الموضوع: !! أستفسار عن الفلوريدا

السلام عليكم ورحمه الله وبركاته


صديق سئلني عن الفلوريدا وعجزت عن الاجابه :D

نرجو من مالكي السياره فلوريدا عمل تقرير مفصل معا العلم بأن :-


سيارة الخدمة الشاقة



تعتبر فلوريدا من أشهر السيارات اليوغوسلافية التي يتم تصنيعها في مصر تحت اسم نصر فلوريدا وتتميز بتحملها الشديد للخدمة الشاقة رغم انها تنتمي للسيارات متوسطة الاداء والتصنيع كما ان سعرها يتناسب مع امكانياتها وكذلك قدرتها علي تلبية متطلبات السوق المصرية في ظل الظروف الاقتصادية المتغيرة.
وتواجه فلوريدا منافسة شديدة من جانب العديد من السيارات الاخري من فئة الهاتشباك التي تنتمي اليها الا انها تعتمد علي سعرها التنافسي في مواجهة تلك المنافسة.
وتتميز فلوريدا بمظهرها الجذاب وتحظي بأبواب كبيرة ذات زاوية فتح واسعة يسهل عمليتي الدخول إلي والخروج من السيارة كما أن مقاعدها اية في جمال التصميم وكذلك المقصورة.
وتتمتع فلوريدا بمحرك من 4 اسطوانات وسعته 1372.2 CC وقوته 71 حصانا ويتميز بالاقتصاد في استهلاك الوقود فضلا عن انه صديق للبيئة خاصة بعد توافر محفز العادم الذي يقلل نسبة انبعاث الغازات السامة.
ويتوافر بها العديد من اجهزة الامان بداية من جسم السيارة القوي مرورا بالحماية الجانبية واحزمة الامان و 4 مساند للرأس في الامام والخلف هذا علاوة علي مصابيح الضباب ومساحات الزجاج الواسعة.
وقد تم انتاج فلوريدا في مصر بعد دراسة متعمقة للسوق المصري واخضاعها للعديد من الاختبارات علي الطرق المختلفة كما جاء انتاجها بنظام 'ألبو' الذي يضمن الحفاظ علي جسم السيارة ضد الصدأ والبارومة.



وعايزين تفسير بعد كدا الكلام دا ليه السياره مستعمله موديل 2006 بتكييف وباور وزجاج كهربه ب 30 الف جنيه :D ؟

المشاركة الأصلية كتبت بواسطة hamadaalo2002

طيب لية مفيش مستورد يقوم طالب شحنة قطع غيار من يوغسلفيا للعربية دي؟

والله نفس السؤال دا انا نفسي اعرفله اجابـه :D

واية اخبار الريتمو معاك يا عمده؟

الريتمو معايا وزي الفـل حنزل اعملها الصيانه بتاعتها في التوكيل الاسبوع الجاي :D

- ألتوكيل بتاعي عباره مهندس سيارات بس خبره قويه جدا في مجال السيارات هوا غالي شويه بس شغلو محترم جدا وبيستخدم اجهزه غريبه اول مره اشوفها بصراحه جايبها معاه من فرنسا

الريتمو عربيه كويسه بس حسب الحالـه لو قدرت توقع حاله كويسه بس محتاجه مصاريف اتوكل علي الله وقطع غيارها بتاعت ريجاتا و 128 ببلاش متخفش من قطع الغيار :)

وانا لسه مركب جنوط اسبور 13 عامله ثبات واضح في السرعات وفي الملفات .

ألمختصر سياره شبابيه وماتورها غشيم اوي :D اتعامل معاها بحذر اللهم مابلغت :)

انا حبيع علشان بدور علي تكييف وبفضل تكييف الفبريقـه عندك حاجه هاتش باك موديل 90 ؟

المشاركة الأصلية كتبت بواسطة hamadaalo2002

ربنا يوفقك يا باشاا ,دور لك علي سويفت اعتقد انها مناسبة ليك وبالتوفيق ان شاء الله

انا مقتنع بالسويفت السيدان وبأذن الله حنزل السوق قريب لو لقيت حاله كويسه حشتري :)

بس صديقي عايز عربيه هاتش باك قدامنا عربيه شيفروليه ( اسبرنت )

نفس قطع غيار السزوكي سويفت علي حسب كلام صاحب السياره

بيضـاء مكيفه اتوماتيك فبريقه جوه بس بره راشه نظافه مطلوب 38 الف .. ايه رأيكم في السعر والسياره عموما ؟

انا جيت - إى أستفسار عنها أنا فى الخدمة - العربية دية قعدت معايا فوق السنة
http://www.nilemotors.net/Nile/showthread.php?t=6062

أولا العربية كويسة وجراية وسعرها كويس وصيانتها سهلة وعربية كويسة قوى فى رينج تمنها المستعمل يعنى أنا عندى أحسن من 128 موديل 90 أو حتى اونو 95 أو 97 دة كفاية أن موتورها 1400 - بس مشكلتها ردائة التصنيع والتقفيل وكمان الطامة الكبرى قطع الغيار الخارجية زى الفوانيس
يعنى مثلا أنا مرة غيرت تيل الفرامل وركبت تيل الفرامل بتاع 128 هو هو :) وجة ميزة لأنها نتاج مجموعة عربيات لشركة فيات
بس لما نيجى لقطع الغيار الخارجية تلاقى شركة النصر معندهاشى حاجة وبيقولولى روح بيعها أحسن وأنا عندهم بعمل الصيانة الدورية (حاجة أخر مسخرة) وكمان قالولى هات شاهين احسن :)
أتصلت بالتوكيل (يوجو مصر) علشان أسال على الفانوس الخلفى قالى فى سفينة جاية كمان كام يوم (وطبعا موت يا حمار)
الراجل بتاع مخزن النصر للسيارات قالى على مصرية إللى بعد عباس العقاد ممكن تصين هناك وكمان هتلاقى قطع الغيار - رحت وملقيتشى للفانوس الخلفى غير الفردة اليمين الشمال مش موجودة وسألت على لاسعر لقيتها ب 345 جنية (على خيبة إية معرفشى)
المهم أنا أتعقدت وكمان كانت من غير تكييف وأزاز كهربة رحت قولت أبيعها وأشترى عربية أحسن منها لأنى مش غاوى وجع دماغ
وقد كان وبعيتها وجيبت عربيتى الحالية