عايزة اعرف تكلفة تصليح الرفرف

**remomemo** · 28-06-2011 06:18 PM

السلام عليكم
انا خبطت العربية فى الرفرف اليمين الخلفى الحمد لله قدر الله وما شاء فعل فعايزة اعرف ممكن تتصلح فى حدود كام عشان مش عايزة حد يخمنى
تانى حاجة العربية متامن عليها لكن انا اللى خبطها فى الحالة دى ممكن استفيد من التامين

**rodyA113** · 28-06-2011 06:28 PM

حبيبتي الف حمد الله علي سلامتك قدر الله وماشاء فعل الحمد الله انك بخير وفداكي اي حاجه في الدنيا ياريمو بصي مدام انتي تحت التامين انا كمان تحت التامين بس لازم في اجرائات واولها انك تعملي بلاغ في القسم ومتقلقيش اي حد تكوني حتي عرفاه هيعملك محضر بالمعاد والمكان اللي حصل فيه الحادثه او الخبطه تمام وبتاخدي المحضر وهما بياخدوا نسخه منه وبتروحي شركه التامين بينزل معاكي واحد معاينه بيصور الخبطه من جميع اماكنها وبياخد رقم الشاسيه علي ورقه بالقلم الرصاص ورقه تامين ضد الحوادث وبيرفع التقرير للشركه الام اللي مامنه عليكي مصر التامين او اين كانت الشركه التابعه للبنك عندك اللي بتقسطي فيه بس وبعدكده بيبعتولك ويحدودو التكلفهتبع التوكيل وساعات بيدفعوها كلها او النص ...وربنا معاكي يارب ومعلش كفايه الخضه بجد وماظنش هتعدي 300 او 500 بالرش لو علي البارد مش هتاخد كتير وفداكي يا قمر ربنا يحفظك يارب

**remomemo** · 28-06-2011 06:31 PM

مافيش محضر انا اللى خبطها فى السور ماخبطش حد

الاهم بالنسبالى التكلفة والوقت انا شم عايزة اروح لحد يعملى شغلانة كبيرة وانا مش فاهمة اى حاجة فى السمكرة لان التكلفة الى اتقالتلى اكبر من كده بكتير وانا مش عارفة

**rodyA113** · 28-06-2011 06:34 PM

يا حبيبتي عادي تعملي محضر انك انتي اللي خبطيها علشان التامين وهما بيبقوا عارفين اجرئات دي علشان كده بقلك ممكن يدفعولك النص بس لازم تثبتي انها اتخبطت ويعملولك معاينه بالصور وتقرير التكلفه لو عملها علي البارد زي الخبطه بتاعتي مش هتاخد كتير ياريمو لكن لو رش اعتقد هتدخل في 500 او اقل لكن مش هتعدي اكتر من كده وياريتلو حد يساعدنا من ورشه نايل موتورز

**remomemo** · 28-06-2011 06:47 PM

حضرتك متاكد من مبلغ 150 جنيه ده لان منظر الرفرف مؤلم جدا بصراحة انا متخيلة اكتر من كده

**rodyA113** · 28-06-2011 06:50 PM

المشاركة الأصلية كتبت بواسطة hysagm

هى متكلفش ازيد من 150جنيه عشان هترد على البارد وتتعمل ببولش هتسيب فسه شويه خربيش بس كده احسن لانك لو رشيت الصاج هيقل من تمن العربيه وسيبك من موضوع التامين ومحضر وكده هى مش مستهله وحمدلله على السلامه

فعلا لو هتاخد المبلغ ده يبقي مش مستهله البهدله بصراحه بس انا من راي تروحي تقدري التكلفه وتحددي هتعملي ايه وربنا معاكي ومش تزعلي الحمد الله

**remomemo** · 28-06-2011 07:01 PM

المشاركة الأصلية كتبت بواسطة wwws

الف سلامه عليكى انا معلوماتى ان التكلفه لو قلت عن الفين جنيه لا يلزم عمل محضر بالشرطه عشان التامين فحضرتك تتصلى بشركه التامين وحتروحى ليهم بالعربيه يعينوها ويقولى ليكى على باقى الاجراءات

الله يسلمك انا بصراحة مش عايزة ادخل فى موضوع التامين ده حساه اجرات طويلة على الفاضى بس خايفة التكلفة تكون كبيرة

الموضوع: عايزة اعرف تكلفة تصليح الرفرف

LinkBack

أدوات الموضوع

عرض

عايزة اعرف تكلفة تصليح الرفرف - انشر الموضوع فى :

-

-

-

-

-

-

المواضيع المتشابهه

عاوز اعرف تكلفة صيانة 80000

تكلفة تصليح كيا سيراتو

عايزة اعرف سعر

تكلفة تصليح النوبيرا (انا كدة دفعت معقول ولا اية )؟؟؟

عايزة اعرف كدة كويس ولا لأ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة