الله ينور على الشرح الوافى
رقم العضوية : 13619
تاريخ التسجيل : 26Jun2008
المشاركات : 2,709
النوع : ذكر
الاقامة : Nasr City
السيارة: Verna 2014 AT
السيارة[2]: Verna 1.6 2007
الحالة :
[بسم الله الرحمن الرحيم
والصلاة والسلام على اشرف المرسلين
اما بعد
بعد طول غيابى عن المنتدى رجعتلكوا بمفجأة حتسعد كل اصحاب الفيرنا
طبعا غبور باشا عشان يوفر شايل فلتر التكيف (الله يسامحه ع التراب الى شمناه) المهم فبعد سؤال الاخ العزيز / احمد كار
افادنا ان الفلتر موجود بالفعل بس اكيد مش عند غبور - موجود فى شارع دمشق عند محل اسمه "نافع"
توكلت على الله نزلت روحت لنافع والاقى الناس ادامه تقولش شبراوى اتارى عنده من قطع الغيار على كل شكل ولون.
وسط الزحام وعن اذنك يا فندم لو سمحت يا برنس كوعك يا اسطى قدرت اوصل للبياع وهنا كنت نسيت انا كنت عايز ايه اللهم صلى ع النبى انا ايه الى جابنى هنا ؟!!!!!! اه افتكرت وعلى استحياء قولت " فلتر تكيف الفيرنا موجود" وكنت متوقع الرد الجهنمى الى سمعته 900 مرة مفيش فلتر للفيرنا اصلا - لقيت الراجل سرح بفكره ويأكن نزل عليه الوحى وراح بكل ثقة لافف ومد ايده وطلع علبه وادهانى قولت يا واد متتبسطش اوى كدة لحسن يطلع مش بتاعها وتنزل على مفيش سالته دا بيركب فى الفيرنا المصرى صح ؟؟ قالى اه بـ 50 جنيه رحت فاتح العلبة وكنت حاخد الفتر بالحضن هوووووووووووووو ده يا كرم الله الحمد لله
ودا منظر العلبة
قولت اكيد صينى ومبصتش على العلبة وبعد ما روحت بصيت تانى كنت المفجأة انه كورى.
نبدأ الشغل على بركة الله
مكان الفلتر ورا درج التابلوه ولذلك لازم نفك التابلوه
اول : حاجة فضى التبلوه من كل الى فيه.
تانى حاجة : امسك التابلوه من الجنبين مرة من اليمين ومرة من الشمال وشد لجوه – متقلقش مش حيتكسر حتلاقيه بيتشد معاك لحد ما تخرج الجزء الى بيمسكه برة المجرة بتاعته حتلاقى الدرج نط فى ايدك بكل سلاسة.
الصورة دى من الجنب اليمين – عشان كنت فكيت الشمال خلاص.
ودا منظر عام للدرج بعد ما يتفك.
حتلاقى مكان الدايرة الحمرا دى سلك ماسك عاشق ومعشوق شده لفوق حتلاقيه طلع على طول.
ونفس السلك ماسك من على اليمين ذى الصورة كدة – برضو لفوق حيطلع على طول.
وبعدين الجزء الى فكيت منه السلك (الاول) بيتفك
هو راكب هو على بنز من تحت وكلبس من فوق فتمشى ايدك عليه لفوق حتلاقى الكلبس تدوس عليه وتشد لبرة حتطلع فى ايدك ويبان الفراغ الى الفتلر حيركب فيه.
لو تقدر تنضف الجزء بتاع الفلتر الى جوة يبقى احسن وعلى الاقل شغال المروحة على 4 وانت فاتح حتلاقى دفعة تراب محترمة طلعت فى وشك – انا مليش دعوة كل واحد ياخد بالو عشان الى حيقولى التراب دخل فى عينى حقوله قد اعذر من انذر – وبما انى بقالى 4 سنين فانا طلعت من جوة مش تراب لا طينة على ورق شجر على كلاب وقطط وما خفى كان اعظم.
دا شكل الفلتر – مكون من جزئين.
كل فلتر فيه جنب بارز وجنب داخل لجوة زى كدة
وتاخد بالك تركب البارز فى المجرى
مش البارز على البارز او المجرى على المجرى.
تبص جوة المكان الى حتحط فيه الفلتر حتلاقى فى مجرى تحت دى الفلتر بيبات فيها عشان ميتحركش يمين شمال.
حتدخل اول جزء وحيبقى الى تحت – وتتاكد انه دخل فى المجرى بتاعته
وبعدين تركب الجزء الى فوق حتلاقيه لو الاول مظبوط حيدخل بسلالة ويبات فى المجرى بتاعته هو كمان.
وتلاحظ فى جزء من الفتلر بارز ده بيبقى اتجاهه برة زى الصورة مش جوة.
وبس كدة نرجع بالعكس نركب الجزء الى بيقفل على الفلتر
مع ملاحظة ان تركيب الجزء دا رخم للى ايده مش متمرسة عشان المكان ضيق
حتركب الاول الجزء الثابت الى تحت ( البنز ) وبعدين تركب الى فوق وتسمع صوت الكلبس يبقى كدة ركب تمام
وبعدين تشغل التكيف عشان تشوف فى تسريب ولا الهواء كله طالع ع الهوايات لو فى تسريب فك الجزء الاخير (ابو بنز وكلبس) وركبه تانى واضغط عليه بعد ما تركب وجرب تانى.
