أولا انا موجهتش لحضرتك كلام ياريت متدخلش فى كلام مش موجه ليك .
ثانيا حضرتك لما تتكلم معايا تتكلم بإحترام .. الأفلمة دى حضرتك الى تعملها مش انا .. الحمد لله انا مش محتاج للأفلمة والكلام الفارغ ده .
أنا محترم ولله الحمد .... النقاش على المنتدى مش موجه لفرد بعينه .. النقاش موجه للجميع ... لو حضرتك عايز تكلم أحد معين بدون تدخل أحد آخر يبقى تتفضل مشكوراً بالتواصل معه على الخاص.
المشكلة إنكم بتستفزوا الناس بدفاعكم المستميت عن فكر معين رغم أخطائه ومواقفه التي يعلمها القاصي والداني...
وأعتذر عن كلمة (أفلمه).
للاخوة المشاركين فى الموضوع وبيتبنوا الدعوة للعنف
اى طرف اخر فى اى راى مخالف ليكم ممكن يستعمل العنف برده
بس ساعتها هيكون العنف موجه ليكم لانه مؤيد للدولة واجهزتها
وده هيكون قرار ذاتى دون تبنى من الشرطة او الجيش
وسلم لى على مصر لو كانت لسه موجودة
أامييين
بص يا عم طارق اللي بيعمل حاجة مش عشان الظهور و السمعة بيحاول يداريها من الناس فمش لازم بقى تحسسنا إنك كنت قائد الجناح الأيمن للثورة :grin54: إحنا يا باشمهندس عارفين إنك جاااامد أوي من غير كلام من نوعية هنحارب لوحدنا و شغل إقصاء اللي مش عاجبينك ....ثانياً السلفيين للأسف عمرهم اجتمعوا و لا هيجتمعوا على كلمة واحدة في موضوع المظاهرات سواء اللي كانت أيام الثورة أو الحالية لأن الناس اللي بتقول دي فتنة و الأفضل الواحد يبعد عنها رأيهم يعتبر و ليه دليل و في صحابة عملته و الناس اللي بتقول لأ لازم ننزل عشان تكون كلمة الحق هي العليا و ربنا يصلح البلد دي دول برضو رأيهم معتبر و معاهم دليل ...عشان كدا هتلاقي ناس هتنزل و ناس مش هتنزل لكن مش هيبقى في توجه عام إلا لو كان الموضوع واضح و مفيهوش خازوق زي بتاع الدستور أولاً اللي هنشوف اليفط بتاعته مالية التحرير
يبقى لما تقول إنك نزلت التحرير في الثورة و مشفتش ولا سلفي ولا إخوانجي يبقى دا كلام مش مظبوط أنا أعرف ناس كتير سلفيين نزلوا و اتعوروا و فيهم اللي مات وممكن لو عملت سيرش على اليوتيوب هتلاقي الفيديوهات بتاعة الناس اللي مكنتش واخد بالك منهم
أنا عايز أنزل بس مين يضمنلي...
1- إن الأهداف المعلنة هي بس اللي هتبقى في المظاهرة يعني متظهرش مطالب إقالة المجلس العسكري و الدستور أولاً مثلاً
2- إن المظاهرة تبقى سلمية من غير ما الناس تضرب و تكسر الممتلكات العامة
3- إنها تبقى مظاهرة بس مش اعتصام مفتوح عشان الحياة في البلد متقفش ولو مفيش تنفيذ للمطالب الجمعة اللي بعدها ممكن نعمل مظاهرة أكبر لحد ما المطالب تتنفذ
لكل الى بيفسر غلط
اللى بقوله على الاخوان و السلفيين انهم ساكتين و سايبنا بنتكلم لوحدنا دول شاركوا معانا و من غير ما يتكلموا ولا يايدوا - محتاج انهم يتكلموا دلوقتى لو هشاركوا
ده كلام لا يضايق ولا يتفسر غلط
انا ماقلتش انهم مش موجودين فى الارض معانا
انا اللى بقوله انى مش سامعهم و بعدين نلاقيهم كانوا جنبنا فى الميدان
يا ريت اى واحد اتريق او اتكلم باسلوب غير لائق فى النقطه ديه يعتذر غشان ردود اتنين عزاز عليا مستفزه جدا و بدون فهم دقيق للمعنى اللى بقوله
لو كلامي ضايقك أنا بعتذرلك :cheekkiss5: بس كلامك مكنش واضح فيه اللي انت بتقوله دلوقتي و عموما أنا وضحتلك في ردي إن مفيش توجه عام من الإخوان أو السلفيين عشان كدا مش هتلاقي إعلان بالنزول أو رفض النزول لكن هتلاقي فعلاً ناس كتير نازلين وأتمنى إن ربنا يزيل الفرقة من بين المصرييت لأننا في أمس الحاجة لتوحيد الصفوف
ومادمت بتزعل أحب أقولك إن المشاركة دي زعلتني منك:
معلش عشان أنا مش فاهم حاجة في الموضوع من كنر التهكم اللي فيه
ممكن مهندس طارق .يضع في نقاط محددة 1 2 3 هايعمل ايه وأيضا مهندس أحمد البديل اللي عايز يعملوا ايه؟؟
أنا عن نفسي لو هانزل
هانزل لو فيه توافق شعبي على حل وزارة الداخلية و الأمن الوطني...و أن يتولاهم قائد من القوات المسلحة
و يا ريت يكون المطلب الوحيد ساعنها
تعدد المطالب يشتت الأهداف
كلام جميل
لن اقول مثل حضرتك ان اللي بيخرب البلد و هيخرب البلد و خرب البلد هم كذا و كذا
و لن اعتبر الناس اللي بتجري وراء غيرهم بدون تفكير و كأنهم قطيع لايفكرون في العواقب قبل التنفيذ و لكني سأقول لحضرتك و لغيرك و لكل ثائر يا اخي الكريم:-
- كيف لي ان اتبع ( مجموعة من البشر ) ثائرون علي الاوضاع و هم انفسهم بهم ما بهم من العيوب و المشاكل و بعضهم عليه الكثير من علامات الاستفهام
- كيف لي ان اصدق شعارات براقة و كلمات رنانة و اصحابها ( بهم البعض ) لا ينفذون هذه الشعارات علي انفسهم اولا
- كيف لي ان اوافق علي قطع طريق و تعطيل مصالح في ميدان حيوي او حتي طريق جانبي
- كيف لي ان الغي عقلي و انا اشاهد كل مظاهرة اندساس الكثير و الكثير من ( البلطجية فعلا مش هزار زي معاليك ) و لا يستطيع احد من الداعين للمظاهرة من منعهم من اخراب البلد او التعدي علي الشرطة
- كيف لي ان اصدق منشور الطلبات التي من اجلها دعي البعض للتظاهر و هناك الكثير من الطلبات الغير معلنة تطرح كلما تم استضافة احد هؤلاء في الاعلام و لا يخجلون من طرحها علي الشعب و كأنهم اصحاب حق
- كيف لي ان اشكك الان في حكومة شخص اتي به الميدان بعد 3 شهور ما ادراني ان اللي بعده لن يتم تغييره ايضا بعد شهرين تلاته
- كيف لي ان اشكك في المجلس العسكري و احكامه و انا شاهدته و هو ينحاز للثورة و للشعب و جعلهم الله حماية لهذا البلد من الخراب و الانقسام
- كيف لي ان لا اذكر كل شوية ( ليبيا و سوريا و اليمن ) بالله عليك الا تدرك اننا قاب قوسين او ادني من الانهيار و لي حق ان اتوقع حدوث امر مماثل لان المؤشرات تدل علي ذلك (( و اذا لم تصدق ذلك فعيب انك تكذبه )) لانك لا تعلم الغيب فأنك حين تشكك في كلام احد يجب ان تمتلك الدليل لنفي توقعاتي و استدللاتي
- كيف لي ان الغي عقلي في ان ما يجري الان هو اندفاع من ( البعض ) و محاولة لعدم الانتظار حتي تهدأ البلد و يتم فيها انتخابات نزيهة تعبر عن ارادة الشعب
- كيف لي ان اغيب عقلي كله و انا اشاهد كل اسبوع و الاخر ناس عمالة تستميت علشان الشهداء و لا تذكر للناس ان بعض هؤلاء الذين يعتصون اهلهم الان يطالبون ( بثمن ) ما فعله ابنائهم بالله عليك لماذا لا يذكر للناس علانية ( صحيفة الحالة الجنائية ) لبعض ممن يزعم اهلهم انهم شهداء ثورة و كيف ماتو و اين ماتو
- كيف لي ان الغي عقلي ان هناك البعض بيتلكك كي يصل لاهدافة و موضوع مسرح البالون خير دليل علي صحة كلامي (( جمعية خاصة بتحتفل بأهل بعض الشهداء و تكرمهم فيأتي اخرين محتجين علي ذلك و يدمرون القاعة و يعتدون علي الموجودين فيستنجد الحاضرون بالشرطة فتتدخل و تلقي القبض علي بعض المعتدين فيثور اهلهم و يستنجدو بأخرين لا يعلمون اي شئ فيذهبو لمهاجمة الوزارة فترد الشرطة )) فتحدث الكارثة و يظهر الجهاز الامني بصورة وحشية و انهم مازالو بيمارسو الاجرام و كذا و كذا و اجبر انا و غيري ان اصدق ان الشرطة اعتدت علي الثوار الشرفاء
اخيرا اقول معك
اللهم اهدي شبابنا و رجالنا و شيوخنا لما تحب و ترضي
تحياتي
م.حاتم السباعي
م. حاتم أنت أكيد فلول :grin54:
نفسي الناس تفكر بعقل قبل ما تندفع ورا المطالب الحالمة والرنانة والاوهام
تخيل حضرتك انا سمعت امبارح في الراديو برنامج بيتكلم عن التطبيع مع اسرائل في الزراعة وكان من ضمن الكلام انه مستحيل مستحيل مستحيل ان يتم تحقيق اكتفاء من القمح بنسبة 80% الاعلنت عنها حكومة الثورة
وانه حتى الان لم يتم توريد غير 2.4 مليون طن من 8 مليون الحكومة كانت بتوعد الناس بيها
صدقني مصر لم تتغير و بعد 100 ثورة مصر مش هاتتغير غير بتغير سلوك واسلوب تفكير الشعب نفسة
التعلمناه في الهندسة هو اسلوب التفكير واستنتاج النتائج المنطقية من المعطيات
والوصل للهدف باقصر الطرق واقل التكاليف (الخسائر)
ليه الناس مش بتفكر كدة
طبعا انا من الفلول من زمان و كتير من الاعضاء الاعزاء معلمين عليا بالاسود من زمان ههههههههههههه
اخي الكريم المهندس احمد
انت وضعت يدك علي كبد الحقيقة
نحن شعب نحتاج لوقت كي نصحح فيه مسارنا و بدون هدف واجماع عليه من معظم الشعب لن نصل لشئ
و انا دائما ما اشبه حال البلد بحال اي اسرة مكونة من اب و ام و مجموعة من الابناء مختلفي الاعمار
فأذا كان الاب و الام مثلا (( محافظين علي الصلاة و التقوي و من حفظة القران و لا يغتابو جيرانهم و لا يدلسو في اعمالهم و لا يرتشون و لا ولا ولا ولا )) دائما و ابدا يخرج الله لهم من اصلابهم ذرية صالحة تنهج نهجهم و الحالة الشاذة فقط هي ان يبتلو بذرية طالحة او بعض الابناء الغير صالحين
و نفس الاسرة لو ان الاب او الام في عدم طاعة و في لهو و في معصية مستمرة من عمل ملوث بالحرام و بيت لا يذكر فيه اسم الله الا قليلا و غيبة للاهل و الجيران و حالهم في الدنيا ( تكويش علي الاخضر و الناشف ) فيكون الطبيعي ان ينتجو ذرية من نفس المنهج و تسير علي نفس المنوال الا الحالة الشاذة و هي ان يكرمهم الله ببعض ابنائهم بمن يتقي الله و يسير عكس ما سار عليه اهله
و من هذا المنطلق و من هذه المعطيات اسير و اكون افكاري في هذه الحياة
و كما ذكرت حضرتك ان اي انسان و ليس المهندس فقط مثلنا لو انه اراد ان يقدم علي امر له فيه مصلحة سوف يبحث اولا و يسأل اصحاب الخبرة و يحاول ان يعد العدة لاتمام الامر و ينظر في الامور المادية و ما هو متاح و ما هو امل و امنية و لكنه غير متاح و يشرك ابناءة معه في محاولة لرفع روحهم المعنوية مع انهم كانو يتمنون مثلا شراء كذا او كذا و لكن الحالة المادية لا تسمح و خلافة
عارف يا بشمهندس و الله الذي لا اله الا هو
