الرخصة الخاصة عملتها بعد الثورة في فبراير تصريح مؤقت 3 شهور خلصت الشهر اللي فات
رحت انهاردة عشان اجدد
الكمبيوتر لسة مش شغال .. يا ناس حرام مش شغال من 5 شهور .. اه اتسرق ولسة ما اشتغلش ( المرة اللي فاتت كانت الكراتين بتاعة الاجهزة جاية ادامي وكان المهندس بيركبها تلاقيه يا عيني بيركبها لحد دلوقتي)
:untitled 1:
ملاحظة : اما يبقوا مرتشين .. مش صعب ابدا يبقوا كدابين
الموظف (المحترم ) قال لي هاتي شهادة مخالفات
رحت جبتها والحمدلله طابور الرجال كان حلزوني وطابور السيدات مفيش حد
5 جنيه .. ماشي يا ستي زي بعضه
رحت للموظف (المحترم )تاني
هاتي 5 جنيه .. اتفضل .. اداني وصل كدة فيه كلام منعكش اي كلام .. لما رحت بصيت فيه لقيت مكتوب عليه (خمسة جنيهات مقابل اداء خدمة مميكنة )هيا فين الخدمة المميكنة دي ؟ لا فين الميكنة اصلا
روح يا عم هات الملف . . اتفضلي ارتاحي .. حديث جانبي عما يحدث في التحرير وخلاص الواحد ما بقاش معاه فلوس والعيشة بقت زفت ( اصلهم كانوا قاعدين بينشوا مش عارفة ليه ؟)
:embarrassed:
الملف وصل
بدل ما اكلفك واحدة جديدة(فاكرني عبيطة ) هاكتب لك عالظهر التجديد 6 شهور ..هاتي 10 جنيه .. نعم؟.. هاتي 10 جنييه .. اتفضل ( طلعت عبيطة ).. رااااااااااحت في جيبه وعيني رايحة مع العشرة جنيه وهيا داخلة جيبه باودعها الوداع الاخير
:crying2:
روح يا عم اختم لها الرخصة وروحي معاه شكرا
ادخلي خبطي وخلي الضابط يختمهالك
دخلت ختمتها
:B4_611:
والسلام ختام .. وحسبي الله ونعم الوكيل