الموضوع: لكل اللوجانويه هيتبسطوا اوى بس ( اللى هيدخل بس )

انا خالى كان مشترى اللوجان بقاله سنتين وربنا كرمه بفلوس وقرر يشترى عربيه اعلى شويتين واشترى عربيه سيراتو كسر زيرو

من واحد صاحبه و كانت عامله 3000 كيلو والعربيه مفيهاش خدش وموديل 2011 المهم قعدت معاه شويتين يعنى ما يقارب 3 شهور كده المهم هو بيحب الجرى وكده وسنه صغير مش كبير فجأه باع السيراتو واشترى لوجان تانى


نيجى للمهم بقى قولتله ليه بعت السيراتو قام قايلى :

واحد : السيراتو كورى وعفشه نشفه ومن جوه خاماته كويسه جدا جدا لكن اللوجان اوروبى وبعد الاوروبى ما يتركبش

اتنين : قولتله طب وثباتها

قالى : اللوجان اكتر ثبات من السيراتو ( ادندهشت طبعا ) قولتله بجد قالى والله ثابته اكتر منها

قولتله رأيك فى اللوجان كمجمل عربيه

قام قايلى : رينو شركه عبرقيه جدا جدا جدا جدا الى ابعد ما تتخيل انها تصنع عربيه فى الفئه دى وبالجمال ده وفى الثبات ده وفى الامان والوسع والاعتماديه وقوه الماتور واسم عريق رينو لازم تبقى شركه عبقريه

المهم انا بقى تبت معاه وقولتله ايه رأيك فى العربيات اللى انت ركبتها ( هو كان معاه اوبل فكترا وشيفروليه اوبترا ونيو اكسنت واللوجان وسيراتو وكان معاه رينو ميجان بس الميجان تعبته واتخنق منها لانها كانت مستعمله وفيها مشاكل كتير مش معناه ان العربيه وحشه لا )

قام قايلى انا فى رأى ان اللوجان تكسب كل العربيات دى ماعدا الاوبل فكترا قولتله طب وثبات انهى احسن فيهم رد عليا وقالى اللوجان احسن من الاوبترا فى النيو اكسنت اما فى الاوبل فكترا فهى من احسن العربيات اللى ركبهم وقام قايلى انا لو فكرت ابيع اللوجان هشترى اوروبى وعمرى ما هشترى لا كورى ولا يبانى

المهم انا روحت البيت مبسوط اوى اوى والحمد لله خبره خالى كبيره فى العربيات لانه كان بيسرق العربيات بتاعت جدى هههههههههههه وكان بيسوقها وهو فى 5 ابتدائى (مكانتش ليه فى 6 ) ههههههههههههههههههههه

المهم اللى عجبنى اكتر موضوع ثبات اللوجان بين السيراتو بجد انا اقتنعت برأيه لان خبرته اكبر من خبرتى بكتير وليه خبره اكتر من ممتازه

المهم انا بأسف لكل ملاك العربيات المذكوره اعلاه ده مش معناه انها وحشه وجايز تبقى احسن من اللوجان لكن كل انسان وليه وجهه نظر ويجب ان تحترم

وبليز اللى عنده رد يقوله من غير عصبيه وخناق ده مجرد رأى واختلاف الرأى لا يفسد للود قضيه