اني اعرف شخص من مؤسسي جماعة ما من الداعين للتظاهرات كل شوية اعالج له مشكلة في عمارة يمتلكها و كان مسافر و حين رجع اكتشف ان شريكة المقاول ارتكب خطأ فادح في (( الصحي بتاع العمارة )) و لانه دكتور مهندس لم يغمض عينه عن الكارثة فأراد الحل و لما تم طرح الحلول كان من بينها حلول سيحدث فيها خسارة مادية كبيرة جدا و لكنها حلول جذرية و لا غبار عليها و ستؤدي بنا كما لو اننا كنا هدمنا العمارة و اقمناها علي الصح من الاول و طبعا لم يختار هذا الحل و انما ظل يبحث في الحلول التي لن تكلفه مبالغ طائلة (( اي التي تكون اقل ضررا )) بالنسبة له ماديا
هذا هو الموضوع كله يا بشمهندس احمد
و هذه هي النفس البشرية للاسف
فنحن جميعا كذلك علي الامور الخاصة فأذا مثلا ابتلي احد الثائرين بأبن او بنت متأخرة دراسيا (( لن يجاهر في العائلة بذلك كي لا يجرح مشاعرهم )) و يحاول ان يلم الدور
و لو ان الموضوع كبر شوية و هذا الابن او البنت لا قدر الله ارتكب معصية كبري و اتعرفت لن يبوح بها لاحد و يحاول ان يتكتم الامر و يداري و يلم الدور علي قدر ما يستطيع لانه في مصيبة
اما لو ابتليت بلده بشئ من هذا ( فأنها الكارثة و الطامة الكبري ) افضح يا جدع اضرب يا اخينا الشرطة كلها فاسدة
المجلس العسكري ناس متواطئة او متأخرة ارحمونا بقي و فككو منا و الشيوخ دول بتوع الجامع بس ملهمش دعوة بالسياسة و لعب السياسة و هكذا الي ان تجدهم مثلا يصدقون ( مخرج او كاتب او فنان ) لانه ظهر امامهم مرتدي ثوب الثائر اما اي شخص يقول يا اهل الخير انتظرو ( بيبقي شخص جبان في نظرهم ) و يقولو لك لا نامت اعين الجبناء و كفاياكم و ارحمونا مع اننا لم ندعوهم الا لاعمال العقل و تقديم المصلحة العامة علي الخاصة
و لم نطلب منهم الا ان يضعو البلد في ركن الابن او الاب او الام او الابنة ( المبتلية بمصيبة كبيرة في ذمتها او عملها ) هل ستفضحوها و تنكلو بها و لا تصدقوها و ستحكمو دائما عليها من نظرتكم لها وقت معصيتها و لن تغيروا و جهة نظركم ابدا فيها طبعا لن يحدث ذلك
معلش انا برغي كتير بس من الهم اللي انا شايفه
و اقسم بالله لو تشاهدو معي ما شاهدته امس بعد صلاة العشاء و الناس لا تستطيع السير الي ميدان التحرير و الاسعاف التي لا تستطيع السير و الناس اللي في السيارات و هي عمالة تدعي علي من قطع الطريق يمكن تغييرو من افكاركم و بعد طلوعنا بعد معاناة علي الكورنيش للاسف نفس المشاهد السلبية هيه هيه
الاختلاط السافر بين الشباب و الشابات علي الكورنيش
اصوات الكاسيت من المراكب هيا هيا لم تتغير
الصورة السيئة للميكروباص
ازدحام و الكل عاوز يعدي بالدراع
انتشار ظاهرة الموتسيكلات و اشكال اللي بيقودها تختلف تماما عن الشكل المحترم اللي كنا بنشاهده جميعا من قبل و غيرها و من صور سيئة و عجيبة لا احمل طبعا الثورة ايا منها
و لكني اعيب علي بعض الثوار انهم ينتظرون ان تنفذ الحكومة هذا
فأنا اري ان هذا هو الغلط بعينه لانه يجب ان نستفيد من حالة الفوران في الشعب الان و نحاول ان نقوم سلوكه و حالة التوهان التي يعانيها البعض الان
م.حاتم السباعي
نحن تأخرنا كثيرا في اصلاح أو تطهير ثلاثة:
الإعلام
