اسعار الانترا الجديدة من الوكيل

**AutoTycoon** · 29-06-2011 03:05 AM

بصراحة شايف الأسعار منافسة جداً لعربية بتنافس الكورولا و الجيتا و المازدا 3 و الفوكاس

**Screenplays** · 29-06-2011 03:53 AM

المشاركة الأصلية كتبت بواسطة autotycoon

بصراحة شايف الأسعار منافسة جداً لعربية بتنافس الكورولا و الجيتا و المازدا 3 و الفوكاس

لما تكون العربيه دي بتساوي العربيات دي في الجوده نبقي نقول فعلا اسعار منافسه

**AutoTycoon** · 29-06-2011 03:57 AM

المشاركة الأصلية كتبت بواسطة Screenplays

لما تكون العربيه دي بتساوي العربيات دي في الجوده نبقي نقول فعلا اسعار منافسه

YouTube - ‪Chevy Cruze, Ford Focus, Hyundai Elantra, Mazda 3, VW Jetta - Comparison Test - Car and Driver‬&rlm;

**Screenplays** · 29-06-2011 04:05 AM

الكلام ده بره مصر مش هنا الكوري كوري و الياباني ياباني في فرق كبير بين الاتنين و فرق اكبر بينهم و بين الاوروبي فمينفعش نقارن بين الافانتي و بين العربيات التانيه لانهم يكسبوا بجداره اي نعم هما في نفس الفئه بس التفوق ليهم من حيث الجوده و التقفيل و الاداء و الثبات و الامان

**AutoTycoon** · 29-06-2011 04:08 AM

حضرتك جربتها ؟

**AutoTycoon** · 29-06-2011 04:08 AM

و بعدين اللي بيمشي على الكوري في مصر بيمشي على غيره

**Screenplays** · 29-06-2011 04:16 AM

لا مجرتهاش و انا مش بهاجم العربيه و انا اصلا مبركبش الا الكوري بس بحب اقول كلمه حق عمر ما الافانتي هتنافس العربيات سالفه الذكر

**Hussein_Ramdan** · 29-06-2011 04:51 AM

المشاركة الأصلية كتبت بواسطة typerr

حاجه غريبه جدا
عربيه جميله توكيل زباله

الصراحة تعليقات غريبة جدا انا متابع كل كلامك على العربية مش عارف فى اية
ما كل الاعضاء هنا ينتقدو لكن مش زايك كدة فى الصراحة مش فاهم
ياسيدى عرفنا انك معاك سيراتو وانها نازلة من كوكب تانى واحسن عربية واختيارك كان فى محلو
مش معنى كدة ان كل العربيات التانية زبالة وتوكلاتها زبالة بلاش الكلام العنيف دة
قول رئيك وسيب كل واحد يقول رئيو من غير تجريح

**Hussein_Ramdan** · 29-06-2011 04:52 AM

المشاركة الأصلية كتبت بواسطة typerr

elantra basic a/t gls s / r 1 airbag 138,500
يعني ايه ادفع 138
في عربيه مافيش فيها
العربيه اللي مافيش فيها abs
مالهاش لازمه بجد ماتتركبش

كل تعليقات جهومية بطريقة غريبة ماحنا طول عمرنا بنركب من غير اى اس بى
احنا لسة عرفينو من كام سنة بس لية بئا ماركبش عربية عشان مش موجودة فى

**HOSSAM99** · 29-06-2011 06:26 AM

المشاركة الأصلية كتبت بواسطة typerr

حاجه غريبه جدا
عربيه جميله توكيل زباله

إنت إتعاملت مع التوكيل ....طبعا لأ
طب أنا بقي أتعاملت مع التوكيل و بالإضافه لكده شوفت شكاوي أعضاء كيا المحترمين من توكيل كيا
و بناء عليه لاحظت إن لو غبور ياخد 5/10 كتقيم توكيل كيا مياخدش رقم أصلا
كفايه بينزل العربيه بدون إنذار مش علشان يوفر لا علشان الناس تركب إنذار و العربيه تطلع من الضمان و بعد ضغط بقي يركب إنذار بسعر فلكي
بالإضافه لضان كيا اللي هو أصلا مش ضمان يعني أيه عضو فاضل معانا في المنتدي كبالن العربيه تبوظ و العربيه في الضمان و يقلوله التكلفه عليك و يغيرها و تبوظ تاني
طب أقولك غبور اللي مش عاجب حد ده بيدي ضمان كامل علي العربيه لو موتور بفتيس باظ و منفعش بيتغير مش أسف يعني (راس كوبلن)

و بعد كل ده نلاقي إن التوكيل بيوفرلنا مراكز بديله و و فروع لقطع الغيار المعتمده و صيانه علي الطريق و صيانه مستعجله
و فوق ده وده عربياته نمره واحد في السوق من حيث قلة الأعطال و الإنتشار و سعر إعادة البيع و أسعار قطع الغيار

و مبروك عليك السيراتو