ماسوره الفلتر

**H_A_T_Em** · 27-06-2011 12:37 AM

يا جماعه دلوقتي الماسوره الستانلس دي المفروض تعمل كام كامله عشان سالت عليها لقيتها ب 250 جنيه و بصراحه مستغليها لان كده هتبقي اغلي من الفلتر نفسو الماسوره اللي هي بتبقي كذه قطعه في بعض و فيها انحناءات و اهم حاجه يكون فيها مكان للاير ماس و مكان ل 3 فايظ زيت و مش عارف ليه 3 في عربيتي مع ان في كل عربيه بيبقي واحد و هل كفايه لو وصلت واحد ولا لازم ال 3 و معلش اخر سؤال في ماسوره تانيه كده بتبقي حته واحده و بتبقي ملونه زي بتوع k & n سمعت ان دي ممكن تبقي ارخص فياريت لو حد عارف اي معلومه يقولي و الف شكر

**Moe86** · 27-06-2011 03:32 AM

لو ماسورة حتة واحدة هتبقى أرخص كتير, يعنى من 60 ل 180 حسب طولها و خامتها
المشكلة بس ان طولها و التنية اللى فيها ممكن تبقى مش مناسبة لعربيتك

**H_A_T_Em** · 27-06-2011 02:55 PM

طيب الف شكر يا باشا بس هل ٢٥٠ ده السعر الطبيعي ولا كده عالي شويه ولا ايه النظام

**Seifmando** · 27-06-2011 04:35 PM

طب ما نعمل الماسورة البلاستيك وتلف عليها العازل الفضى اللى زى اللى بيتلف على مدخنة الافران والمطاعم الكبيرة

**Seifmando** · 27-06-2011 05:37 PM

المشاركة الأصلية كتبت بواسطة seifmando

طب ما نعمل الماسورة البلاستيك وتلف عليها العازل الفضى اللى زى اللى بيتلف على مدخنة الافران والمطاعم الكبيرة

مش هتتكلف اكتر من 50 جنيه كله على بعضه

**Moe86** · 28-06-2011 03:31 AM

ممكن تجيب الماسورة بتاعة عربيات النقل, لو تعرف محل قطع غيار للنقل هتلاقى عنده ماسورة بلاستيك بالقطر اللى انت محتاجه
المتر ب 11 جنيه تقريبا

**E30power** · 28-06-2011 03:38 AM

انا جايب مواسير التربو ب 250 حوالى 3 ونصف متر بالفواصل بتاعتة كمان

**H_A_T_Em** · 28-06-2011 05:45 AM

الف شكر ليكم يا رجاله و مازال البحث مستمر انا كنت في الحرفيين و رحت عند عادل وجدي و هو الوحيد اللي لقيت عنده واحده حته واحده و تنفع ل عربيتي و ب١٦٠ جنيه و قالولي ممكن نخرم فيها عادي عشان التوصيلات عموما انا هرحله تاني عشان هعمل cold air intake من ورا الكصدام كده و هشوف هيوصل لحد تحت ازاي

**ramyhekal** · 28-06-2011 05:52 AM

نصيحه بلاش تجيب ماسوره استانلس
ودا بسبب ان الاستانليس جيد التوصيل للحراره
والفلتر ضرورى جدا علشان يريحك فى كل حاجه ان يدخله هوا بارد
او على الاقل مش سخن وطبعا الماسوره دى بتولع من السخونيه
وحتى لو الهوا داخل للفلتر بارد الماسوره هاتخليه سخن
والنتيجه العربيه هاتتكتم جدا ويبقى مالوش لازمه
هو طبعا الماسوره الاستانليس شكلها حلو وشيك بس انصحك بلاش
انا حاطط عندى ماسوره بلاستيك زى بتاعة المياه كده مطاطيه يمين وشمال
جبت متر ب 20 جنيه وعشت معاه