الداخلية
رجال الأعمال الفاسدين
والأخير يمسك بالإعلام و يتحكم فيه...وكان يستمد قوته و جبروته و فساده من الداخلية
كان ينبغي أن نضرب الحديد و هو ساخن
لا أن نجهل و نحتقر من أنفسنا
لا أن نخترع و نهاجم فزاعات جديدة
صدقوني ان كان أحدا من رموز الثوار يدرك حقيقة الثلاثة و كان يريد مصلحة مصر لما اخترع أو طالب بمطالب ثانوية أمام هؤلاء الثلاثة
صدقوني ان كنتم تريدون الثورة أن تغيرنا و تغير البلد للأفضل...فلا بد أن نكوي جروح ثلاثة غائرة:
الإعلام
الداخلية
رجال الأعمال الفاسدين
يا جماعة لو عملنا ثورات من هنا للقرن الجي عمر ما في حاجة هتتغير
لأن الثورة اللي قامت غيرت نظام فقط لكن مغيرتش شعب
لازم قبل اي حاجة الشعب نفسه يتغير عشان نقدر نقول هنعمل حاجة
انما مش تيجي ناس هم نفسهم لا يحترموا ابسط القوانين او السلوكيات و جايين يقوموا بثورة
و معتقدش ان في حد يقدر يغلطني في ديه لأن هي ديه الحقيقة
مش عارف ليه يا جماعة اي رد بيتحط بتحبوا تلتفوا حواليه
ايوة غيرت لأن الثورة طلبت تغيير اشخاص و ده اللي تم لو مش معتبر ان دول نظام اتغير
يبقي اعمل تغيير نهائي بقي بمعني غير كل الناس اللي شغالين في اي وظيفة
اقولكم يا جماعة الناس تطالب بتغيير البلد و الشعب كله ايه رأيكم ؟ ههههههههههههه
و صدقني برده مش هيعجب حد
انا عن نفسى لو أخطات أعتذر
اشخاص مين
قصدك مبارك ولا نظامه
على فكرة نظامه لسه مستمر
وهبدأ مع حضرتك من وزارة سيادية
وزارة الخارجية
والكلام مش لي ده للاستاذ فهمى هويدى
شوف و احكم هل تغير النظام
فى اليوم الذى أدى فيه السفير محمد العرابى اليمين الدستورية ليتسلم منصبه وزيرا للخارجية، نشرت الأهرام (يوم 26/6) تصريحات قال فيها إنه سيعتمد فى مهمته على الدبلوماسية الناعمة التى ترتكز على رصيد مصر التاريخى والثقافى، وإن الرسالة الأساسية للوزارة فى رأيه هى رعاية المصريين فى الخارج وتحسين علاقات مصر مع جميع دول العالم. وهو كلام أصابنى بالإحباط حين وقعت عليه لأننى خرجت منه بما يفيد أن الوزير الجديد ليس لديه ما يقوله. فالحديث عن القوة الناعمة (على فرض أنها موجودة وإن كنت أشك كثيرا فى ذلك) يقول به كل أحد، ويستطيع أن يتحدث به بضمير مستريح أى وزير فى أى دولة آسيوية أو أفريقية أو غربية. ثم إن حكاية تحسين العلاقات مع العالم والاهتمام بالمصريين المهاجرين ليس فيها أى إضافة معلوماتية تذكر. كأنه أراد أن يقول لنا إن وزارة الخارجية ستؤدى وظيفتها كوزارة للخارجية أو أن وزارة الصحة ستعتنى بصحة المواطنين!.
قارنت كلام الوزير الجديد بسلفه الدكتور نبيل العربى فوجدتها مقارنة بين المعنى واللامعنى. فقد تحدث الدكتور نبيل حين تسلم الوزارة عن أربعة محاور للسياسة الخارجية هى: العمل على تطبيع العلاقات مع إيران ــ فتح معبر رفح ــ التعامل مع واشنطن من موقع الند ــ عدم الانصياع للتهديدات الإسرائيلية ومطالبتها بالوفاء بالتزاماتها فى اتفاقية كامب ديفيد، التى ذكر أنها قابلة للمراجعة والتعديل. وهى رؤية إذا وضعتها إلى جانب حكاية القوة الناعمة وتحسين العلاقات مع دول العالم، فلن تحتاج إلى جهد لكى تعرف أين يكمن المعنى وفى أى جانب يتجسد اللامعنى.
