تأثير الطنابير على الفرامل

**limo** · 06-06-2007 04:27 PM

عندى فى العربيه الطنابير فيها عالى وواطى عملتهم عند الخراط من كام شهر لكن مفيش فايده فهل الطنابير لما تيقى مش كويسه بتخلى الفرامل ضعيفه ؟وايه افضل نوع فى الطنابير وسعره كام
معلش سؤال كمان اتهى احسن التيل الاصلى gm ولا العادى من ناحيه كفائه الفرامل ؟
العربيه لانوس 99

**memo_hefnawy** · 06-06-2007 04:47 PM

أنا هاجاوبك على إللى أعرفه بس

الطنابير لو فيها عالى و واطى هاتحس برعشة فى الدواسة و الطارة مع الفرمله ومش بتأثر بشكل ملحوظ فى قوة الفرامل
لكن اللانوس بطبعها فراملها مش قويه و أنا سمعت من ممدوح قبل كده إنه ممكن تتغلب على ده بتركيب طقم النوبيرا و هو أدرى
لو خرطها أكثر من اللازم تغيرها أفضل

**ahmed1981** · 06-06-2007 05:43 PM

بالنسبة للطنابير مدام فيها عالي وواطي لابد تروح للمخرطة تخرطهم
بتاع المخرطة هيعملهالك بايظة وفيها عالي وواطي إلا لو (قلتلوا إخرطها على فلنشة )
لما تخرطها على فلانشة هتبقى ممتازة جداً
وعلى فكرة أنا جبت مرة طنابير جديدة طلع فيها عالي وواطي برضه وما إتعدلتش إلا لما خرطها عند الخراط على فلنشة
والله أعلم
م/أحمد :D

**Abdallah** · 06-06-2007 09:35 PM

الطنابير ممكن تسبب رعشة فى الفرامل او رعشة على السرعة العالية ولو مريجة خالص لازم تتخرط او تتغير بطنابير جديدة
بالنسبة للتيل انا جربت تيل امريكانى مش فاكر اسمه كنت جايبه ب 45 جنيه وبقالة معايا شهر وكويس جدا حتى الان وكان محمد ممدوح قال ان ال Gold ممتاز برضة, وعموما فرامل اللانوس فعلا ضعيفة شوية وممكن تتغلب على التعديل دة لو راجعت كلام محمد ممدوح عن تعديل الفرامل فى موضوع فى منتدى الدايو