اقتباس المشاركة الأصلية كتبت بواسطة MMamdouh مشاهدة المشاركة
الزحف مع الفرملة مشكلة كاوتش

MMamdouh
والله يا باشا فيه ناس قالتلي كاوتش زي حضرتك مابتقول وفيه ناس بتقول تيل فرامل وفين ناس بتقول زوايا وانا بصراحة مابقتش عارف اعمل ايه بالظبط

اقتباس المشاركة الأصلية كتبت بواسطة asemx1 مشاهدة المشاركة
شوفت كما توقعت المشكله زوايا مش اكتر

وياباشا ممكن العربيه ما تحدفش وتبقى عايزه ظبط زوايا عادى

بس بالنسبه للزوايا يا باشا لو انتا غاوى سفر تعالى المنصوره وانا اوديك لواحد بيظبط زوايا انتا هتستنى دورك بتاع ساعتين كدا

بس وعد منى هتطلع الزوايا ميت فل وعشره والفرامل ميه ميه

الموضوع مجرب فى لانسر كانت بتزحف برضو مع الفرمله وقولتله زوايا مع ان العربيه مش كانت بتحدف واتحلت

عربيتك علشان اخدت خبطه ممكن الزوايا اتغيرت شويه ودا عادى لكن المقص مستبعد يكون اتنى او حصله حاجه غير الكاوتش بتاع المقص هوا الى ممكن يكون ريح شويه وعمل فرق بس الافضل الزوايا الى تكشف كل دا


وياباشا نصيحه منى وهتستغرب من كلامى لما اقولك ان مصر مافيهاش حد بيظبط زوايا ولا بيفهم فى تظبيط الزوايا مع احترامى لاى حد لان فى ييجى 3 زوايا موجودين فى العجله الواحده زاويه ميل وزاويه انفراج وزاويه لف

كل زاويه ليها قيمه وبصراحه محدش عارفها غير الى عندى لما سالته قالهوملى ولما دخلت على الورك شوب لقيتها فعلا

هوا قديم بيستخدم اجهزه ظبط قديمه بمقياس ميه وضوء بس رائع وانتا هتستنى دورك حابب تشرف وتكلمنى انزل معاك عادى يا باشا

بس خلاصه الحوار فى الزحف دا الزوايا وماتلفش وماتدورش كتير
والله كلك ذوق وربنا يخليك تعبك معايا وانا لسه كنت في المنصورة من مدة قريبة وبصراحة المشوار بعيد وخاصا الزراعي ده طريق صعب اوي الواحد بيبقى ماشي فيه وايده على قلبه

فمفتكرش اني هقدر اجي مع اني كان نفسي اجي عشان اسلم عليك واتعرف عليك قبل اي حاجة لكن ان شاء الله في اقرب وقت هنزل المنصورة اكيد هديلك خبر لان ليا زمايلي هناك وسعات بروحلهم

وعموما انا في جميع الاحوال محتاج اعمل زوايا عند راجل محترم عشان اتاكد من قصة المقص دي لانها مخوفاني شوية

فغالبا كدة هروح اظبط زوايا عند مركز بريجيسدون في شارع مراد وهبقى ابلغك بالنتيجة

مع العلم ان الفرامل كانت ضعيفة نوعا ما قبل موضوع الخبطة ده بس اعتقد انها زادت اليومين دول

اللى افتكره انها كانت قبل كدة بحلات هتقولي ازاي ؟؟ هقولك يعني يوم كويسة ويوم احسها ضعيفة ورحت سألت عند اكتر من ميكانيكي على الموضوع ده اول ماقوله كدة يقعد يضحك ويقولي انت شكلك بس مش واخد على العربية

اقوله ازاي العربية معايا بقالها اربع سنين واي حاجة بتحصل فيها بحس بيها ومحدش بيسوقها غيري مابيبقاش مصدق موضوع الحالات ده ويقول هي الفرامل يا ضعيفة يا كويسة مافيش حاجة اسمها يوم ويوم مع ان والله ده اللى كان بيحصل فعلا

اقتباس المشاركة الأصلية كتبت بواسطة mohammadrashee مشاهدة المشاركة
اخواني الكرام
بعد اذنكم اعتقد الموضوع ابسط من كل ده استاذ احمد حضرتك عملت رجلاش للفرامل الخلفيه ولا لآ لأن انا كان عندي نفس الكلام ده و رجلشت الفرامل بنفسي وبقت ميه ميه
وعلى فكره في ناس في القاهره يتظبط زوايا كويس جدا وتقرير كمبيوتر كمان
شكرا
والله يا باشا اسمحلي بس انا مش عارف يعني ايه رجلاش ؟ ممكن توضحلي اكتر لاني ماليش خبرة اوي

انا كل اللى عملته من حوالي سنة تقريبا ان الفرامل بقت ضعيفة شوية والهاند بريك كانت مش بتقفش العربية

رحت عند ميكانكي شال الهوا من الفرامل وقالي دي واخدة هوا افتكر انه فك العجل وقعد يكارك فرامل لحد مانزل زيت وبعدها ظبطلي الهاند وقالي اتوكل على الله