تحذير:::: سائق ميكروباص فورد بيسوق بطرف صناعى ... وبيلعب لعبه السيارات المتصادمه

السلام عليكم ورحمة الله وبركاته
سائق ميكروباص فورد بيسوق بطرف صناعى ... وبيلعب لعبه السيارات المتصادمه
امبارح كان الطريق فيه اختناقات مرورية بالقرب من موقف ميكروباصات
كان قدامى ميكروباص فورد من القدام جدا شبه اللى فى الصورة
http://www.nilemotors.net/Nile/image.../wol_error.gifاضغط هنا لمشاهدة الصورة بالحجم الطبيعي.http://1.bp.blogspot.com/-NEEN0sPyyT...n.%2B-%2B2.jpg

http://www.arcar.org/fotos/vehiculos...utiva-1981.jpg

شايفين الإكصدامات الصلب الغبيه اللى راكبه فيه
المهم .... فيه سواقين ملاكى اتزنقوا من اليمين علشان يعدوه
فيه ناس نجحت
وواحد حظه المهبب سواق الميكروباس كسر عليه
فكله اكصدام العربيه بالكامل
بس هيه كانت عربيه قديمة ومتهالكة
فضلت بعيد عنه لحد ما بدأ يتحرك والطريق يمشى بقيت بمشى وراه بحذر
بعد ما مشى شويه
المتخلف سواق الدبابه ديه
قرر فجأة يرجع لورا مش يبص ولا يرجع براحه
لا
راجع بسرعه وبغباء منقطع النظير
أدى كلاكسات انادى مفيش فايده
لبس بإكصدامه المهبب فيا من قدام:oops1:
طبقلى الإكصدام الجديد اللى لسه راكب من كام اسبوع
والشبكة دخلت لجوه
وجزء صغير من طرف الكبوت قد قبضه اليد اتعوج
وزجاج الفانوس الأمامى كان مشروخ اصلا من زمان
كمل عليه بشروخ جديده
العربيه كانت مقعره من قدام بطريقه غريبه
نزلت شوفت المنظر اديته اللى فيه النصيب
وكنت هتجنن من غباءه
ناس جاتلى قالولى ده عاجز ومتفتروش عليه ياجدعان !!!!!
مركب طرف صناعى فى ايده
بالذمة مين اللى مفترى !!!!!
كده الحصيله عربيتين خبطهم فى نفس المكان والزمان
الغبى ده مشى 30 متر ولطش عربيه ثالثه فيات 124 أو 125
الملاكى اللى الناس بتشتريهم تشغلهم تكسيات
شكله لسه راشة جديد .. لطشه وجرحلوا البابين
3 عربيات فى 3 دقائق
فى أقل من 30 متر مربع
بنتخانق معاه بنقول له مبتعرفش تسوق بتسوق ليه ؟
مصمم ان احنا اللى غلطانين
وهو محترف معاه رخصه درجة أولى !!!! :angry06:
والله لو مكنش راجل كبير كنت اديته بجزمتى
ربنا ينتقم منه ومن أمثاله
كان موقف غريب
كوميديا سوداء ومهببه
والله ماكنت عارف اضحك ولا اتعصب
كنت حاسس انى فى ماجيك لاند ولا فى السندباد
بتفرج على لعبه السيارات المتصادمة
ولا اتخانق ولا اضرب
ولا اكسرله الميكروباص على دماغه ولا اسامحه
بس احلى حاجه عجبتنى فى الموضوع ده الإكصدام التركى اللى انا لسه مركبه
بعد ما شوفته متطبق قولت عليه العوض ومنه العوض
بعد ما مشيت شويه نزلت ببص عليه لاقيته رد لوحده ومفهوش خربوش
طبعا الإكصدام المصرى كان ليا تجربه معاه كتبتها أول امبارح
بالنسبة للشبكة اتردت بالإيد بس العلامة وقعت
عاوزه تتلزق
روحت للسمكرى وانا متغلت وقرفان علشان منظر الكبوت
فك الكبوت وخبطله خبطتين ورده على البارد
البوهيه موجوده بس فيها شقوق
ولما اترد مرجعش زى الأول فيه تعاريج ونتؤات
السمكرى بيقولى مش هقدر اعمله اكتر من كده علشان متحتجش رش
أنا من النوع المحافظ جدا فى سواقتى
وبحب أحافظ على حاجتى جدا
اى جهاز أو اى حاجه معايا بتعيش عمر طويل جدا وبتفضل بحالتها
سواء موبايل أو كمبيوتر أو ساعه أو حتى هدوم
أنا معايا ساعه كنت شاريها من وأنا فى أولى ثانوى
عايشه معايا بقالها 17 سنة ولسه بحالتها