حتى أكون أكثر دقة، فإننى لا أعرف ما إذا كان كلام الدكتور نبيل العربى تعبيرا عن رأيه الشخصى أو أنه رأى المجلس العسكرى أو أنه كان استلهاما لروح ثورة 25 يناير. لكن الذى لاشك فيه أن ما قاله الرجل لقى ترحيبا وحفاوة من الجماعة الوطنية المصرية، وأعاد الثقة فى سياسة مصر الخارجية. بل إنه أنعش العالم العربى بأسره الذى اعتبره إشارة إلى أن مصر الحقيقية ــ بعزتها وكبريائها ــ أطلت برأسها أخيرا بعد طول غياب.
لا أخفى أننى من البداية لم أكن متعاطفا مع السيد محمد العرابى لسببين أولهما أنه قضى أربع سنوات فى إسرائيل. بعدما أمضى فترة مماثلة فى واشنطن مسئولا عن العلاقة مع قادة الحركة الصهيونية هناك الذين يتركزون فى منظمة «ايباك»، وهذه الخلفية جعلته يتبنى موقفا من إسرائيل مطابقا إلى حد كبير مع موقف النظام السابق ورئيسه الذى اعتبرته الدولة العبرية «كنزا استراتيجيا لها». السبب الثانى ان الرجل كانت له علاقة خاصة ومتميزة مع رأس النظام السابق، الأمر الذى أطال مدة بقائه فى ألمانيا إلى سبع سنوات، وهى نحو ضعف المدة التى يقضيها الدبلوماسى فى الخارج عادة.
حدثنى بعض أقرانه عن أن للرجل فضائله الشخصية المقدرة التى تشهد له كدبلوماسى محترف وعالى الكفاءة، وذلك يحسب له لا ريب، لكننى أتحدث عن الوجه السياسى له وليس جانبه الشخصى. ذلك أن خلفيته السياسية تستدعى أكثر من سؤال منها مثلا: ما هى معايير اختيار وزير الخارجية، وهل صحيح أن ارتباطه بصلة قرابة مع أحد أكابر النظام الجديد كان من عوامل ترجيح كفته؟ وهل يعد اختياره بخلفيته تلك تعبيرا صادقا عن مصر ما بعد 25 يناير؟ وهل بعد يمكن أن يمر ذلك الاختيار لو أن الوزير جرى اختباره وتمت مناقشته فى آرائه من قبل لجنة الشئون الخارجية فى أى مجلس نيابى منتخب. كما هو الحاصل فى تقاليد الدول الديمقراطية؟ ــ (بالمناسبة هذا يحدث فى الولايات المتحدة بل يحدث أيضا فى إيران).
لقد اعتدنا فى مصر ألا نسأل وإذا سألنا لا يرد علينا، عن أسباب ضم أى وزير للوزارة أو أسباب خروجه منها. كما اعتدنا أن يكون الوزير مسئولا أمام رئيس الجمهورية وليس أمام الشعب. ومن ثم فمهما فعل فإنه يظل باقيا فى منصبه ما بقى مشمولا بالرضا السامى، لكننا نحسب أن تلك تقاليد عهد مضى وانقضى، وأن تجاهل كبرياء الشعب وعدم احترام إرادته من مفاسد العهد السابق التى طويت صفحتها. إلا أن ذلك الظن بات يحتاج إلى مراجعة فى الحالة التى نحن بصددها.
ليست حالة وزير الخارجية فريدة فى بابها. لأن فى التشكيلة الوزارية الحالية أكثر من عضو لا يكاد يصدق المرء أنهم أعضاء فى حكومة الثورة المصرية، الأمر الذى يحيرنا فى تقدير كفاءة معايير الاختيار، بقدر ما يدهشنا السكوت عما تبين من سوء فى الاختيار. ولست أشك فى أن الرأى العام لديه من الوعى والذكاء ما يمكن كثيرين من أن يشيروا بأصابعهم إلى النماذج التى أعنيها. وأخشى إذا استمر ذلك الوضع أن يفيض الكيل بالناس، فيكفوا عن الانشغال بالدستور أو الانتخابات أو حتى الفقراء، بحيث يصبح لديهم هم واحد يدفعهم إلى رفع شعار تغيير الحكومة أولا.
