رجرجة فى الفتيس بعد الدوارة والعربية باردة
السلام عليكم ،
عندى مشكلة بتظهر رجرجة فى الفتيس بعد تشغيل العربية وهى باردة وبتقل بعد المشى . ودى بقالها 3-4 أيام تقريباً . النهاردة الصبح وانا نازل الشغل لقيت بقعة زيت تحت العربية بس مش كبيرة قوى . المهم رحت عند الميكانيكى ( زوغت 1/2 ساعة) رفع العربية لقى ان فى تهريب من ساعة الزيت و قالى 90% الساعة مكسورة . وكمان لقى تنشيع زيت على الجير بوكس وقالى دى غالباً الصوفة بتهرب ( بس مش لازم تغيرها بسرعة عشان هنحتاج نفك الجير بوكس بالكامل و نصيحة خليك ماشى بيها كدة و كل شويه زود الزيت عشان لو اتفك ما يضمنش الجير بوكس يرجع زى الأول ) . انتوا ايه رأيكو فى الكلام ده ؟؟ وهل تنشيع زيت الجير بوكس له علاقة برجرجة الفتيس الصبح .
على فكرة انا عربيتى رينو كليو 2005 1400 سى سى .