Mazda 3 2008 for sale حاله شـــــــــــــــــــــــا ذه

**asorour** · 30-06-2011 05:48 PM

نظرا لظروف سفري اللي مش باين هتخلص امتي ...اخدت قرار صعب عليا شويتين بس هنعمل ايه ما باليد حيله...........ربنا يكرم حد تاني بمازداتــــــــــــــــــ ـــــــــي وتكون من نصيب حد يرده يحافظ عليها.

المواصفات الفنيه للسياره كالاتي:

1. ماركة السيارة مازدا 3
2. الموديل/السنة 2008
3. عدد الكيلومترات 30,000 كم
4. نوع ناقل الحركة ستيبترونيك
5. لون السيارة فضي
6. الكماليات كاسيت-تكييف-زجاج كهرباء-باور
7. حالة الصاج او الخوارج فابريكة
8. حالة الدواخل فابريكة
9. حالة الصالون حالة نادره (جلد بيج)
10. الحالةالعامة او التقييم العام للسيارة حالة نادره
11. حالة البطارية جديده متغيره الشهر اللي فات في التوكيل عشان استعدادات السفر من قطر الي مصر مع انها مكانتش محتاجه تغير (الفاتوره موجوده)
12. حالة الكاوتش بتاع الفبريكه
13. السعر المبد ئي 105,000 قابل للتفاوض البسيط في حدود المعقول وعلي حسب حاله العربيه
14. اسم صاحب الاعلان امين سرورورقم هاتفة 0128686809 (الاستاذ صبري يبقي حمايا)
15. تاريخ انتهاء الرخصة؟ 3 سنوات (يونيو 2014 ) لسه مترخصه امبارح ومعلقه النمر المصريه
16. اول يد من الزيرو
17. امكانية البيع بتوكيل لحين انتهاء الرخصه فقط
18. حالة الموتور كالزيرو تماما
19. مكان المعاينة الاسكندريه و ممكن القاهره بترتيب مسبق وفي اضيق الحدود لان العربيه مرفوعه في الاسكندريه
20. سعة المحرك اللترية و عدد السلندرات 1600 سي سي 4 سلندر
21. معلومات اخري (أعلي فئه خليجي فتحه سقف جنط اسبور فوانيس شبوره عازل حراري امريكي/ السياره استعمالي الشخصي خلال تواجدي في دوله قطر صيانه دوريه في قطر كل 5000 كم في الوكيل بالفواتير و تم عمل صيانه ال30000 كم بغبور قبل رفع السياره مباشره بالفواتير السياره مرفوعه الان لظروف سفري السياره كالزيرو داخلي و خارجي مفهاش خدش كانت تستعمل نادرا نظرا لوجود سياره اخري)

**pioneerahmed** · 30-06-2011 06:07 PM

يا باشا المازدا الى حالتها نضيفة اوى زى عربية حضرتك بس بيبقى فيها زيادة بصمة بتعمل 90000 جم

حضرتك مش شايف ان 105000 كتير؟

**asorour** · 30-06-2011 06:17 PM

المشاركة الأصلية كتبت بواسطة pioneerahmed

يا باشا المازدا الى حالتها نضيفة اوى زى عربية حضرتك بس بيبقى فيها زيادة بصمة بتعمل 90000 جم

حضرتك مش شايف ان 105000 كتير؟

الاخ احمد:
السعر ديه مش كتير لسبين:
اولا السياره كامله زي عزل الحراره وانا عامله في قطر قبل مانزل اجازه والفرش الجلد ودول لوحدهم فعلا وبلا اي مبالغه مكلفني فوق ال 10 الاف جنيه وعندي الفواتير
ثانيا خش علي موقع كونتكت كار وشوف الاسعار 2006 وطالبين 90000 و2008 اول فئه و طالب 90000 و 2008 برضوه وماشيه اكتر مني وطالب 96000 وديه عينه بس من الاسعار
فيبقي السعر مش كتير وزي مانا كاتب في حاله الجديه في الشراء ممكن نوصل لاتفاق .