انتهى المقال
و انتظر المزيد عن موازنة النظام الذى تغير قولا لا فعلا
تقبل تحياتى
من جديد
وكما يقولون شهد شاهد من اهلها
انتقد عثمان محمد عثمان، وزير التنمية الاقتصادية الأسبق، الموازنة العامة الحالية التي طرحتها حكومة شرف، مؤكدا إن الموازنة الحالية، هي نفس موازنة الحكومة السابقة مطالبا بالرجوع إلى محاضر مجلس الوزراء في السنين الماضية، وذلك في أول ظهور إعلامي له عقب ثورة 25 يناير، مما دفع بعض الحاضرين لمطالبة الوزير بعدم الدفاع عن أفعال الحكومة السابقة، وذلك في الندوة التي أقيمت تحت عنوان "وضع الاقتصاد المصري بعد الثورة".
فيما أشار عثمان إلى عدم وجود رؤية اقتصادية للأحزاب والقوى السياسية المتواجدة على الساحة السياسية الآن، مثل الإخوان والوفد، مطالبا بوضع الرؤية الاقتصادية لتلك الأحزاب في برامجها الانتخابية، قائلا: إن الثورة المصرية قامت للمطالبة بالعيش والحرية والكرامة الإنسانية، متسائلا كيف نحقق تلك العدالة بدون وجود نمو اقتصادي؟
مشيرا إلي النظام السابق كان يرفع شعارات العدالة الاجتماعية، ولكنها كانت شعارات فقط، مطالبا الحكومة الحالية بتحقيق تلك العدالة على أرض الواقع.
انتظر مزيد من التفاصيل عن الموازنة العامة
YouTube - ‫ط§ظ„ظ‚ط±ظ…ظˆط·ظٹ ط´ظ„ط. ط§ظ„ط¬ظ„ط§ط¨ظٹط© ظˆط¨ظٹظ‚ظˆظ„ظƒ ط®ط¯ ط¨ط§ظ„ظƒ ظ…ظ† ط¬ظ…ط¹ظ‡ 8 ظٹظˆظ„ظٹظˆ‬‎
لقيت الفيديو ده و مش معترض 100 على النزول ولا موافق 100 على السكوت بس فيه نوايه بصراحه قلقان منها غير أنها صعب تصادف أكتر من مره .
مع اني ارفض فكرة القص و اللازق اللي منتشرة الان علي اليوتيوب
و انا لن اهاجم ما سمعت الان لاني لا اعرف هل الرجل قال فعلا ام لا
و لكن فعلا اقولها لكل وطني حر اذا كنت فعلا نازل يوم 8 ارجوك حكم عقلك
و اعمل بنظرية المصلحة العامة اجدي و انفع فإن شاهدت او رأيت اي شئ ضد حبك لبلدك
فأرجوك ان ترجع و تتركهم كي يعلمو حجمهم الحقيقي
و اذا رأيت هناك الخير للبلد فأستمر و ادعو الله لنا نحن الغافلين ان يهدينا لما هداك الله له
م.حاتم السباعي
اقاطع فاعليات 8 يوليو :no2: .. و لكن اؤكد علي حق اهالي الشهداء و المصابين و ضرورة القصاص و الاصلاح و ضرورة احترام الاغلبية و الديموقراطية و محاكمة القتلة و اللصوص و الخونة و اقرار حد ادني و اقصي للرواتب
و اؤكد علي الاحترام المتبادل مع كل الاتجاهات برغم اختلافي مع بعضها
ثورة .. ثورة .. الي الامام :16:
بعد رجوعي من الإيقاف اللعين ...... أحب تكون أول مشاركة لي في الموضوع دة ..... و بالجملة دي
أنا بلطجي و افتخر ....... و بعد 20 سنة حكون قادر أحكي لإبني بفخر عن كل يوم و كل لحظة في الثورة المجيدة دي و من غير ماكذب ..... بينما ناس تانية مش حتلاقي حاجة تحكيها عن نفسها أثناء الثورة
أن بلطجي و بقول ...... مصر أولاً
و معلش يا طارق ..... كنت لوحدك الفترة إلي فاتت قدام الفلول :))))
منقول من الفيس بوك
بعد تصريحات فريد الديب بأن مبارك أول من أيد الثورة .. !!
حبيب العادلى: أنا خالد سعيد..!!
جمال مبارك: أنا وائل غنيم..!!
توفيق عكاشة: أنا الشهيد..!!
سوزان مبارك : أنا أم الشهيد..!!
......الأمن المركزي : إحنا الثوار..!!
شباب 25 يناير : إحنا بلطجية..!!
