عايز آخد رأيكوا ومحتار فى شراء ميجان

**samyamar** · 28-06-2011 07:46 PM

بقالى اسبوعين بافكر فى الميجان وكل ما آخد قرار الشراء الاقى حد من اصحابى واصحاب معارض سيارات يقولى بلاش الميجان
اعارضهم شويه واقولهم دى اشاعات بدون فهم ودى عربيه كويسه
الاقى ناس تانيه تقولى نفس الكلام بلاش الميجان ...
وبعد شويه اغير انا رأيى واقول ماشى بلاش الميجان ...
وادور على عربيه تانيه فى حدود المبلغ الموجود معايا ( 60 الف ) مالاقيش ..
اللى انا عايزه وتكون حاجه كويسه وارجع تانى ادور على الميجان لان المبلغ ده يجيب ميجان فيها كل الكماليات اللى مش هلاقيها فى عربيه تانيه

انا محتار ايه رأيكوا ؟

**mhbcas** · 28-06-2011 10:47 PM

الميجان عربية زى الفل انا مش معايا ميجان بس عديت بنفس التجربة اللى انت ماشى فيها
ولما قريت كتير فى الموضوع بتاع الميجان عرفت انها عربية ممتازه وقريبة للبى ام بس المشكلة انها كلها كهرباء ومفايش ناس كتير بتشتغل فيها فلما بيحصل عيب بدوخ بيها الحاجه التانية قطع غيرها غاليه جدا او على الاقل بالنسبالى ده غير ان عضمها ضعيف جدا

انا بعد لف كتير واستخارة ربنا اتكلت على الله واشتريت اوبل فيكتراااا عربية محترمه اوى لو اشتريتها نضيفه

**osamaos20022** · 29-06-2011 10:50 AM

نصيحه مالك ل2 ميجان
الميجان ممتازه بس السر
اشتريها نظيفه تركبها
اما 60 الف ؟؟؟؟؟؟؟؟؟؟؟؟؟
النظيفه اتو مش اقل من 70 ومتبصش للكليومنر بص للحاله

**hanykd** · 29-06-2011 12:40 PM

السلام عليكم ورحمة الله

العربية الميجان ماشاء الله عليها
مواصفات فوق الوصف
بس بشرط انك تشترى حاله نضيفة وتكشف توكيل وتتأكد ان كله تمام
قبل ماتشترى
ودة للعربيات كلها عامة مش للميجان بس
وربنا يوفقك وتقع فى عربية حالتها نضيفة

أخوك فى الله هانى

**Amr81** · 29-06-2011 02:33 PM

حضرتك أنا شايف اكبر غلطة بيقع فيها اللي بشتري الميجان
انه بيشتريهـا مثلا بـ 70000 وفاكر انه هيصرف عليها زي أي عربية بلسعر ده
لأ هو لازم يعاملها على إنها عربية بـ 150000 يعني يجبلها كل قطع غياراها الاصليه وميستخسرش فيها ويصلحها في التوكيل عند الناس اللي بيفهموا فيها
الكلام ده بينطبق على اي عربية نضيفة فيها هاي تكنولوجي من وجهة نظري
لو ناوي تراعي العربيه دي هاتها مش ناوي تراعيها هي كمان مش هتراعيك وهتبهدلك

**hossam_elwani** · 29-06-2011 04:18 PM

المشاركة الأصلية كتبت بواسطة osamaos20022

نصيحه مالك ل2 ميجان
الميجان ممتازه بس السر
اشتريها نظيفه تركبها
اما 60 الف ؟؟؟؟؟؟؟؟؟؟؟؟؟
النظيفه اتو مش اقل من 70 ومتبصش للكليومنر بص للحاله

معدش الكلام ده حتى الكويس منها سعره وقع خالص ...

**mahmoudmano** · 29-06-2011 06:39 PM

قطع غيارها غاليه جدا اعتقد ان قطع الغيار من اهم المقايس الي بنحكم بيها عالعربيه بالاضافه ان سعراها بيوقع هيا عربيه جميله انا بحبها جدا بس فعلا قطع الغيار تخليني استبعدها من دماغي

**hossam_elwani** · 29-06-2011 07:17 PM

المشاركة الأصلية كتبت بواسطة mahmoudmano

قطع غيارها غاليه جدا اعتقد ان قطع الغيار من اهم المقايس الي بنحكم بيها عالعربيه بالاضافه ان سعراها بيوقع هيا عربيه جميله انا بحبها جدا بس فعلا قطع الغيار تخليني استبعدها من دماغي

لا ابدا قطع الغيار مش غاليه للدرجه دى

سعرها حطها فى شريحه الناس بتفارنها من خلاله فى الصيانه بالسيارات متوسطة السعر والصيانه + انها قعلا محدش بيفهم كتير فى صيانتها ودى مشكلة عدم انتشارها فى الاقاليم وبالتالى سقوط سعرها

**osamaos20022** · 29-06-2011 07:37 PM

المشاركة الأصلية كتبت بواسطة hossam_elwani

معدش الكلام ده حتى الكويس منها سعره وقع خالص ...

لا انفق معاك نهائيا
في ميحان مخدهاش ب 50 الف
وفي ميحان ب100
انا شخصيا بينعرض علي في العربيات واحده75 وواحده90 وده الاسبوع اللي فات بس انا دلوفتي مبيعش

**prisoner** · 30-06-2011 09:46 AM

انا عايز اقول حاجة انا كنت اكتر واحد بكره الميجان وواحد صاحبى طلعت فى دماغه وقولتله هاتندم وهوة عمل اللى فى دماغه واشتراها خلانى اى ميجان تعدى اقول ايه الحلاوة دى اولا موضوع السمع والاشاعات عندنا فى مصر حلو قوى هية فعلا قطع غيارها غالية جدا بس مش بتحتاج قطع غيار كتير ولو احتاجت بصراحة صاحبى وقع فى ناس محترمة جدا فى الحرفيين بيستوردوا العربية دى بصراحة عربية محترمة بقالها معاه سنتين ومفيهاش عطل واحد انا بتكلم عن البانوراما وموضوع الكمبيوتر ده محتاج قعدة وانت تفهم كل حاجة عنها ممكن يكون عيبها تكيفها بس مش سئ خالص بس مفيش وجه مقارنة بين تكيفها واليابنى او الكورى طبعا ومن ساعة ماجبها معطلتش غير مرة واحدة علشان الكويلات بتاعتها كان لازم تتغير ومن ساعتها مفيهاش مشكلة ومرة فتحة السقف كانت عايزة الحشو الداخلى بتاعها فى التوكيل قالولوا مبلغ وقدره تقريبا 2000 جنيه وهوة عملها عند واحد متخصص فى فتحة السقف فى الحرفيين ب300 جنيه وعملها احسن من التوكيل يعنى انا كل ما افتكر حاجة اقول تحياتى