اللى عايز يجيب تكيفات شارب دلوقتى يعمل ايه

**maka** · 30-06-2011 05:33 AM

اللى عايز يجيب تكيفات شارب دلوقتى يعمل ايه , التوكيل الحجوزات فيه طويل و فهل فيه موزعين بيسلموا فورى او خلال مدة بسيطة

**smartchoice** · 30-06-2011 06:29 AM

اه انا كنت شارى الصيف اللى فات من موزعيين
بس نصيحة شوف كذا موزع لأن فى ناس بتعلى السعر شوية و فى ناس طريقة شغلهم زبالة و يقولك هتلنا السلك و الخراطيم و الأسمنت الأبيض و فى ناس بتجيب كل حاجة معاها و بتظبط كل حاجة فشوف أكتر من موزع واحد
و مبروك مقدما

**GMakram** · 30-06-2011 10:37 AM

انا اتصلت اول امبارح بتوشيبا على الرقم المختصر بتعهم علشان عايز تكييف شارب وأخدوا بياناتى وتانى يوم لاقيت موزع بيتصل بيا وبيحدد معايا ميعاد للتركيب وفعلا الناس جات فى ميعادها والتكييف اللى طلبته هو اللى جالى وكان معاهم كل حجاتهم مطلبوش منى حاجه خالص غير المايه وبس....مفتكرش ان التكييفات ناقصه زى مابتقول

**ahmed4000** · 30-06-2011 10:56 AM

المشاركة الأصلية كتبت بواسطة gmakram

انا اتصلت اول امبارح بتوشيبا على الرقم المختصر بتعهم علشان عايز تكييف شارب وأخدوا بياناتى وتانى يوم لاقيت موزع بيتصل بيا وبيحدد معايا ميعاد للتركيب وفعلا الناس جات فى ميعادها والتكييف اللى طلبته هو اللى جالى وكان معاهم كل حجاتهم مطلبوش منى حاجه خالص غير المايه وبس....مفتكرش ان التكييفات ناقصه زى مابتقول

حسب موديل التكييف اللى انت طالبه واضح انه كان متوافر

لكن فى موديلات فى شارب مش موجودة نهائيا زى شارب 1.5 بارد بالبلازما

مش موجود نهائيا كلمت كل الموزعين يقولوا احنا مبنعرفش بيجى امتى

لكن فى انواع تانية بتبقى موجودة عندهم فتركيبها بيببقى علطول يعنى بصراحة انا اضطريت اجيب بارد سخن رغم انى مش محتاج السخن وازيد 300 جنيه بس علشان اخلص