الموضوع: تقرير عن ما تم تغيره فى السبع من فلتر التكيف وباقى القطع الاخرى اللى فى الضمان

المشاركة الأصلية كتبت بواسطة sonasteel

ما شاء الله
تسلم ايدك يابو حميييييييييييد علي التقرير الجميل ده
وربنا يباركلك فيها ويرزقك خيرها ويكفيك شرها
وده اللي بشوفه من السبع بصراحة المرتين اللي روحت فيهم
وانا بصراحة مش عارف بيتعمل مع الناس كلها كده ولا لأ
لاني كل مرة بيبقي ابو حمييييد معايا .... وهو اللي بيتابع العربية والله وانا قاعد
والاقيه طالع نازل ويكلم ده وده وده
انا صاحب العربية مش بدوخ كده
ربنا ما يحرمني منك يابو حميد .... ويديم المعروف دائما يارب العالمين
تسلملي ويباركلي فيك يارب العالمين

عربيتك عربيتك يا حسين وانت عارف ده كويس .. وبعدين مينفعش الكلام ده يتقال هنا ولا تقوله ..لان مفيش بينا الكلام ده
ودى اقلللللللللللللللللل حاجة اعملها مع اخ ليه اكلت معاه عيش وملح .. واخ بمعنى الكلمة
ودى حقيقة .. فعلا انت اغلى صديق واخ ليه فى حياتى والله .. وانت تستاهل كل خير يا حسين
ربنا يديم بينا الاخوية طول العمر

المشاركة الأصلية كتبت بواسطة peaceman

تقرير ممتاز جدا يا احمد و الف الف مبروك الصيانة و فعلا هو ده السبع رقم واحد حتي الآن من توكيلات نيسان مصر

اما بالنسبة لتعامل السبع مع الناس كلها او عشان احمد مصطفي

في حاجات مهمه يا جماعه لازم ناخد بالنا منها :

1- الاهتمام بوصولك في الميعاد المظبوط للتوكيل

2- منروحش في ايام الاجازات للعاملين في القطاعات المختلفة في الجهمورية لأن بيكون ضغط كبير علي المركز و ممكن يقصر علي احد العملاء او بعضهم نظرا ً لكمية العملاء في المركز

3- نصيحة مني و بعملها كتير انك متستلمش العربية و لا تدفع فلوسك الا لما تتأكد ان العربية فعلا بقت مظبوطة و مفيهاش اي مشكلة من المشاكل اللي انت قولتها و ديه تخلي معاك نسخة من المفتاح لتجربة العربية اول ما تطلع من الورشة

4- تعامل مع التوكيل بكل زوق و احترام حتي لو وجد مشكلة و تأكد انها هتتحل طول ما عندك حق

ارجوا ان اكون افادتكم ..

تسلم يا بيشوى على المداخلة الجميلة وعقبال ما تعمل صيانة ال30 على خير باذن الله ..

بس اللى اعرفه ان ممنوع لو معاك نسخة من المفتاح انك تطلع وتجرب .. انت لو عايز تجرب العربية بتطلب من المهندس الاستقبال انك تجرب العربية وتشوف ان المشاكل اتحلت ولالا .. وبيطلعوا يجربوها

انا من غير ما اطلب بصراحة .. لقيت احمد ناجى جرب العربية وتطلع بيها لوحده .. بس لو رايح ومفيش مشاكل وبتغير زيت مثلا بس وحاجات بسيطة مش محتاجة ان حد يجربها

بصراحة مركز صيانة محترم برغم كل سلبيات مركاز الخدمة .. الا ان نيسان حتظل متقدمة جدا فى فى التعامل مع العملاء .. وحل المشاكل ..

المشاركة الأصلية كتبت بواسطة y2y1500

سؤال بيطرح نفسه هو موضوع قطمة الدركسيون موجود فى الصنى ولا فى التيدا بس ؟

اعتقد فى التيدا الوضع مختلف شوية

المشاركة الأصلية كتبت بواسطة samsong

بعد اذن احمد حتي حضوره.....
مافيش ضرر غير الصوت فقط وانا قعدت بها فتره حتي اخبرني عزيزي احمد بموضوع البنطه واتحلت والحمد لله

بالظبط كدا يا سامى بيك .. وقالولى ان البنطة مفهاش مشاكل .. بس احنا بنقول ان طالما لينا حق فى الضمان ناخده ونتمتع بيه