اخوانى الكرام
السلام عليكم و رحمة الله و بركاته
اعانى من مشكله تؤرقنى و اكيد الكثير معى فيها
مشكلتى ابنى عمر
عنده 6 سنوات
و طبعا الكبيوتر و الكارتون حياته
على الكمبيوتر
need for speed و العاب تانيه
و كان بيحب اوى جتا و مسحتهاله بعد ما شوفت اللى فيها
و لما يخلص يروح على نيكلودين او كارتون نت ورك
(ام بى 3 و سبيس تون كان زمان ايام ما كان عنده 3 سنين)
و لما يبطل كارتون يتفرج على ناشينوال جيوجرافيك (حلقات الغابة و الاسود بصفه خاصه)
--
انا فاكر و انا صغير انى كنت احب القراءة اوى (ابنى او الجيل كله ليس كذلك)
كانت هناك مجموعات قصصيه مصورة بسيطه عن العلماء العرب و الغربيين و كانت جميله و مفيده جدا و بتفتح افاق جميله للواحد

ما اريده
هل هناك افلام كارتون معربه مدبلجه عن تلك المواضيع بس تكون اخراجها مميز و يشد الطفل
لانى وجدت الافلام الموجوده
يا اما
الوانها رديئه
تحريكها سئ جدا
ينفر منها الطفل قبل ما يشوفها

يا ترى تنصحونى بايه