العربيه بحافظ جدا جداااااااااااااا
لو لاقيت فيها خربوش بتضايق جدا
دائما بركنها فى أماكن آمنه وبعيده عن الأطفال
وبغطيها على طول حتى ولو هعقد ساعه أو نص ساعه
ممكن فى اليوم اغطيها واشيل الغطا 10 مرات
مش مشكلة بس احافظ عليها :16:
الجزء الصغير اللى فى وسط الكبوت ده مزهقنى
حتى بعد ما اترد
شكله مش عاجبنى
ديه صورته بعد السمكرة
http://img20.imageshack.us/img20/124...1106281740.jpg
وديه صورة كمان عن قرب علشان الحبايب
http://img717.imageshack.us/img717/2...1106281740.jpg
وديه صوره نمرة الميكروباص
http://img64.imageshack.us/img64/3300/67954552.jpg
لو شوفتها سيبوا الشارع كله وأدخلوا اى شارع تانى
بسرررررررررررررعه
اجررررررررررررى
http://www.nilemotors.net/Nile/image...titled%201.bmp
اقول ايه بس
الحمد لله .... قدر الله وماشاء فعل
وحسبى الله ونعم الوكيل

يا حول ولا قوه الا بالله
كدا كتير والله فعلا

والله لو منك كنت هاضربه وزي مايكون بقا دا غبي برخصه :grin54:

اقتباس:

---

المشاركة الأصلية كتبت بواسطة H A R D

يا حول ولا قوه الا بالله
كدا كتير والله فعلا

---

وبالنسبه للاخ هارد اسمها لا حول ولا قوة الا بالله
تحياتي للجميع

اقتباس:

---

وبالنسبه للاخ هارد اسمها لا حول ولا قوة الا بالله
تحياتي للجميع

---

شكرا للتنبيه
كلك ذوق

لا حول ولا قوة إلا بالله!

وهي دي المشكله
انك تبقى واقف وتتخبط
طيب محاولتش تنزل من العربيه وهو بيرجع ؟ يعني انك تخبطلو على عربيتو مثلا لعل وعسى يسمع
عالعموم الحمدلله انها جت بسيطه على قد كده وتعتبر مش باينه
وشكرا على النصيحه الغاليه

اقتباس:

---

المشاركة الأصلية كتبت بواسطة h a r d

يا حول ولا قوه الا بالله
كدا كتير والله فعلا

---

اقتباس:

---

المشاركة الأصلية كتبت بواسطة modo88

والله لو منك كنت هاضربه وزي مايكون بقا دا غبي برخصه :grin54:


وبالنسبه للاخ هارد اسمها لا حول ولا قوة الا بالله
تحياتي للجميع

---

اقتباس:

---

المشاركة الأصلية كتبت بواسطة ashraf_ibrahim

لا حول ولا قوة إلا بالله!

---

ربنا يتوب علينا من سواقين الميكروباص والتوكتوك والتروسيكل
الحمد لله على كل شيئ

اقتباس:

---

المشاركة الأصلية كتبت بواسطة zegzaag

وهي دي المشكله
انك تبقى واقف وتتخبط
طيب محاولتش تنزل من العربيه وهو بيرجع ؟ يعني انك تخبطلو على عربيتو مثلا لعل وعسى يسمع
عالعموم الحمدلله انها جت بسيطه على قد كده وتعتبر مش باينه
وشكرا على النصيحه الغاليه

---

كل شيئ تم فى ثوانى
وكان فيه مسافه مترين تقريبا
قولت هيرجع سنة يسلك نفسه ولا حاجه
مفيش فرصه للنزول
ولما كان بيرجع مفيش نور مرشيدير علشان اعرف نيته السودا من أولها
وراه طابور عربيات ولا 20 عربيه
مش فى صحرا علشان يرجع بالطريقه ديه
وايدى كانت على الكلاكس وبزعق
بس ولا هوه هنا
كمية غباء شوفتها موردتش عليا قبل كده
حسبى الله ونعم الوكيل

تعيش وتاخد غيرها ومتزعلش ده نصيب ورغم إنك كنت بتحاول تبعد عنه لكن تقول أيه أهو رجعلك بطهره وخبطك بس بجد بحييك على طريقة العرض للموضوع والخبطة مش باينه

