الموضوع: هاروح اركب ازاز ضد الرصاص

المشاركة الأصلية كتبت بواسطة moustafa_saad

فكره حلوه بس مكلفه جدا وبالمره ركب كاوتش ضد الرصاص وغير صاج العربيه كله لضد الرصاص علشان الحمايه تبقى كامله
لانه ممكن يضربك من خلال الباب مثلا او يضرب الكاوتش ومتعرفشى تمشى ساعاتها
اويضرب الرادياتير فيتخرم وبرده مش حتعرف تمشى وحتقف بعد كام كيلو
يبقى الاحسن هات عربيه مصفحه من عربيات الرئاسه جاهزه من بلدها احسن من التعديلات دية كلها

+1
او ممكن الواحد يسال على عربية مصفحة زي بتاعة الجيش اللي موجودة في الشوارع وعليها مدفع 14.5

المشاركة الأصلية كتبت بواسطة Chrispo

يا عم كل برغوت على قد دمو بقى مكلفة بالنسبالك متعملهاش

وبعدين مفيش حاجة اسمها كاوتش ضد الرصاص لا ف عربيات رئاسة ولا غيرو

وبعدين هو الحرام هينشن عالباب ؟ ده هتبقى اهم حاجة عندو الازاز لانو فاهم ان ده اضعف جزء فى العربية

وبعدين هو انت لما تيجى تهرب من حرامى بتمشى ف خط مستقيم ؟؟ معلش مهو ليه حق يطير الكاوتش بتاعك ما انت اللى مبتعرفش تسوق لمؤاخذه


منور الموضوع

انت شكلك زعلان كده ليه
ايوه فيه كاوتش بيتحمل طلقات الرصاص وبيكون التيل بتاعه عالى علشان الرصاص مايخترقهوش
انا عندى حل كويس
اشترى دبابه
دبابه هاتش باك وركبلها جنوط اسبور حتبقى محميه جدا

المشاركة الأصلية كتبت بواسطة axel

انا مش عايز اعقدك

بس اعتقد غير مسموح بيه نظرا لأنه يعتبر سلاح دفاعي زي الدروع المضادة للرصاص و ع ما اعتقد لازم تصريح من الامن العام و قصة سودا
غير التكلفة العالية

و بالنسبة للبلطجية متقلقش اول ما هيشوف الازاز مضاد للرصاص
هيضرب ع العجل و يوقفك و يتعامل او يضرب ع تنك البنزين و يخلص

فالحل انك تصفح تنك البنزين بالمرة و تركب عجل البي ام اللي مش فاكر اسمه لما بيتخرم بتقدر تمشي بالعربية لمسافة كبييرة و ع سرعة 80 كمان

و فيه نقطة مخدتش بالك منها كمان لو فرضنا انك هتعمل حاجة زي كده جسم العربية نفسه لازم يكون مصفح لصد الرصاص لأن الرصاص هيخترق صاج العربية العادية و من غير حاجة صاج كل العربيات الجديدة ضعيف
ممكن بقي نملي الابواب رملة من جوة لأن الرملة تعتبر رادع للرصاص لكن تنسي انك تفتح الباب او الشباك هههههه

او تعمل زي فيلم the punisher لما عمل صاج يقفل بيه الازاز عشان الرصاص ههههههه