السلام عليكم

دلوقتى انا العربية عندى الصوت فيها سيئ جدا

السماعات بقالها 16 سنة :) و طبعا الكاسيت برضة ( حتى دة كاسيت شرايط مش CD ) بس للأمانة عندى CD Changer بس شكلو تعب

المهم انا عاوز اعرف الميزانية كدة علشان اعمل حسابى فى نظام صوتى نقى و مميز

اولا محتاج Headunit يفضل جدا يكون بايونيير و لازم تبقى اضائتة حمراء و صوتة نقى و مواصفاتة كويسة ( فى حدود 900 - 700 جنية كدة فية اية بالمواصفات دية ؟ )

تانى حاجة سماعات الأول و بناء عليها حختار الأمبليفير

انا عاوز سماعات 13 سم قدام و 17 سم فى الخلف و يفضل يكونو كومبوننت و نوع ممتاز عاوز اعرف اسعار الحاجات البايونير و موديلهم علشان اعرف كام RMS

اخيرا امبليفير ( و انا ندمان انى بعت الكينوود ال 720 وات 4 تشانيل كان زى الفل )

الأسعار دلوقتى اية لو فية حاجة نضيفة ( كينوود او سونى مثلا ) 720 وات 4 تشانيل

و لو 600 وات 4 تشانيل ؟؟؟؟؟

و اخيرا الأسلاك !!

عاوز اعرف سعر سلوك الأمبليفير ( الأرضى و الباور و الريموت ) المتر بكام ولا هما بيتباعو مع بعض ولا اية ؟؟

انا على فكرة ناوى اركب الحاجات دية بنفسى لأنى بحب موضوع الصوتيات دة و الموضوع بسيط و اركبة انا احسن و افك الحاجات فى العربية بنفسى بدل الصنايعية ) واحد صاحبى راح يركب سماعات كسرولة العتبة البلاستيك بتاعت الباب و هما بيشيلوها طبعا دة علشان بيتعملو بعدم اتقان و ناس مش متخصصة و فى الأخر يقولك انا اسف

و مرة تانية رحت للراجل علشان و هوة بيركب الكاسيت نسى يركب وصلة الأيريال فا بينزل الكاسيت و بيسندة على الطابلوة و طبعا عملى 4 خرابيش ملهومش اى لازمة و انا موسوس فى الحاجات دية !!!!!

سعر سلوك من الأمبليفير للسماعات المتر بكام ؟؟؟؟؟ و ياريت نوع نضيف علشان السلوك مهمة جدا فى جودة الصوت

معلش انا عارف انة طلب رخم بس انا عاوز اعرف الميزانية حتبقى فى حدود كام

ياريت لو حد يعرف سعر اى حاجة من الحاجات دية يقولى !!

و اخيرا رأيكم فى الطقم كدة تمام ولا اية ؟؟؟؟؟ حسمع صوت زى ما انا متخيل ( نقى و متقسم و كل حاجة باينة و BASS كويس ( مش قصدى دبدبة يعنى بس يبقى فية Bass معقول )) ؟؟؟

شكرا جزيلا :)