايهما اقرب (الناس فرحانة انه نفس اللون...معلومة على اللون ده مجرد لون علشان عند الفحص اللى قلت عليه فوق عند 40 الف يبقى اى تسريب باين ومعروف عن الزيوت)....

عموما اشكرك على اتاحة الفرصة للرد على تساؤلات ممكن اى أخ فى المنتدى يطرحها واكرر ان ده مش تشهير بالتوكيل لكن مجرد تبادل التجارب وتوضيح نقاط (مدعمة بأشياء منطقية) رجاء اخير سيادتك اقراء الكتالوج واعرف مكتوب فبه ايه قبل التشكيك فى كلام واحد اخوك على المنتدى ولك الشكر والتحية على فكرة حاول تطلب جدول الصيانة اللى التوكيل بيشتغل عليه وتبقى بطل لو اعطاه لك للإطلاع امامه ومش تأخذه وتبقى الف بطل لو اثبت انهم عملوا كل اللى مكتوب فيه.....

اسف لم اعرف تحميل الصور

المشاركة الأصلية كتبت بواسطة moosaleh

طبعا معروف ان توكيل تويوتا فعلا بيبالغ فى الاسعار وديما العميل اللى بيتعامل معاهم بيبقى قلقان انهم يضحكوا عليه ولكن ليا ملحوظه على موضوع ان ماء الردياتير الفبريكه له الاثر السحرى على السياره وانه بيقلل السخونه والتأكل لأجزاء الريدياتير والموتور وده مش صح لان مياه موبيل لاتقل فى الخواص والنقاء عن الماء الاصلى وايضا درجه التجمد والغليان للنوعين تكاد تكو ن واحده وان مياه الفبريكه ليست بالماء السحرى.

أخى العزيز
متفق مع سيادتك ان العميل يبقى قلقان انهم يضحكوا عليه بس لما يكون فاهم ويقول لهم اعملوا كذا يعملوا برضه اللى هما عايزينه لمجرد الأهمال (اصل يعنى مش حكاية 60 او 70 جنيه هما اللى يفرقوا مع واحد مننا) بس انا انقل التجربة للتركيز فى التعامل مع التوكيل ومعرفة معلومة انا متأكد منها ويا ريت حد يكون فاضى يجيب لنا لينكات تانى تفيد هذا الموضوع او اى موضوع آخر لان هذا هو معنى تبادل المعلومات الصحيحة والمؤكدة....
تمام هى ليست بالماء السحرى لكن مياه موبيل باعتبار انها احسن مياه بالسوق وهى ليست سائل تبريد (ارجو قراءة تعلقى السابق على الأخ الكريم من المنصورة) نسبة التركيز 33% - ليس مكتوب عليها مكونات السائل يعنى ممكن كده اخره تركيبة سائل ضد الصدأ وخلاص ومخففة بمياه مفروض مقطرة بنسبة 33% (الخلطة ولو عاوز تسميها الخلطة السحرية ايوه الخلطة السحرية ومع ذلك تويوتا كاتبة مكونات الخلطة فى كتيب user's Mannualو هى اكثر من مكون وكل واحد له دوره فى الحياه وطبعان مع الإحتفاظ بنسبة كل خلطة) وايوه السائل الأصلى له الأثر السحرى وانا حاسيت به عمليا من بعض الأشياء الصغيرة الملحوظة بعد التغيير مباشرة : الشخونة السريعة = درجة غليان سريعة يعنى تبخر للمياه = درجة حرارة اعلى على الموتور وداخل غرفة المحرك عموما = مروحة التبريد تعمل على فترات اقرب من الأول) وان لم يكن هذا الماء السحرى اللى سعره فى أمريكا 24$ الجالون وحوالى 50 يورو فى اوروبا (امريكا الجالون الأمريكى = 3.7 لتر اما اوروبا الجالون 5 لتر)...عموما كل واحد وراحته النفسية ابقى غير الى موبيل وهو انظف حاجة فى السوق مع ملاحظة ان هناك منتجات امريكى بنسب تصل 70% تركيز وما تنفعش السيارات اليابانى وكل 40 الف واحد وراحته......انا نقلت تجربتى وياريت واحد مهندس من الأخوة بالمنتدى يقول ان كلامى غلط ويريحكم بس انا طلبت جركن اصلى من اوروبا علشان عاوز احافظ على سيارتى لى وللمشترى من بعدى..... ما هو اصل الردياتير مش حيصدى فى شهر من موبل ولا طرمبة المياة حتعطل من شهر ولا البطارية تتعب وسير المروحة يبوظ ولا موتور المروحة ولا السير والخراطيم كل ده مش حيجرى له حاجة فى يوم وليلة بس الأداء والأعطال حتبقى على المدى البعيد ده للمهتم بسيارته وعلشان كدة انا نقلت تجربتى علشان كل واحد يستفيد بالسائل اللى ماحدش عارف قيمته والصانع نفسه كاتب ما يتغيرش قبل 160 الف كيلو او 5 سنوات ايهما اقرب مع الفحص الدورى بعد 4 سنوات وخصوصا ال PH للتأكد من فاعليه السائل. مع الشكر والتحية ويا ريت لو حد من الأخوة بالمنتدى يعرف مكان محل قطع غيار عنده هذا السائل يقول لنا لأفادة الجميع وشكرا مرة اخرى

فهمت قصد حضرتك طيب لماذا لا نطالب التوكيل بتوريد المياه الاصليه حتى لو غاليه والعميل ساعتها اللى يختار بس انا مش عارف هتكون ازاى طريقه المطالبه مع العلم ان تويوتا اليابان لا يهمها الا العميل الامريكى بالدرجه الاولى لان معروف حجم المبيعات هناك اد ايه وفى مصر اد ايه يعنى لو بعتنا ايميل ليهم بهذا الخصوص اعتقد ماحدش هيسأل فينا وكمان هل فى توكيل سيارات فى مصر بيورد المياه الاصليه ده برده سؤال تانى بس فعلا اتمنى توريد الوكيل ليها حتى لو غاليه شويه