يعني التقسيمه دلوقتي فلول وبلطجيه وأغلبيه صامته في المدرجات
نورتونا
"يعني انت ساكت من الصبح ولما جيت تتكلم بتسكتنا"
مش فاكر سمعت الجمله دي فين
يا عمي فلول فلول :00020191:
يعني المسمين نفسهم ثوار كانوا ثوار .. إختلط الحابل بالنابل
:yeah::fun_10_9_134[1]::36_7_7[1]::36_1_37[1]::11_5_14[1]::flag1::B4_007::angry27::7_6_5v[1]::beatbrick::00020140::nosmile::diablo1::33:
وهو كل الثوار فادوا بلدهم
ما بتوع 23 يوليو ثوار .... بلا نيلة :oops::hang::ANSmile23:
ما تحطش في نفسيتك وتشيل في قلبك:penguin4:
انا لسة ماقررش اتخصص اية لانى ناوى أدرس البلطجة على اصولها لكن بصراحة مش فاضى ادرس كبلطجى انتظام لكن ممكن اتقدم لو فية نظام بلطجة انتساب......:36_1_50[1]:
سياتك انا اخصائي اول مشتريات بلطجية خبرة 4 سنين
يعني بإذن الله هاتفقلكم على صفقة لوز اللوز جميع انواع الاسلحة البيضا و الحمرا و الخضرا و كل الالوان اللي قلبك يحبها
اشي سنج على مطاوي على سيوف على ملتوف على شوم ( وارد الصعيد الجواني ) مش اي شوم يعني على طوب ( احمر - حراري - كسر بلاط - كسر سيراميك - كسر رخام ) دا طبعا غير الاليكترونيات زي الاليكتريك بكل مقاساته و انواعه
و ان شاء الله هاعمل ديل تمام التمام و خصم كمية و هاظبط مواعيد و اماكن التسليم و التوزيع 100 100 و متقلقوش على الجودة دا انا مشترياتي بلطجة قدييييييييييييم و هاتلاقي الطوبة من دول عارفة طريقها لوحدها
الى البلطجية
1- مش من حق اي حد فيكم يتكلم باسم الثورة ... ولا انا ... ولا اي حد نزل التحرير يوم او يومين يبقى هوا الثورة ... الشعب المصري (85 مليوووووووووووووووون) ثاروا ... اللي عايز يقول انا الثوره قدامه حل من اتنين مالهومش تالت ... اما يثبت انه موكل من 51% من الشعب المصري ؟؟ ... او يقول انه قام بالثوره لواحده والشعب لم يثور ؟؟ ... فان لم يستطع - ولن يستطع - فليس له غير انه يتكلم كفرد واحد فقط لا غير من الشعب. (حتى لو كان نزله يوم ولا اتنين لميدان التحرير)
2- أغلبية الشعب - 80% - أيدت الاستقرار ... وأيدت الشريعه ... وأيدت الحكم العسكري الانتقالي ... وأيدت انتخابات برلمانيه قبل الرئاسيه ... وأيدت التعديلات الدستوريه التي اعلنت كما هي لا زياده ولا نقصان ... واقليه عدديه لا تمثل 0.001 من الشعب (واحسبها) هيا اللي بتنزل دلوقتي التحرير - بأي دعوة ان كانت - والباقي اما في شغله او في بيته - ندخل عالنقطه التالته....
3- أي فئة تعارض رئ الاغلبية ... وتقاوم الاستقرار ... هيا فعلا بلطجيه حتى ان كانو مهندسين او اطباء او دكاترة او او او او .......... والدليل ... كل الحراميه اللي نهبو مصر الفتره الماضيه جميعهم مهندسين ودكاتره ووزراء وعمداء ... ولا اقصد الاهانة نهائي لاي شخص ولكن بس بقول ان الدرجة العلميه لا تعفيك من ان تكون بلطجي او مرتشي او عميل..
4- الحل: مقاومة الفئة الخارجه عن النظام العام لمصر الامان وعن الغالبية العظمى من شعبها العظيم المؤيد للاستقرار بشتى الطرق الممكنه ... سواء بقنابل الغاز ... او بالاعتقال ... او بالضرب بالرصاص ان لم يجنحوا للاستقرار ورئ الاغلبية - حتى لو كان مش رئيهم.
وربنا يحميكي يا بلدي يا عظيمة.
طيب تمام ده حق حضرتك تقوله
اللى ماكنتش تقدر تكتبه لو لم تقم الثورة
انا نازل التحرير و افخر انى من الناس اللى بيتقال عليهم بلطجيه