استفسارات عن المونديوو

**joha_sha** · 01-07-2011 04:29 PM

اشتريت مونديو 97 صاحبها غيرلها موتور وحطلها 1800 سي سي وصاحبها قالي بس عايزة اسطوانه دبرياش جديده بس كانت بردو شغاله حلو

بصراحه العربية اول 6 شهور كانت ممتازة من سحب ونعومه بس صوتها كان عالي وانا مدققتش
بس بعد كده العربيه بقت مابتسحبش وبتسخن فجأه وتلاقي صوت الموتور فيه سكسكه كده لحد ماتوقف خالص والاقي اربه الميه بتغلي و دتها لمكانيكيه اعرفهم بيشتغلو ف كل حاجه اجمعو ان المشكله عندي ف طقم الدبرياج

1- هل المونديو فيها علبه بيئه ؟؟

2- العربيه بتسخن ليه المشكله ف ايه --- المروحه بلاقيها بتشتغل -هل ده عيب معروف ف الموديل ده ؟؟

3- العربية بحالات ساعات تبقي ناعمه وبتسحب وساعات تبقي مكتومه اووي لو طقم الدبرياج السبب متهيئلي كانت هتبقي مكتومه علي طول لكن بحالات ده ممكن يبقي سببه ايه ؟؟؟

واخيرا اتمني لو حد يعرف ايه التريكااات اللي ف العربيه دي لاني عارف ان الالماني دايما معقد و حتي التسجيل بشفره ياريت يقولي عليها عشان اعمل شيك علي الحاجات دي كلها وايه التظبيطات اللي ممكن اعملها فيها

لو حد يعرف ميكانيكي فااااااااااااااااااااااهم من الاخر ف المونديو ف الجيزة او الهرم ياريت يقولي بس يكون مصنعيته مش مبالغ فيها لان دي اكتر حاجه قرفتني ف الموضوع ده كل لما ادخل علي ميكانيكي اول مايشوف العربيه بس يقعد يعملي فيلم ويضرب المصنعيه ف الضعف بحجه دي فووورد يابيه بصرااحه حاجه تقرف :d
بردو قطع الغيار مش رخيصه ارجو اللي يعرف مكان رخيص اجيب منه طقم دبرياش ( اسطوانه وديسك وبليه ) يقولي انا سئلت ف اماكن كتير تقريبا يكلفو 1650 جم لو حد يعرف مكان ارخص ومحترم يتعامل معاه ياريت يقولي وشكرااااااااااااااااااااا اااا

**joha_sha** · 01-07-2011 08:33 PM

16 زيارة ومفيش رد واحد شكلي كده حبيع المونديو واجيب لانوس بقي :)

**aYaBooY** · 01-07-2011 09:29 PM

طبعا العربية فيها علبة بيئة بس مش شرط انها تكون لسة موجودة ممكن المالك السابق فضاها
لو الموضوع بتاع السحب البايخ مرتبط بالحرارة يبقي اسطوانة و ديسك
عموما الفورد الماستر الداخلي بتاع الدبرياج بيشتغل بالزيت و السوست و ده بيخلي العربية تفضل ماشية لحد ما الاسطوانة تتمسح
عموما عندك مواضيع موجود فيها اماكن بيع قطع الغيار و اماكن الصنيعية
انصحك تروح لمتخصص فورد علشان بالنسباله العربية الفورد حاجة عادية ( علشان هاتلاقيهم مترميين حوالين الورشة )
بالنسبة لسعر الطقم ممكن تجيب الاسطوانة و الديسك جديد ( و ده الافضل )
و تشتري الماستر الداخلي لو احتاجته استيراد

**joha_sha** · 02-07-2011 04:12 AM

شكرا ياباشا علي ردك
انا كلمت قطب علي علبه البيئة قالي مفيهااش بس تليفون

و الغريب ان العربيه بحالات ساعات تبقي سحب ونعومه جامده جدا ومش متاثر خالص بالاسطوانه وساعات مكتومه اووي مش عارف خايف بعد ماغير طقم الدبرياج تطلع حاجه تانيه

**aYaBooY** · 03-07-2011 11:56 AM

طيب اعمل طقم تنظيف محترم للعربية
غير فلاتر و نظف انجكشن و لو تقدر تروح لحد عنده الترا سونيك يظبط و ينظف رشاشات
و تغير البوجيهات و تتاكد من جودة كل خراطيم البي سي فالف و شوف هاتعدل معاك ولا لا
و يا ريت تمشي بالعربية على سرعة 100 لمدة ربع ساعة مثلا و شوف الار بي ام على كام و ده تقدر تحكم من خلالة شوية على حالة الاسطوانة بس مش بالصورة الصحيحة قوي علشان موضوع الماستر الي كنت قلت عليه قبل كدة

**joha_sha** · 03-07-2011 11:02 PM

شكرا ياباشا علي اهتمامك هجرب اعمل كده فعلا وربنا يسهل

**egytamer** · 06-07-2011 12:15 PM

جو الجامد الي بيجيب من الاخر ياريت تقولنا مين بيعمل موضوغ تنظيف الرشاشات وبكام.

**MohamedSotohy** · 06-07-2011 06:35 PM

يا تامر ما انا قولتلك هاتهم وانا اعملهملك
انا نضفتهم بنفسي

**memobeeh** · 07-07-2011 11:02 PM

بالنسبة لتنظيف الرشاشات هناك واحد في المعادي قال لي انه بيشتغل مع المنتدى منذ أربع سنوات وبينظف بألتراسونيك وهو بحق ربنا بيفرق كثيرا في سحب ونعومة السيارة واستهلاك البنزين وهو اسمه مدحت وتليفونه للأسف مش معي الآن لكن أعتقد انه في المنتدى وعنوانه على ما أذكر 15 شارع التعاون خلف مكتب صحة حلوان..بس لو حد هايروح له لازم يتفق معه الأول ويتأكد انه موجود لأن مشكلته الأساسية -وفقا لما حدث معي- ان مواعيده فشنك..فلابد من التيقن انه موجود قبل ما تضرب المشوار ع الفاضي زي ما حصل معي من قبل.

**aYaBooY** · 08-07-2011 08:55 PM

انا كمان نظفت الرشاشات قبل كدة عند مدحت ده و كان كويس و النتيجة كانت فارقة اوي

الموضوع: استفسارات عن المونديوو

LinkBack

أدوات الموضوع

عرض

-

-

-

-

-

المواضيع المتشابهه

شويه استفسارات

استفسارات

استفسارات عن ال a5

استفسارات عن sir

استفسارات

الكلمات الدلالية لهذا الموضوع

المفضلات

المفضلات

ضوابط المشاركة