المشاركة الأصلية كتبت بواسطة Unendlich

موضوع تغيير المية كل 5 سنوات ده اجتهاد ذاتي من اللي كاتبه و مش مكتوب في الكتالوج, مكتوب أول مرة بعد 160 ألف و بعد كده كل 80 ألف (واضح في أول صورة )

ده مش اجتهاد شخصى لانى مش حاحط معلومة للسادة الأخوة بالمنتدى الإ وانا متأكد منها وكده يبقى حضرتك ما فتحتش اللينكات اللى انا حاططها وبالترجمة كمان تؤكد كلامى وفيها موضوع كام كيلو وعدد السنوات واضحين جدا من تويوتا ومن مصدر المنتج باليابان (يا ريت حد عنده محل قطع غيار يتعاقد معاه ويجيب لنا شحنة)وطبعان كل ده بيكون المواصفات القياسية للمنتج وعمره الإفتراضى واخيرا ترجع للإستعمال والصيانة والفحص الدورى للتأكد ان كله تمام يعنى ما اجيش بعد 7 سنيين افتح ابص على الطرمبة بتسييل ولا لأ او اتغاضى عن ان قربة الموتور بتنقص باستمرار - القياس على البارد - ده فعلا كل 40 الف او سنتيين تتفحص وانا باعملهم كل 10الف او ستة اشهر لن ده بالنظر وفيه فحص للسائل عند محطات البنزين وانت بتغيير زيت تقيس معامل ال PH هل السائل تغير ولا لأ يعنى تأكسد لو تأكسد هنا يحتاج تغيير حتى لو عامل 20 الف بس....

و بالنسبة للّي بيقول إن الكتالوج مش مذكور فيه الكيلومتر أو المدة الزمنية, ياريت يبص على ال 3 صور اللي تحت

أولا ارجوك اشرح لى ازاى انزل صور انا حاولت انزل صورة الكتالوج بتاعى وكمان صورة دورية الصيانة ومش عارف...وعلشان اضيفهم كمرفقات بيطلب حجم ملف صغير جداززعلى الأقل حضرتك اثبت موضوع الكيلومترات فاضل حد ينزل صور اثبات العمر الإفتراضى للسائل (او ببساطة يدخل على اللينكات اللى حاططها ويؤكد ما فيها)

رابط تويوتا اليابان (تانى مرة)
search.toyota.jp/measurement/click.do?to=http%3A%2F%2Ftoyota.jp%2Fafter_service %2Ftenken%2Fmaintenance%2Fengine%2Findex.html&kw_i d=66966 - Translator

رابط مصدر المنتج
www.appakita.com/super-long-life-coolant-toyota.html - Translator


طبعان كل طراز سيارة له كتالوج وانا سيارتى افنسيس موديل 2006 (الشكل المعدل وهو يرخص برة على انه 2007 facelift) ممكن كاتالوج حضرتك طراز تانى وكمان احدث ...طيب اللستكر على الكبوت من جوه عندك بيقول ايه؟ انا عندى بيقول نفس الكلام اللى فى كتالوج حضرتك

كل كل الشكر والتحية

المشاركة الأصلية كتبت بواسطة moosaleh

فهمت قصد حضرتك طيب لماذا لا نطالب التوكيل بتوريد المياه الاصليه حتى لو غاليه والعميل ساعتها اللى يختار بس انا مش عارف هتكون ازاى طريقه المطالبه مع العلم ان تويوتا اليابان لا يهمها الا العميل الامريكى بالدرجه الاولى لان معروف حجم المبيعات هناك اد ايه وفى مصر اد ايه يعنى لو بعتنا ايميل ليهم بهذا الخصوص اعتقد ماحدش هيسأل فينا وكمان هل فى توكيل سيارات فى مصر بيورد المياه الاصليه ده برده سؤال تانى بس فعلا اتمنى توريد الوكيل ليها حتى لو غاليه شويه

فكر يا أستاذى وانا شخصيا معاك ... أصل موضوع الضحك علينا كدة علنى بقى حاجة تنقط ... موضوع زى ده اهه ادينا عرفناه وحنحاول نحميه ... طب اكيد فى حاجات تانية كتير واحنا ما نعرفش عنها حاجة ...دلوقتى انا ماعنديش ثقة ايه اللى بيتعمل فى العربية جوه (لان بره انت شايفها وكمان فيه كاميرات بتعرض على الشاشة وممكن تتكلم مع مدير الورشة السريعة لانه راجل محترم - م.العباسية - وجدير بالثقة ) ... اصل العالم تطور وهما (التوكيلات) برضه لسه ماشين زى ماهما....شوف الأستاذ اللى كاتب انه بيهربوا منه لانه فاهم وعارف حقوقه...ما اصل انت مش دافع المبلغ ده فى تويوتا (وطبعان التوكيل وتسعيره للتويوتا لها كتابات تانية كتير) علشان فى الأخر يجى التوكيل يقلل لك من عمرها علشان 60 ولا 70 جنيه هما ليه عربياتهم بره من ضمن اعلى مبيعات / اعلى اعتمادية (مصاريف الصيانة مع عمرها) / اعلى نسبة رضاء عملاء / اعلى نسبة ولاء عملاء للماركة / نمرة واحد كمنتج / ونمرة واحد brand name فى السيارات (بى ام اخذتها منها شوية ورجعت تويوتا جابتها تانى) حرام اللى بيتعمل فينا ده.