أول صيانة ليا ال-68250

**mando_07** · 30-06-2011 10:16 PM

دى أول تجربه ليا مع المازدا عشان لسة جايبها أول حاجة نزلت شارع دمشق و اتجهت على العالمية قلت حجيب كل حاجة من عندهم وخلاص وفعلاً قلتله عايز فلتر هوا وفلتر بنزين وفلتر زيت ولقيته حسبلي فلتر البنزين ب-350 قلتله هو مش كان ب 290 ازاي يغلى يبقى ب-350 يعني، طبعاً البيه معجبوش ولقيته بيتنك عليا ومستنكر أني بسأله وأنا أصلاً خلقي ضيق أتنرفزت عليه ومشيت وقلت مش هشتري حاجة من المحل دة خالص حتى لو مفيش ألا هو خرجت من عنده واللي حصل بعد كدة كان مسخرة بقى كل ماروح محل يقولي أسعار مختلفة ويقولي أنواع مختلفة ويقولي دة الاحسن المهم بعد لف كتير رحت لمحل عادل وعمر واشتريت من عنده كل حاجة فلتر الزيت نوع alco ب-35 وفلتر بنزين alco ب-225 (كان في واحد ب-90 بس بعد مجبتها وأنا خارج لقيت صاحب المحل داخل وقلي على فكرة ده هيكتمها خليك في اللي ب-225) و فلتر هو ب-140 نوع micro ياباني بعد كده رحت لمركز فني في جسر السويس ركبلي كل الكلام ده ونضفلي الرشاشات وال-idle وغيرت بوجهات (وشكلي هغيرها تاني عشان مش مرتحلها نفسيا ) وغيرت زيت موتور و زيت باور و خليت مهندس أحمد يبصلي بصة كده على العربية وقلي كل حاجة زي الفل وطبعاً سألته على قطع الغيار اللي جبتها قبل مركبها قالي كلها تمام ودفعت هناك حوالي 420 بالزيت بكل حاجة والبوجهات ب-50 (ngk واحد شمعة ) من محل جمب الورشة والعربية فاقت وكله زي الفل بس وأنا خارج من الورشة بقى قابلت مطب لطيف نزلت مطلعتش تاني حسيت أنه قطملي العربية اتنين كسرت العجل و حاولت أرجع بضهري بشويش وصوت الحك بيقطع فيا و رجعت الورشة تاني و خليت مهندس أحمد يبص على العربية من تحت عشان أشوف المطب عمل حاجة ولا لأ والمطب ده دخل حتى من المصفحة جوا من النص كده (كنت قبلها ب-10 دقايق مفيش فيها حاجة ) بقيت من سعتها أي مطب معرفوش باخده بالورب حتى لو واطي ،
وطبعاً أنا لولا شادي الجزار (the butcher) كنت أتسحولت على الاخر هو اللي كان مرسيني على كل حاجة وهو اللي قالي على الورشة وكلملي كمان مهندس أحمد بنفسه عشان يبص على العربية بجد رجل محترم جدا وأتشرفت بمعرفته والعربية ما شاء الله جميلة و تقيلة على الارض وفراملها حلوة وسحبها حلو بس كنت متوقع أكتر من كدة الصراحة في السحب بس إحتمال أنا عندي مشكلة أو عايزة تفتيح شوية بس الحمدلله أنا مرضي أوي عن العربية .
وأستنوني بقى لما اركب فوجات وهحط فيها xenon (في الفوجات بس ) وجنط 16 و غالبا هركب بتاعها عشان مش لاقي جنوط حلوة تليق عليها وروافع أزاز وأنذار عشان المفتاح اللي معايا من غير ريموت
وشكرا على حسن أستماعكوا وأسف أني طولت عليكم

**MaZaGAngeE** · 01-07-2011 01:18 AM

مبروك أول صيانة

بس يعني ايه 68250 ؟

**mando_07** · 01-07-2011 02:04 AM

المشاركة الأصلية كتبت بواسطة MaZaGAngeE

مبروك أول صيانة

بس يعني ايه 68250 ؟

يا باشا الله يبارك فيك و-68250 يعني 68250

ده رقم الkm اللي عملت عنده service للعربية

**MaZaGAngeE** · 01-07-2011 03:06 AM

ده انا طلعت مش فاهم حاجة خالص ....
انا افكترته كود للعربية !!! اوقات الواحد بيبقى غبي قوي

**mando_07** · 01-07-2011 10:55 AM

المشاركة الأصلية كتبت بواسطة MaZaGAngeE

ده انا طلعت مش فاهم حاجة خالص ....
انا افكترته كود للعربية !!! اوقات الواحد بيبقى غبي قوي

و لا يهمك

**pioneerahmed** · 02-07-2011 04:19 AM

انا عندى فكرة صايعة

بدل ما تروح تجيب فلتر بنزين بمتين جنية كل شوية اية رايك تعمل زيى و تجيب الفلتر بتاع اللانوس !!!

