الموضوع: افضل اختيار فى حدود 130 الف زيرو او كسر زيرو

المشاركة الأصلية كتبت بواسطة dramir1

لو لقيت مرسيدس نظييييف مستعمل هتستمتع بيه وتبيعه بدون خساير
والا لو لم تجد ارشحلك تيدا او نيسان بلوبيرد "عربيه رائعه وقطع غيارها مش غاليه بس ممكن اعادة البيع مش قوي لان اساس اللي بيشريها مش بيفكر يبيعها "اتفرج عليها عند السبع " دا طبعا لو ملقيتش مرسيدس نظيف .

انت مش مبسوط من الار بى اللى معاك ولا ايه ياباشا؟؟؟
الثبات
الاعتماديه
الخامات
الراحه
الوسع
الارتفاع عن المطبات
علو صوت الموتور
التسارع
قطع الغيار
والصيانه

المشاركة الأصلية كتبت بواسطة dramir1

الحمد لله العربيه فيها كل المزايا اللي حضرتك قولتها ولكن يعيبها انها زي اغلب العربيات اللي تعليقها الخلفي "تورشن بيم" بتكون غير مريحه للركاب الكنبه الخلفيه وخاصه في مطبات الهوا على سرعات عاليه ولو الحمل زاد بتحك في بعض المطبات
خلاف ذلك العربيه كلها مميزات ....
ولكن انا حطيت نفسي مكان صاحب الموضوع وتحريت الامانه الشديده في ردي وبالتالي بعرض على صاحب الموضوع افضل استفاده من المبلغ اللي هيدفعه...... ليه يدفع 130 الف في عربيه يتنازل فيها عن بعض المميزات
...... وعلى فكره انا قبل ما اشتري الهيونداي كنت بدور لمدة شهر على مرسيدس e200 موديل 90-92 حاله شاذه.. او فكتراcdx سي سي 2000 موديل2003 ...لان العربيات دي ركوبه تانيه خالص خلاف الجديد كله ,واكيد اللي ركب العربيات دي عارف كويس انا بقول ايه....

وللاسف ملقيتش بعد الكشف على كثير من السيارات حاله نظيفه فكان افضل اختيار بالنسبه لي بعد بحث وتمحيص في حدود 106 الف جنيه هي الهيونداي ار بي 2011 هاي لاين
...
وانا ضد الانحياز لسيارتي عشان انا راكبها على حساب الحق في الرد على صاحب الموضوع .......لازم الواحد يتحرى الصدق في الردعلى صاحب الموضوع لانها تعتبر شهاده امام الله... عشان كده قولتله "لو لقيت حاجه نظيفه" مرسيدس e200
وياريت تكون كامله بمثبت سرعه والا خليه في الزيرو عشان مايتعبش

واضافه لما سبق لو تقدر تستنى شهرين تلاته افضل لان اغلب العربيات موديل 2012 شكلها هايختلف والتكنولوجيا هاتكون افضل .

بحييك على أمانتك في النصح !!
ومتفق معاك تماما في موضوع ال e200 موديل 90 الى 92 بصراحة الزلموكة فعلا ملهاش حل - بشرط النضافة - وركوبتها تفرق تماما عن كل اللي احنا بنحكي فيه ده.
وأكترشيء مضايقني موضوع ال solid rear axle او torsion beam
مش عارف ليه مازالت عربيات كتير وجديدة حتى موديل السنة دي متمسكة بالموضوع ده
زي rb والصني والكورولا بالرغم من كونهم تابعين لشركات عملاقة.

ولصاحب الموضوع : أنا بصراحة ميال للنيسان تيدا زيرو