ودى كانت بتحصل فى العربيات القديمه لما يكون فى سرفو قافش عن الباقى اكشف على الفرامل كلها عند عفشجى كويس
عرض للطباعة
ودى كانت بتحصل فى العربيات القديمه لما يكون فى سرفو قافش عن الباقى اكشف على الفرامل كلها عند عفشجى كويس
مافهمتش حضرتك كويس ؟ هي ايه بالظبط اللى حاجة كبيرة مش صغيرة ؟
وايه اللى اقدر اعمله دلوقتي عشان اظبط الفرامل :crying2:
ايه رايك لو اروح اكشف على العربية في الكشف المجاني بتاع التوكيل العرض اللى عملينه اليومين دول
اكيد هيطلعلي في التقرير العيب فين ولا انت شايف ايه ؟
انا بكره التوكيلات بس بدام مجانى روح شوف كدا العيب فين
بس المشكله دى ممكن تكون كبيره فى الفرامل ومايتسكتش عليها فتره طويله علشان ممكن تكون فى عجله بتسخن عن الباقى امشى بالعربيه شويه كدا على طريق سريع وشوف فى عجله سخنت عن التانيين ولا لا وغالبا هيا الى بتزحف لما تضغط فرامل ممكن تكون هيا الى قافشه
فكر فى الموضوع بشسكل منطقى...
الفرامل شغلتها تقليل سرعة دوران العجل
فى حالتك الفرامل فعلا قللت سرعة دوران العجل الى ان وصلت سرعة الدوران الى صفر.... الفرامل مطلوب منها ايه اكتر من كدة؟؟؟؟؟؟؟؟
المشكلة عندك ان تماسك العجل مع الاسفلت ضعيف فا اى عملية فرملة بتزحلق الكاوتش من على الارض... لو ركبت كاوتش نضيف درجة تماسكة مع الاسفلت عالية حتحس ان فراملك بقت اقوى بكتيييير جدا بالرغم من انك مغيرتش حاجة فى الفرامل اصلا
MMamdouh
البشهمندس ممدوح بصراحه رجل لا يعلى عليه وياما افدنى ايام ما كنت معايا الدايو وكنت فى منتدى الدايو ( ايام لذيذه والمواضيع هناك كتيره والتعديلات تهبل )
بس هنا فى تويوتا بقى الناس زى ما تقول خايفه على عربياتها الغاليه ومش عايزين يمدوا ايديهم فيها وشغل توكيلات وكدا
حضرتك يا بشمهندس ممدوح بالنسبه للموضوع دا انا ليه بقول انه زوايا ؟؟
لان الكاوتش الى موجود فى الياريس اسمه بردجستون بوتينزا ودا احسن كاوتش فى تماسكه وشوف الكلام دا على النت يعادل تقريبا الادرنالين الكاوتش دا همووووووووت واجيب زيه انا عندى ما غيرتهوش بس مقلق من انى ما الاقيهوش ابدا المهم
درجه تماسك الكاوتش دا ممتازه بس حضرتك قولت ان النحل بتاع الكاوتش بيفرق دا اكيييد بس بدام العربيه عامله كيلوهات قليله يبقى الكاوتش حالته ممتازه
طب ايه الى يقلل تماسك العربيه بالارض ؟؟ الزوايا يا باشا بتاثر جامد جدا فى تماسك العجله فى الارض ودى اكيد حاجه انتا عارفها كويس بالزات فى الدايو كانت بتبان اوى
الكلام دا مجرب على لانسر وتويوتا ودايو حوار الزوايا دى بس طبعا لازم يكون حد فاهم كويس فى الزوايا وحافظ زوايا العربيه الياريس علشان يعدل عليها
نصيحه من صاحب الموضوع لو الزوايا بتطلع مظبوطه بالكمبيوتر قول لصاحب الورشه بتاعت الزوايا يطبعلك نسخه من الزوايا الى مكتوبه عنده او تنقلها على ورقه هتلاقى فى
toy in
toy out
camber
الاسبلنج ممكن يكون غلط بس هتلاقى الكلام دا مكتوب على الورقه بتاعت الزوايا شوفها كدا وهات النواتج هنا وانا هشوفك الزوايا مظبوطه ولا لا
شوفت كما توقعت المشكله زوايا مش اكتر
وياباشا ممكن العربيه ما تحدفش وتبقى عايزه ظبط زوايا عادى
بس بالنسبه للزوايا يا باشا لو انتا غاوى سفر تعالى المنصوره وانا اوديك لواحد بيظبط زوايا انتا هتستنى دورك بتاع ساعتين كدا
بس وعد منى هتطلع الزوايا ميت فل وعشره والفرامل ميه ميه
الموضوع مجرب فى لانسر كانت بتزحف برضو مع الفرمله وقولتله زوايا مع ان العربيه مش كانت بتحدف واتحلت
عربيتك علشان اخدت خبطه ممكن الزوايا اتغيرت شويه ودا عادى لكن المقص مستبعد يكون اتنى او حصله حاجه غير الكاوتش بتاع المقص هوا الى ممكن يكون ريح شويه وعمل فرق بس الافضل الزوايا الى تكشف كل دا
وياباشا نصيحه منى وهتستغرب من كلامى لما اقولك ان مصر مافيهاش حد بيظبط زوايا ولا بيفهم فى تظبيط الزوايا مع احترامى لاى حد لان فى ييجى 3 زوايا موجودين فى العجله الواحده زاويه ميل وزاويه انفراج وزاويه لف
كل زاويه ليها قيمه وبصراحه محدش عارفها غير الى عندى لما سالته قالهوملى ولما دخلت على الورك شوب لقيتها فعلا
هوا قديم بيستخدم اجهزه ظبط قديمه بمقياس ميه وضوء بس رائع وانتا هتستنى دورك حابب تشرف وتكلمنى انزل معاك عادى يا باشا
بس خلاصه الحوار فى الزحف دا الزوايا وماتلفش وماتدورش كتير
+++11
انا متشكر ليكم يا جماعة على اهتمامكم والله مش عارف اشكركم ازاي
وموضوع الفرامل ده بدأ يسببلي عقدة لاني حاسس ان فيه حاجة غلط ومش عارف هي ايه
العربية ليها فترة كبيرة بتزحف بشكل مبالغ فيه لدرجة كل اللى بيكونو راكبين في العربية بيحسو بالموضوع ده
والمفاجاة اني اول امبارح رحت مشوار قرب المطار وطبعا طريق المطار سريع والغريب ان الفرامل كانت ممتازة جدا مافيش زحف وكنت حاسس ان الفرامل ماسكة العربية بطريقة كويسة جدا تكاد تكون رجعت زي الاول << مع اني من كتر المشاكل نسيت الفرامل حالتها الاصلية عاملة ازاي
لكن الفرامل كانت معقولة جدا وممتازة طب ايه الغريب في كدة
الغريب اني متاكد انها يومين تلاتة وهترجع زي الاول تاني والمشكلة الكلام ده والله كل ماقوله لحد يقولي انت بس بيتهيألك
لكن ده بيحصل فعلا وانا مش عارف بصراحة ده من ايه وليه
الفرامل فعلا بحالات ايام كويسة وايام مافيش خالص ! !
لانها من فترة برضوا كانت ضعيفة وفجاة بقت كويسة وبعد كدة رجعت ضعيفة + زحف
ايه تفسيركم يا جماعة ؟ ؟ ؟
زوايا