استفسار عن cbr 900 موديل 1999 افراج

**tamertamer** · 28-06-2011 03:27 AM

الكلام دة مش صح نظام التبريد افضل وصغر حجم المولد اعطاة قوة اكبر ودراع سوينج دة غير كبر حجم الشكمان وخوارج العادم وزيادة سنون التروس وفى حاساس tps طبعا غير نظام الفرامل المتطور دة غير حجات كتير تقلى مفيش فرق حرام عليك 900 جنب 919 سواء فى الامكنيات او التكنولوجيا تعد على جنب فعلا الفروق كتير

**sanseemoon** · 28-06-2011 03:42 AM

هو كل واحد معاه بايك بيحس انه احسن بايك فى العالم وبعدين كل حاجة بسعرها ماتجيبش 28 الف ل33 الف
والفروقات دى انا لخصتها فى الزيادة 10 هورس باور وال 25 سى سى
كل الى انت قولته ده انا قولته بالمختصر المفيد
فرق يعنى مش جبار مش علشان انت معاك 919 يبقى خلاص كل الناس تجيب 919
زى ال400 عادة وال 400 فاير الى معاه الفاير حاسس انها احسن من 400 عادة وبالعكس مافيش اى فرق نهائى وانا الى بقولك واسال مجرب مش انت ركبت وجربت وشوف على الموقع هتلاقى بعد سنة 1992 قللو الهورس باور فى الفاير واصبح 53 هورس باور بدلا من 59 الى هو اصلا فى ال 400 العادة الفرق الشاسع بقى يا استاذ تعرف يبقى فين فى الفالف بتاع السندر وكل سلندر ليه 4 فالف كل المكن دى 4 فالف لو بقى 6 تقول ماشى ده فرق يستاهل انما كل ده فى الفاضى

**tamertamer** · 28-06-2011 03:20 PM

فروق الهورس بور لية دعوة بالمتور لاكن انا بتكلم على نظام اتزان ونظام جرفتى وقصص تنية الفروق كتير فعلا نقلة نوعية بمعنى الكلمة انا شايف ان 919 افضل من 929 لعدة اسباب اولا اولا 929 كلة مشاكل فى الانجكشن ذى كل حاجة تكنولوجيا جديدة فى اخطاء بيتم تلفيها فى الموديلات الاحدث وطبعا ان وشوش المتور خرجة عن المكنة اى وقعة يمين شمال بتجيب متور على طول وقصة كبيرة لاكن مميزتها ان المتور من جوا تيتنيوم بس اثر على الوزن اخف فبتلى نظام الجرفتى محلهاش فثبتها مش اد كدة وكثرة الاعطال
اما 954 قطع غيرها غلية وفى حجات كتير مش موجودة بتجيب من برة مشكلها كلها فى الثبات بتعها لما تجرب 919 تيجى تجرب 954 فرق شاسع دة 400 العادة اتقل منها لاكن كاجرى وتكنولجيا مفيش كلام اما من حيث الشكل انا شايف ان 919 احلا بكتر كل واحد وحسب ذوقة وكمان 919 اريح فى الاعدة بكتير كمان سواء ليك او للكورسى خلفك

**eletr** · 28-06-2011 04:49 PM

فعلا في ناس كتير قالولي ان الـ 929 فيها مشاكل كتير و الـ919 احسن منها و موضوع الشكل ده اذواق

**yascro** · 28-06-2011 06:01 PM

يا جماعه مع احترامى لجميع الاراء مفيش حاجه اسمها موديل قديم احسن شركه بحجم هوندا مبتهزرش ف المسائل دى وماظنش ان المهندسين والمصممين ف الشركه هتفوتهم حاجه او عيب ف موديل ويسيبوه ينزل السوق (الكلام ده واقف) موديل جديد يعنى تكنولوجيا جديده بس الاهم من التكنولوجيا العقل اللى يستوعبها ويقدر يطوعها ويتعامل معاها
صح ولا ايه

**tamertamer** · 28-06-2011 06:19 PM

المشاركة الأصلية كتبت بواسطة yascro

يا جماعه مع احترامى لجميع الاراء مفيش حاجه اسمها موديل قديم احسن شركه بحجم هوندا مبتهزرش ف المسائل دى وماظنش ان المهندسين والمصممين ف الشركه هتفوتهم حاجه او عيب ف موديل ويسيبوه ينزل السوق (الكلام ده واقف) موديل جديد يعنى تكنولوجيا جديده بس الاهم من التكنولوجيا العقل اللى يستوعبها ويقدر يطوعها ويتعامل معاها
صح ولا ايه

اختلف معاك جدا جدا
مكنتش شركة تيوتا وفضيحة رجوع السيارات bmw مرسيد افخم الشركات رجعت عربيات عشان عيوب
كل مذادت التكنولوجيا ذادت التعقيد عادى جدا يعنى 929 اول الانجكشن عادى ممكن يكون فى اخطاء بعد الاستخدام بفترة بتتلفا فى الشيب القادم مع مراعاة انزال قطعة غيار تجعل الانجكشن 929 كويس انك بتركبلة حجات 954 هنا بقا تجيب 929 وتصرف عليها حجات 954 يبقا عيب واضح تم معلجتة لاكن بمقياس الناس هنا فك ولعب وجد وحب وسلملى على المكنيكية الحلوين ما انت عرفهم قالى بينزل من تحت ايدهم بيكون خلص
وعمرك مهتلقى كل حاجة فى موتسكل ابدا كل حاجة ليها عيوبها وليها مميزتها

**yascro** · 28-06-2011 06:27 PM

اديك قلت يا تام اتعمل للعربيات ريكول
انت بقى سمعت ان 929 اتعملها ريكول

**GMC** · 28-06-2011 09:50 PM

انا جربت ال 3
919 و 929 و 954
وعمري ما شفت عيب الانجكشن الي الناس بتقول عليه ؟؟؟!!!!! اكيد لو حصل العيب مع شخص واحد او اتنين مش معناه ان كل ال 929 فيه العيب ده وبعدين اذا كان انجكشن العربيه بيحصل في اعطال الحساس بيعطل او الرشاشات مش مظبوطه او مش تمام
بس انا متفق مع تامر وعن تجربه ال 919 مميزه الصراحه وحجم اكبر واشرس