طيب لو ميكروباص راكن شمال وانت معدى يمين السواق بيقفل الباب بتاعة لقيت الباب التانى فتح خد الجنب الشمال كلة عندى بالباب بتاعة تعمل اية
والله العظيم هذا حصل

ده يا باشا حلو ان يتبلغ عنو بنمرة عربيتو دى او كان يتسلم لاقرب ظابط مرور عشان نتقى شرو او كنتو اتكاترتو علية و روقتوه كان يبطل السواقة بالطريقة دى تانى او تعملو اختبار امن لفوانيس عربيتو بعصاية الكوريك او يدفع تمن التصليح للعربيات دى
معلش انا ردى دموى بس بجد انا زعلتلك
ربنا يكون ف عونك

اقتباس:

---

المشاركة الأصلية كتبت بواسطة tahaderaz

تعيش وتاخد غيرها ومتزعلش ده نصيب ورغم إنك كنت بتحاول تبعد عنه لكن تقول أيه أهو رجعلك بطهره وخبطك بس بجد بحييك على طريقة العرض للموضوع والخبطة مش باينه

---

الله يخليك يا اخى الفاضل
شكرا على مشاركتك

اقتباس:

---

المشاركة الأصلية كتبت بواسطة elpasha1

طيب لو ميكروباص راكن شمال وانت معدى يمين السواق بيقفل الباب بتاعة لقيت الباب التانى فتح خد الجنب الشمال كلة عندى بالباب بتاعة تعمل اية
والله العظيم هذا حصل

---

لا حول ولا قوة إلا بالله
أنا مش عارفين معاتيه ولا مبرشمين ولا ايه بالظبط
ربنا ينتقم منهم

اقتباس:

---

المشاركة الأصلية كتبت بواسطة m.alaa92

ده يا باشا حلو ان يتبلغ عنو بنمرة عربيتو دى او كان يتسلم لاقرب ظابط مرور عشان نتقى شرو او كنتو اتكاترتو علية و روقتوه كان يبطل السواقة بالطريقة دى تانى او تعملو اختبار امن لفوانيس عربيتو بعصاية الكوريك او يدفع تمن التصليح للعربيات دى
معلش انا ردى دموى بس بجد انا زعلتلك
ربنا يكون ف عونك

---

المشكلة الناس اللى اتلمت
ومتفتروش عليه ياجدعان
ده عاجز
وغليان
وفداك يابيه
وفدى عيل من العيال
الكلام اللى انته عارفه ده
وأنا مكنتش فاضى ساعتها

كان زمان قبل الثورة فيه عسكرى مرور فى المكان ده
دلوقتى خلاص
أنا حاسس انه مش معاه رخصه أساسا
مستحيل يكون سواق

اقتباس:

---

المشاركة الأصلية كتبت بواسطة modo88

وبالنسبه للاخ هارد اسمها لا حول ولا قوة الا بالله
تحياتي للجميع

---

ههههههههههههههه عندك حق:grin54::grin54:

كويس انك مضربتوش علشان انا مررة واحد في جسر السويس خبط قدامي مرسيديس 2007 دغدغله الباب وبعدها بنص دقيقة رجع عليا من غير سبب كسرلي الفانوس ووقعلي الاكصدام ولما نزلت مسكت فيه الشارع كله كان هيضربني انا وصاحب المرسيديس ومصرين انه راجل عجوز وغلبان وانت على قلبك قد كدة وكل واحد قام بالواجب معاه اللي طلع مطوه واللي قعد يشتم المشكلة اني سألتهم دا حقي ولا مش حقي قالولي حقك ومش هتاخده علشان ده اد ابوك!
والله مهزلة!! الشعب ده عنده مشكلة في تقدير حقوق الناس

اقتباس:

---

المشاركة الأصلية كتبت بواسطة ralliart

كويس انك مضربتوش علشان انا مررة واحد في جسر السويس خبط قدامي مرسيديس 2007 دغدغله الباب وبعدها بنص دقيقة رجع عليا من غير سبب كسرلي الفانوس ووقعلي الاكصدام ولما نزلت مسكت فيه الشارع كله كان هيضربني انا وصاحب المرسيديس ومصرين انه راجل عجوز وغلبان وانت على قلبك قد كدة وكل واحد قام بالواجب معاه اللي طلع مطوه واللي قعد يشتم المشكلة اني سألتهم دا حقي ولا مش حقي قالولي حقك ومش هتاخده علشان ده اد ابوك!
والله مهزلة!! الشعب ده عنده مشكلة في تقدير حقوق الناس

