افضل اختيار فى حدود 130 الف زيرو او كسر زيرو

**atef_5005** · 17-07-2011 02:10 PM

المشاركة الأصلية كتبت بواسطة memo823000

انا لومعايا اجيب المانى او اوربى بردو هجيب كورى
ياعم انا معايا افيو5 وطبعا قطع غيارها هيا هيا الافيو السيدان اى بنى ادم ربط عفشه بيربط
غير تيل بيغير
له

يبقي انت اكيد زملكاوي

**MOUSTAFA_SAAD** · 17-07-2011 05:34 PM

اوكتافيا a5

**raedegypt** · 18-07-2011 12:04 AM

موديلات 'Elantra' التالية فهي تندرج تحت مستوى 'GLS' الذي يأتي مع ناقل أوتوماتيكي فقط وبتجهيزات أساسية إضافية عن 'GL' مثل: الوسادة الهوائية للسائق, مكيف الهواء الأوتوماتيكي, مقبض وناقل حركة جلدي, حساس ركن, حساس أمطار وعجلات سبيكة قياس 16 بوصة ويبدأ سعرها من 135,500 جنيه مصري ومع طلب وسادة هوائية إضافية ونظام المكابح ABS يصبح السعر 141,500 جنيه مصري, ويمكن إضافة فتحة سقف بزيادة 3000 جنيه مصري على مستوى 'GLS' ليصبح سعره 138,500 جنيه مصري.

**ahmedrb** · 18-07-2011 12:24 AM

هو مينفعش مع حضرتك اكسنت rb هاى لاين

**dramir1** · 18-07-2011 12:58 AM

لو لقيت مرسيدس نظييييف مستعمل هتستمتع بيه وتبيعه بدون خساير
والا لو لم تجد ارشحلك تيدا او نيسان بلوبيرد "عربيه رائعه وقطع غيارها مش غاليه بس ممكن اعادة البيع مش قوي لان اساس اللي بيشريها مش بيفكر يبيعها "اتفرج عليها عند السبع " دا طبعا لو ملقيتش مرسيدس نظيف .

**memo823000** · 18-07-2011 03:39 AM

المشاركة الأصلية كتبت بواسطة dramir1

لو لقيت مرسيدس نظييييف مستعمل هتستمتع بيه وتبيعه بدون خساير
والا لو لم تجد ارشحلك تيدا او نيسان بلوبيرد "عربيه رائعه وقطع غيارها مش غاليه بس ممكن اعادة البيع مش قوي لان اساس اللي بيشريها مش بيفكر يبيعها "اتفرج عليها عند السبع " دا طبعا لو ملقيتش مرسيدس نظيف .

انت مش مبسوط من الار بى اللى معاك ولا ايه ياباشا؟؟؟
الثبات
الاعتماديه
الخامات
الراحه
الوسع
الارتفاع عن المطبات
علو صوت الموتور
التسارع
قطع الغيار
والصيانه

**dramir1** · 18-07-2011 04:21 AM

المشاركة الأصلية كتبت بواسطة memo823000

انت مش مبسوط من الار بى اللى معاك ولا ايه ياباشا؟؟؟
الثبات
الاعتماديه
الخامات
الراحه
الوسع
الارتفاع عن المطبات
علو صوت الموتور:::
التسارع
قطع الغيار
والصيانه

الحمد لله العربيه فيها كل المزايا اللي حضرتك قولتها ولكن يعيبها انها زي اغلب العربيات اللي تعليقها الخلفي "تورشن بيم" بتكون غير مريحه للركاب الكنبه الخلفيه وخاصه في مطبات الهوا على سرعات عاليه ولو الحمل زاد بتحك في بعض المطبات
خلاف ذلك العربيه كلها مميزات ....
ولكن انا حطيت نفسي مكان صاحب الموضوع وتحريت الامانه الشديده في ردي وبالتالي بعرض على صاحب الموضوع افضل استفاده من المبلغ اللي هيدفعه...... ليه يدفع 130 الف في عربيه يتنازل فيها عن بعض المميزات
...... وعلى فكره انا قبل ما اشتري الهيونداي كنت بدور لمدة شهر على مرسيدس e200 موديل 90-92 حاله شاذه.. او فكتراcdx سي سي 2000 موديل2003 ...لان العربيات دي ركوبه تانيه خالص خلاف الجديد كله ,واكيد اللي ركب العربيات دي عارف كويس انا بقول ايه....

وللاسف ملقيتش بعد الكشف على كثير من السيارات حاله نظيفه فكان افضل اختيار بالنسبه لي بعد بحث وتمحيص في حدود 106 الف جنيه هي الهيونداي ار بي 2011 هاي لاين
...
وانا ضد الانحياز لسيارتي عشان انا راكبها على حساب الحق في الرد على صاحب الموضوع .......لازم الواحد يتحرى الصدق في الردعلى صاحب الموضوع لانها تعتبر شهاده امام الله... عشان كده قولتله "لو لقيت حاجه نظيفه" مرسيدس e200
وياريت تكون كامله بمثبت سرعه والا خليه في الزيرو عشان مايتعبش

واضافه لما سبق لو تقدر تستنى شهرين تلاته افضل لان اغلب العربيات موديل 2012 شكلها هايختلف والتكنولوجيا هاتكون افضل .

**benmatar** · 22-07-2011 03:46 PM

السلام عليكم
طبعا 130 تجيب لحضرتك حاجات كتير مع مراعاة الحالة الجيدة طبعا والكشف من متخصصين قبل الشراء، لو 4X4 ممكن باجيرو موديلات 2000 حتى 2004 حسب الحالة، وممكن تويوتا لاند كروزرأواخر التسعينات، ودي عن تجربة عربيات بصراحة كفاءة عالية جدا، معظمها محركات ديزل أوتوماتيك وغرز ومثبت سرعة وجميع جميع الكماليات والرفاهيات ومعدلات الأمان. طبعا تويوتا رائدة الصحراء، وانصح حضرتك بالابتعاد عن أشباه 4X4 الجديدة وهي لا تمت لها بصلة وضعيفة بس شكل على الفاضي، أما لو سيدان عادية ممكن باسات من 2002 وحتى 2004 وممكن BMW أوائل 2000-2003 الفئة الخامسة ودي عربية محترمة جدا بكل المقاييس وإنسى الكوري الزيرو لو قارنتها بالفئة الخامسة، أو أحدث الفئة الثالثة 2003-2005 ، ممكن مرسيدس c180 موديلات 2003 حتى 2005، لو أوكتافياA5 عربية كويسة موديلات 2007 2009 بس اشتري أعلى فئة والفرق مش كبير بينها وبين الجيتا، لو بتحب الياباني ممكن هوندا سيفيك 2010 أو سوبارو كسر زيرو ودي عربية مظلومة لأنها رائعة ولو كورولا اشتري برضه أعلى فئة، ونصيحة سيبك من الكوري بأشكاله المختلفة ولو زيرو، انت هتدفع 130 كاش، ربنا يباركلك وبالتوفيق