مساعدة لشراء جهاز جي بي اس من الاسكندرية ؟

**elkadry** · 30-06-2011 03:18 AM

بسم الله الرحمن الرحيم

اولا احب اشكر جميع اعضاء المنتدى على المجهود الخرافي الى بيعملوا علشان مساعدة بعضهم البعض و الاهتمام بمعنى كلمة منتدى على حق بجد
و بشكر المشرفين القائمين على العمل بالمنتدى لانة دلوقت بجد بيوفر كل احتياجات المستخدمين و الى الامام ديما يارب

في الاخر ليا طلب رزل عليكوا شوية يا جماعة يارب تقدروا تساعدونى فية

انا محتاج جهاز GPS من الاسكندرية
انا فكرت زمان و انا في كار فور في جهاز كان اسمة اكستريم جي بي اس و لقيت هنا موضوع كامل على طريقة التعديل على السوفت وير بتاعة و انة جهاز جيد جدا و تاتش و بيشغل اغلبية انواع الفيديو و الاlم بي ثري و بيشتغل على ال اف ام و كل دي مميزات هايلة بجد جدا جدا

و بعدين بعد الثورة طبعا و الى حصل في كار فور معدش موجود الجهاز و العرض الى كان نازل علية شكرا طبعا
فياريت لو حد يقدر يساعدنى انة يكون يعرف حد في الاسكندرية يكون بيبيع الجهاز و بنفس المواصفات دي ياريت يقولى اكون شاكر جدا لية بس يراعي انى من دمنهور و اقرب مكان ممكن اشترية منة هوة اسكندرية

و في موضوع للأخ Peaceman عن جهاز Altina A1050
[OVERLINE]ياريت لو يعرف حد بيبيع الجهاز في الاسكندرية و يعرف اخر تطوات الاسعار[/OVERLINE]

شكرا جدا يا جماعة على كل الى بتقدموة في المنتدى
و اسف للمشرفين انا لسة جديد هنا و مش عارف مكان الموضوع كدا صح ولا لاء

**creative_art** · 07-07-2011 03:57 PM

محدش رد عالراجل ليه

**elkadry** · 12-07-2011 05:28 PM

46 مشاهدة وولا رد
سبحان الله
الموضوع صعب للدرجادى
انا من يوم ما حطيت الموضوع و كل يوم ادخل
شكرا يا رجالة

**mahmoud_alansa** · 13-07-2011 06:03 PM

لأول مره بمصر اجهزة تتبع السيارات بالجى بى اس اعرف مكان سيارتك والسرعه التى تسير بها واسترجع سيارتك عند سرقتها فقط 1650 جنيها
اتصل بنا
تليفون : 0166188286
اميل : info@s-solution.org
لتحميل دليل الاستخدام : smart solution

**Bishoy.Girgis** · 15-07-2011 03:27 AM

المشاركة الأصلية كتبت بواسطة elkadry

و في موضوع للأخ Peaceman عن جهاز Altina A1050
[OVERLINE]ياريت لو يعرف حد بيبيع الجهاز في الاسكندرية و يعرف اخر تطوات الاسعار[/OVERLINE]

شكرا جدا يا جماعة على كل الى بتقدموة في المنتدى
و اسف للمشرفين انا لسة جديد هنا و مش عارف مكان الموضوع كدا صح ولا لاء

معلش يا باشا انا اسف للتاخير في الرد لأني مش بدخل القسم كتير لكن ده اللينك بتاع الشركة ممكن تتصل بيهم و ترتب معاهم و ان شاء الله يكون معاك الجهاز في اقرب وقت ممكن

:: ShowTech ::