---

أنا مش من دعاة الضرب رغم انى كنت هتجنن
بس كان نفسى يبقى فيه رجال قانون محترمين يطبقوا عليه القانون
وكل واحد ياخد حقه بما يرضى الله
وطبعا كلنا عارفين رجال الشرطة والمرور قبل الثورة وبعدها
لا نافعين كده ولا نافعين كده
لنا الله

فعلا حاجه تقرف الواحد مخبي العربيه و مش بيطلعها الا في الطواريء ربنا يستر :(

اقتباس:

---

المشاركة الأصلية كتبت بواسطة calipha3

فعلا حاجه تقرف الواحد مخبي العربيه و مش بيطلعها الا في الطواريء ربنا يستر :(

---

ياااااااارب أسترها معانا أجمعين

مقطع فيديو
عمرو أديب والميكروباص في مصر


YouTube - ‫ط¹ظ…ط±ظˆ ط£ط¯ظٹط¨ ظˆط§ظ„ظ…ظٹظƒط±ظˆط¨ط§طµ ظپظٹ ظ…طµط±‬‎

YouTube - ‫ظˆ ط£ظ†ط§ ط¬ط§ظ‰ ط§ظ„ظ†ظ‡ط§ط±ط¯ظ‡ - ط.ظ„ظ‚ط© ط§ظ„ظ…ظٹظƒط±ظˆط¨ط§طµ ط¹ظ„ظ‰ ظ†ط§ظٹظ„ ظƒظˆظ…ظٹط¯ظ‰‬‎

للآسف أخي الكريم
البلد فيها مشاكل كتيرة
الجهل ....... و العشم الزيادة عن اللزوم ........ و طبعا فوق كل ده غياب القانون (ازاي واحد بأطراف صناعية يسوق عربية ركاب ؟)

و المصيبة بقى نظرة الفقير للغني .........
لو الفقير خبط عربية واحد غني (حتى لوالفقير ده حمار )
يبقى الغني لازم يتحمل غباءه و يسكت علشان الناس مش هايعجبها أصلا أن الغني يتكلم .

بنفس المبدء
تلاقي البياع عايز يبيع الحاجة للغني أغلى من الفقير ..... و للأجنبي أغلى من المصري

غاب الحق و ظهرت منذ زمن قوانين الجهلة و المتخلفين .

معلش أنا عارف أن الموضوع بقاله كتير ......... بس كان لازم أكتب رد .

اقتباس:

---

المشاركة الأصلية كتبت بواسطة tutankhamoun

للآسف أخي الكريم
البلد فيها مشاكل كتيرة
الجهل ....... و العشم الزيادة عن اللزوم ........ و طبعا فوق كل ده غياب القانون (ازاي واحد بأطراف صناعية يسوق عربية ركاب ؟)

و المصيبة بقى نظرة الفقير للغني .........
لو الفقير خبط عربية واحد غني (حتى لوالفقير ده حمار )
يبقى الغني لازم يتحمل غباءه و يسكت علشان الناس مش هايعجبها أصلا أن الغني يتكلم .

بنفس المبدء
تلاقي البياع عايز يبيع الحاجة للغني أغلى من الفقير ..... و للأجنبي أغلى من المصري

غاب الحق و ظهرت منذ زمن قوانين الجهلة و المتخلفين .

معلش أنا عارف أن الموضوع بقاله كتير ......... بس كان لازم أكتب رد .

---

معاك حق والله
وشكرا على مشاركتك وتشريفك للموضوع
الموضوع فعلاً بقالة فترة بس لسه قلبى واجعنى على الخبطة ديه
:breakpc2:

عملتها فيك الدبابة دى ......... هههههههههه ......... قبل كده واحد زيه هرس 124 بينه وبين الرصيف وطلعنا السواق والركاب من الشباك والدبابة ولا حصلها حاجة

يخرب بيت الأمريكان الصاج عندهم ببلاش

اقتباس:

---

المشاركة الأصلية كتبت بواسطة haitham1985

عملتها فيك الدبابة دى ......... هههههههههه ......... قبل كده واحد زيه هرس 124 بينه وبين الرصيف وطلعنا السواق والركاب من الشباك والدبابة ولا حصلها حاجة

يخرب بيت الأمريكان الصاج عندهم ببلاش

---

ربنا يكفينا شرهم
معظم اللى بيسوقوها مختلين عقلياً
ومعظمها عربيات معدمه وخلصانة وكل حاجه فيها اتصلحت واتعدلت مليون مرة
ده الميكروباص الترامكو أرحم منها

قدر الله وما شاء فعل