اولا النوع الاصلى نضيف جدا ثانيا هو هو بتاع المازدا نفس الشكل و نفس الكلبسات ثالثا رخيص جدا رابعا مبيفرقش خالص بالعكس انا حسيت اول لما ركبتة ان السحب بقى احسن بكتيير

و عندى فكرة تانية بالنسبة لفلتر الزيت اية رايك ان فلتر اللانسر الاصلى هو هو بتاع المازدا بالظبط بس مكتوب علية متسوبيشى و ارخص بكتيير من الفلتر الاصلى بتاع المازدا

معلومة بسيطة
البوجيهات الى حضرتك ركبتها دى صينى و هتبوظلك الاير ماس عشان حصلت معايا بعد ما غيرت البوجيهات ام خمسين جند دى ب 3000 كم نصيحة غيرها باى بوجيهات تانية بس اتاكد انها نضيفه عشان الاير ماس غالى و نادر انك تلاقية

معلومة تانية بسيطة
طبعا كمان شوية هتحتاج تيل فرامل و دة بقى هتلاقى بالظبط فى شارع دمشق 14 نوع حوالى 6 منهم المحلات هيقولولك دة الاصلى و الفكرة ان ولا واحد فيهم الاصلى فبدل متروح ترمى 400 جم فى التيل الاصلى الى عمرو مبيعممر اكتر من 15000 كم فى نوع اسمو رمسا اسبانى
رمسا دى يا برنس شركة متخصصة فى تيل فرامل لجميع انواع العربيات و جودتة احسن من الاصلى لانة مفحم جدا زائد ان مسكتة جميلة و ناعم جدا على الطنابير و تمنة 180 جم انا دايما بركبو فى اى عربية بركبها سواء ميجان او ابيزا او لانوس (عربيات بابا و اخواتى عشان الحسد)

نصيحة اخيرة
المازدا موتورها بيرتاح اكتر مع زيت شل عن اى زيت تانى و دة عن تجربة فى كزا مازدا بتوع اصحابى مش عربيتى بس

اسف انى طولت عليك و الف مبروك على العربية

**Thebutcherr** · 03-07-2011 10:16 AM

يللا عقبال صيانة 600000 يا باشا و شكرا لكلامك الجميل و احنا كلنا تحت امرك

**Thebutcherr** · 03-07-2011 10:21 AM

على فكرة انا جربت موضوع فلتر بنزين الانوس و اللى ركبهولى احمد اللى Mando راحلو عشان كنت مسافر و دمشق كانو قفلوا و انا كنت رافض و قاللى ملكش دعوة عليا لو حصل حاجة هو هو مش فارق علشان الطلمبة 2 اوم
و بعد مناهدة ركبته قاللى غيره كل 10000 مش هتفرق يعنى
و هو ماشى زى الحلاوة بقاله 5000 كيلو هغيره مع الزيت
و بجد فارق فى سحب العربية

**levelpower** · 03-07-2011 12:18 PM

الف مبروك و عقبال 100000

**Thebutcherr** · 03-07-2011 04:07 PM

هو طقم البوجيهات الاصلى بتاعها ب 140 جنية عند الحرامية,قصدى العالمية

الموضوع: أول صيانة ليا ال-68250

LinkBack

أدوات الموضوع

عرض

أول صيانة ليا ال-68250 - انشر الموضوع فى :

-

-

-

-

-

-

-

-

-

المواضيع المتشابهه

يا جماعة خد يفدنى صيانة ال 15000 للكروز و فووت صيانة ال 10000

صيانة الـ 15000 وتحية تقدير لدينامو صيانة كيا م/خالد فاروق

ماهو افضل مركز صيانة اقدر اعمل فية صيانة شاملة

اعمل صيانة ل/1000 كيلو ولا استنا واعمل صيانة ال/5000وخلاص ؟؟؟ايهما افضل

الكلمات الدلالية لهذا الموضوع

المفضلات

المفضلات

ضوابط المشاركة