**pioneerahmed** · 02-07-2011 04:01 AM

طيب لو كدة انا قنوع جدا و مستعد اتنازل عن عربيتى ال2008 الكاملة الايرو الى ماشية 70000 كم ب 90000 جم بس

يا باشا دة واحد عامل اعلان على النت يعنى مش مكلفة اى حاجة فيقولك و الله جابت السعر يبقى مصلحة لو مجابتش ادينى بردو عرفت عربيتى تسوى كام و بعدين اغلبهم مش بيبقى عايز يبيع فعلا

**asorour** · 02-07-2011 09:51 AM

المشاركة الأصلية كتبت بواسطة pioneerahmed

طيب لو كدة انا قنوع جدا و مستعد اتنازل عن عربيتى ال2008 الكاملة الايرو الى ماشية 70000 كم ب 90000 جم بس

يا باشا دة واحد عامل اعلان على النت يعنى مش مكلفة اى حاجة فيقولك و الله جابت السعر يبقى مصلحة لو مجابتش ادينى بردو عرفت عربيتى تسوى كام و بعدين اغلبهم مش بيبقى عايز يبيع فعلا

انا معاك.... ممكن ده يكون موجود....بس قرار بيع العربيه بيبقي قرار حرج شويه ومن اول مكالمه تلفون
بتعرف اذا كان الراجل عايز يبيع ولا لا,,,وخصوصا ان في ناس بيبقي عندها ظروف طارئه بتخليه يبيع بسرعه وناس تانيه بتبقي عندها شويه وقت فتبقي مش مستعجله وناس تالته بتبقي ماسكه في السعر وعارفه قيمه الحاجه اللي معاها ومستعده تركنا ومتبعهاش بالخساره عشان فلسفه السوق اللي يقول اخسر في عربيه موديل 3 سنين اكتر من 40000 عشان السوق بيقول كده

وكمان برده متنساش ان الموضوع عرض وطلب ...وكل واحد ادري بظروفه واللي معا.......وبعدين 70000 في 3 سنين غير 30000 في 3 سنين

بالمناسبه هي الايرو ديه فيها ايه زياده عن الهاي لين الخليجي غير حساس المطر وحساس النور والبصمه؟ عشان بسمع عن الايرو ديه وعمري مشفتها

ونصيحه مني متفكرش تعرضها للبيع لان بجد مش هتلاقي عربيه بنضافه المازدا ولا الاوبشنز ولا الثبات ده وشكرا لمرورك

**levelpower** · 03-07-2011 12:25 PM

موفق فى البيع

**Mahmode** · 03-07-2011 01:05 PM

بالتوفيق في البيع مع ملاحظة إن السعر عالي حبتين تلاتة.

**Mahmode** · 03-07-2011 01:15 PM

بص كدة على العربية دي يا باشا: Fabreka ظ…ط§ط²ط¯ط§ 3

**oubaouba** · 07-07-2011 06:25 AM

والله لو ب أكياسها ابقى قابلنى اذ بعتها على 90 حتى ولا حالة بقى ولا مش حالة

**محمد عز** · 07-07-2011 07:23 AM

ربنا يوفقك فى البيع ان شاء الله

بعيدا عن موضوع البيع ، ممكن اعرف تمن الجمرك لانى معايا نفس الموديل 2008 وكان فيه نية انى انزلها من الامارات

فكنت حابب اعرف دفعت جمارك قد ايه

شكرا

الموضوع: Mazda 3 2008 for sale حاله شـــــــــــــــــــــــا ذه

LinkBack

أدوات الموضوع

عرض

-

-

-

-

-

المواضيع المتشابهه

For sale Mazda 323

Mazda 3 2008 for sale حاله نادره

mazda 3 2008 4 sale

mazda 323 for sale

Mazda 6 sedan 2008 for Mazda North American

الكلمات الدلالية لهذا الموضوع

المفضلات

المفضلات

ضوابط المشاركة