الموضوع: رسوم نقل الملكية في الشهر العقاري لجميع السيارات

المشاركة الأصلية كتبت بواسطة sherif_sur

انا معلوماتي لحد اني وانا بشتري العربيه اعمل توكيل في الشهر العقاري طب لو عايز اغير الرخصه باسمي اعمل ايه خطوات الاوراق منذ الشراء) العقد الابتداءي( واجيبالعقد منين ………………………… لو تكرمتم)

بسم الله الرحمن الرحيم
1- هتروح بالتوكيل والرخصه للشهر العقاري تعمل عقد بيع لنفسك ودا تكلفتوا ع حسب سنة الصنع للعربيه وال CC وهل هيا محلي او مستورده دا في حالة الرخصه ساريه
لو الرخصه منتهيه هتروح الاول للمرور التابع لها السياره وتطلع شهادة بيانات بإسم الشهر العقاري وتروح للشهر
2- تروح المرور ايللي العربيه تابعه ليه وتطلع شهادة بيانات بإسم المرور بتاعك ايللي انت تابع ليه وبالمره تطلع من النيابه شهادة مخالفات للعربيه
3- هتروح للمرور بتاعك تشتري اورنيك فحص وطفايه ب110ج تعبانه او 150ج بافاريا وتدق عليها رقم الشاسيه لو بتاعتك عدى عليها 5 سنوات وتفحص ويدبسوك في شنطة اسعافات ومثلث ب 67.5ج ونص هاااااه
وماتنساش تعمل استعلام امني في ظهر اورنيك الفحص وبالمره تعمل تأمين الاجباري وتتأكد لو فيه مده في الرخصه القديمه تأكد عليه يضيفها علشان المرور بيمشي عليها
4- ممكن يطلب منك مطابقة بصمه من مرور العربيه القديم وممكن لأ بس انت كده كده هترجعلوا تاني تسلم النمر والرخصه القديمه وشهاده المخالفات ويكتبلك ع شهادة البيانات
غير مطالب بالرخصه
غير مطالب باللوحات المعدنيه
غيرر مطالب بشهادة المخالفات
مطالب بأوراق نقل الملكيه
وامشي سعادتك في الشارع من غير نمر ولا رخص ولا يهمك
والله كان احلى يوم كان نفسي حد يوقفني ولا حد سأل فيا مع اني ورحت والله من العاشر من رمضان لحلمية الزتون في القاهر عزومه ورجعت العاشر تاني وروحت تاني يوم المنصوره لأن مروري هناك ماشي ولا هاممني ولا كأني ظابط يا ولااااد

5- ترجع المرور الجديد تسلملوا شهادة البيانات اهم حاجه مكتوب عليها غير غير ويدفعك رسوم نمر جديده 150ج وضريبة العربيه ع حسب عدد السنين والف مبروك

طبعا الكلام الجميل ده بياخد منك 3 ايام مرتاحين لو بتنقل العربيه من مرور لمرور تاني
لو نفس المرور بس نقل ملكيه كل الكلام ده بردوا بس في نفس المكان وبياخد يومين واحتمال ضعيف اوي يوم واحد لو معاك واسطه او الحاجه داعيالك


وبالمره رسوم العقد المسجل لعربيه تيريوس 2000 (365ج) 1300cc
الضريبه لسنه واحده 175ج
تأمين اجباري 140ج