ضرر انقطاع سير الكاتينة

**baher4ever** · 29-06-2011 10:40 PM

سيارتى فورد فوكاس تريند موديل 2008
عاملة 92 الف كيلو
و بعمل صيانة باستمرار فى الوكيل
اليوم و انا لسه طالع بالعربية قطعت منى
بحاول ادور بتدينى صوت مارش متصل
المهم كلمت التوكيل و طلبوا انى ابعت العربية بونش و انه احتمال كاتينة
مع العلم انى مغير الكاتينة على 80 الف و بقالها 5 شهور بس راكبة
س}الى هو اذا العطل فعلا قطع سير الكاتينة
ما هو الضرر؟
و ماذا افعل مع الوكيل فى هذه الحالة؟

**alnmr79** · 30-06-2011 01:44 AM

المشاركة الأصلية كتبت بواسطة baher4ever

سيارتى فورد فوكاس تريند موديل 2008
عاملة 92 الف كيلو
و بعمل صيانة باستمرار فى الوكيل
اليوم و انا لسه طالع بالعربية قطعت منى
بحاول ادور بتدينى صوت مارش متصل
المهم كلمت التوكيل و طلبوا انى ابعت العربية بونش و انه احتمال كاتينة
مع العلم انى مغير الكاتينة على 80 الف و بقالها 5 شهور بس راكبة
س}الى هو اذا العطل فعلا قطع سير الكاتينة
ما هو الضرر؟
و ماذا افعل مع الوكيل فى هذه الحالة؟

ان شاء الله ميطلعش سير كاتينة انتا بصيت والا لاء عليةسير الكاتينة لوقطع بيجيب طقم صبابات لانهم بيتعوجوا

**baher4ever** · 30-06-2011 08:17 AM

انا معنديش الخبرة الكافية انى اشوف السير و لا اعرف مكانه
المهم انا كلمت الوكيل و قالوا لى لو سير كاتينة يبقى كله هيتغير فى الضمان علشانم معداش سنة على السير الجديد
انا حابب اعرف تأثير دا على العربية بعد كدة
بمعنى لو فعلا الصبابات اتغيرت هل دى حاجة تقلل من ثمن أو كفاءة العربية؟
انا من كام يوم رحت غسلت العربية فى بنزينة وطنية و غسلت الموتور
هل دا ممكن يكون سبب ؟ هل دا ليه ـاثير سلبى علما ان الغسيل كان بفوم و اسبراى

**egytamer** · 30-06-2011 10:51 AM

باذن الله يكون محصلش ضرر او ضرر بسيط لان لو سير الكاتينة اتقطع بيخلي المتور يكسر الصبابات لان البساتم بتضرب فيها ولو علي تغير الصبابات متخفش مبيئسرش علي تمن العربية اهم حاجة ان اليساتم نفسها تكون سليمة.
والله اعلم.

**aYaBooY** · 30-06-2011 01:42 PM

سير الكاتينة هو سير ظبط توقيت حركة داخل اجزاء الموتور علشان متخبطش في بعضها
ده بصورة بسيطة
طيب لو اتقطع يبقي اجزاء الموتور الداخلية هاتخبط في بعضها و هيا البساتم و الصبابات
الصبابات هيا العنصر الاضعف و بالتالي هيا الي بتتاثر
بس الكلام ده لو كل الفرض انها سير كاتينة
بس الضرر الكبير بيحصل لو سير اتقطع و العربية ماشية بسرعة
عموما انتظر تشخيص التوكيل علشان لو فرضنا انه السير و انت لسة مغيرة و مغيرة قبل ميعاده و مغيرة في التوكيل و اتقطع لاي سبب يبقي هما ملزمين بتصليح الموتور
لكن لو فرضنا انهم امتنعوا يبقي حضرتك تروح تعملهم محضر في حماية المستهلك
بالنسبة لتمن العربية اعمال الموتور مش بتكون ظاهرة و مش مؤثر على العربية او على تمنها
بس عموما ممكن يكون فيه فيوز ضرب او سلك اتفصل من مكانه و ديه حاجات تسبب موضوع الدوارة ( طبعا هيا الحاجات ديه مش وارده بنسبة كبيرة في العربيات الجديدة بس ممكن )
عموما خليك معاهم و احتفظ باصول الفواتير و التقارير و نامل كلنا انك متحتاجش ليهم