الموضوع: المدعو عمر عفيفى ............ و محاولة خراب مصر

انا مشوفتش الفيديو
بس معترض على جملة انه باع دينه وعايش فى امريكا
هو علشان عايش فى امريكا يبقى خلاص باع دينه

على فكرة هو مطرود من مصر يعني مش عايش بمزاجه في امريكا
وكمان عساكر الامن المركزي دول هما اللي قتلو اخواتنا في التحرير ... نسيت ياباشا ولا ايه؟

يا جدعان حرام عليكم
يعنى سايبين اللى عمله سويرس و ماسكين فى ان عمر عفيفى عايز يخرب مصر ؟ و سويرس بافعاله دى هو اللى عايز يبنى مصر ؟
الراجل مقالش حاجة غلط و كل كلامه مظبوط
فعلا انا مؤمن بالمقولة الشهيرة " الشجرة المثمرة يقذفها الناس بالحجارة "

على فكرة يا جماعة عمر عفيفى و المعلومة دى من زميل سابق له فى الداخلية كان سكير و أخرج أسرار وظيفية لمدنيين غير زواجه براقصة درجة تالتة و ده اللى أدى لفصله بعدها عمل مع زوجته طبال قبل ما يهاجر إلى أمريكا و يصدر الكتاب الأشهر اللى جعل منه بطل قومى (عشان ما تضربش على قفاك) و اللى ذكر فيه زى المحامين العقر كده الشرطة لها عندك إيه و ما لهاش إيه و حقوقك و واجباتك القانونية فى البلد و هو ده باختصار عمر عفيفى بشهادة زميل دفعته مازال عايش و موجود و بالخدمة.

الله أعلم

لكني لا أثق به على أي الاحوال

مابيعجبنيش ,, بس اخر فيديو او الفيديو ده بالذات عجبني اوي !

عمر عفيفي اعرفه من زمان
اتفقه معه احيانا و اختلف معه احيانا اخرى
لكن عيب نقول عليه طبال من غير دليل
و بلاش انا سمعت - اصل واحد معرفهوش قاللي
النت كله بيحارب الشائعات و لسه فيه ناس تنقل كلام و تسأله يقول - اصل فلان قاللي و علان حكالي و انا سمعت من زمان بس مش فاكر مين ان و ان! حنتحاسب على كل كلمة نقول

عودة للفيديو : الفيديو كلامه طبيعي جدا جدا و ناس في مصر قالوا اكتر منه بكتير لان ساويرس مسخها و بوخها