وتركب الجزء الى ع اليمين بتاع السلك الى فكناه فى الاول والجزء الى ع الشمال.
وترجع الدرج برضو شد لجوة ودخله يمين وشمال.
اول ملاحظة بعد تركيب الفلتر ان الهواء الى طالع من الهوايات قل شوية (الوضع الطبيعى) بس متكتمش خالص متقلقوش.
وبس كدة
اتمنى اكون قدرت اوصلكم الخطوات بالشكل المناسب
ومتنسوناش فى صالح دعائكم
والسلام عليكم ورحمة الله وبركاته
سبحان الله وبحمده سبحان الله العظيم
لا تظلمن إذا ما كنت مقتدرا --------- فالظلم يرجع عقباه الى الندم
تنام عينك والمظلوم منتبه --------- يدعو عليك وعين الله لم تنم
رقم العضوية : 19101
تاريخ التسجيل : 15Sep2008
المشاركات : 1,583
النوع : ذكر
الاقامة : السويس
السيارة: فيات131
السيارة[2]: فيات125
دراجة بخارية: vesba
الحالة :
الله ينور على الشرح الوافى
رقم العضوية : 28833
تاريخ التسجيل : 30Dec2008
المشاركات : 1,410
النوع : ذكر
الاقامة : Cairo
السيارة: Mitsubishi Pajero 2010
السيارة[2]: Hyundai Verna 2009
دراجة بخارية: Keine
الحالة :
ألف شكر علي الموضوع
رقم العضوية : 94909
تاريخ التسجيل : 16Apr2011
المشاركات : 1,859
النوع : ذكر
الاقامة : cairo
السيارة: HONDA ACC.98
السيارة[2]: LADA وراحت بعد ماجابتلي خشونة في ركبي
دراجة بخارية: na
الحالة :
ألف شكر مجهود رائع
رقم العضوية : 51519
تاريخ التسجيل : 29Oct2009
المشاركات : 285
النوع : ذكر
الاقامة : red sea
السيارة: verna 1600 / 2011M.T
السيارة[2]: بيجو 505
دراجة بخارية: بخاف منها
الحالة :
ممكن أعرف بكام ولو حبيت اشتريه واركبه في التوكيل يرضوا ولا لا ؟؟ والف الف شكر والله ينور على الشرح انا عشت في الحدوته هههههههههههههه
رقم العضوية : 105302
تاريخ التسجيل : 25Jun2011
المشاركات : 3,817
النوع : ذكر
الاقامة : Port Said \ Cairo
السيارة: Toyota Corolla 2008
السيارة[2]: Hyundai Verna 2009
دراجة بخارية: Kia Cerato 2010
الحالة :
و الله كويس بس بكام ؟
رقم العضوية : 36760
تاريخ التسجيل : 29Mar2009
المشاركات : 245
النوع : ذكر
الاقامة : Hurghada
السيارة: VERNA - AT
السيارة[2]: HONDA CBR 400 RR
الحالة :
طبعا الخبر جامد والشرح اجمد بس واحلي حاجه طريقه في شرح الموضوع احييك يا باشا
ايام وهنحتفل باول عيد لثورتنا المجيده
كل سنه وانتم ومصر والامه الاسلاميه بخير
محمد الجاســــــــــــــــــــ ــــــــــر
رقم العضوية : 13619
تاريخ التسجيل : 26Jun2008
المشاركات : 2,709
النوع : ذكر
الاقامة : Nasr City
السيارة: Verna 2014 AT
السيارة[2]: Verna 1.6 2007
الحالة :
شكراااا
العفو احنا فى الخدمة
العفوووو
انا اسف جــــــــــــــــــــــــ ــــــــــــــــدا نسيت اكتب السعر - جل من لا يسهو - ب 50 جنيه - حكاية التوكيل مش عارف بس اعتقد مفيش مشكلة او على ابعد تقدير لو رحت مركز خدمة وانت بتعمل صيانة مش حيقولوا لا لان اصلا باقى عربيات هيونداى فيها الفتر فى نفس المكان فما عارفينه وشغالين فيه
50 جنيه
شكرا جزيلا
سبحان الله وبحمده سبحان الله العظيم
لا تظلمن إذا ما كنت مقتدرا --------- فالظلم يرجع عقباه الى الندم
تنام عينك والمظلوم منتبه --------- يدعو عليك وعين الله لم تنم
رقم العضوية : 105302
تاريخ التسجيل : 25Jun2011
المشاركات : 3,817
النوع : ذكر
الاقامة : Port Said \ Cairo
السيارة: Toyota Corolla 2008
السيارة[2]: Hyundai Verna 2009
دراجة بخارية: Kia Cerato 2010
الحالة :
شكرا يا فندم و جزاك الله كل خير
رقم العضوية : 73872
تاريخ التسجيل : 26Jun2010
المشاركات : 5,623
النوع : ذكر
الاقامة : Shubra
السيارة: Fiat 131, 1300, 1976
السيارة[2]: Hyundai Verna 2010 Gl
دراجة بخارية: لا يوجد
الحالة :
جزاكم الله ألف خير يا صديقي
شرح وافي والسعر ممتاز
هجيب هان شاء الله واركبه في صيانة ال 30000 عشان خلاص رايح اعمل صيانة 25000 كم بكرة ومش هلحق أجيبه ومعنديش وقت اروح اجيبه واركبه في الفترة دي
بس جزاكم الله خيرا فعلا
Ashraf_Ibrahim
المفضلات