يا رب ثبت خطانا و باركلنا فى ثورتنا
يا رب ثبت خطانا و باركلنا فى ثورتنا
يا رب
أماكن التجمعات في المحافظات يوم 8 يوليوملاحظات وتعليمات هامة
- المظاهرات والمليونية سلمية .. لا للتخريب .. وكلنا هنحمي الميدان وهنحمي بعض
- مفيش أي كلام عن الدستور أولا ولا الانتخابات أولا .. شعارنا هو الثورة أولا
- لا للهتافات الطائفية أو البانرات الدعائية التابعة لأحزاب أو حركات سياسية .. كلنا هنرفع علم مصر
- الجو حر ويمكن المية تقطع عن ميدان التحرير .. هات معاك قزازة مية كبيرة وطاقية عشان الشمس ومن الأفضل أنك تلبس تيشيرت فاتح عشان تعكس أشعة الشمس
- الجيش ليس هو المجلس العسكري .. المجلس العسكري هو سلطة سياسية يمكن أن يخطئ ويمكننا محاسبته على أخطاءه كما حاسبنا مبارك وحاشيته .. الجيش هو رجالنا الأبطال وفيه ضباط محترمين رفضوا حكم مبارك وانضموا للثوار وقت الثورة زي الرائد أحمد شومان والنقيب ماجد بولس وكان ليهم دور أساسي في حماية الميدان والثورة من خلال مبادرات شخصية بخلاف الأوامر الصادرة لهم بعدم التدخل .. وفيه غيرهم كتير .. يبقى الجيش والشعب إيد واحدة .. ولو اتكلمنا عن المجلس العسكري يبقى ده موضوع تاني.
محافظة القاهرة
مسجد مصطفى محمود فى المهندسين
مسجد النور وكنيسة السيدة العذراء والأنبا بيشوي بالعباسية
مسجد رابعه العدوية وكنيسة القديسة العذراء والقديس اثناسيوس مدينة نصر
مسجد عمر مكرم فى التحرير
مسجد حسين صدقى ومسجد الاوقاف وكنيسة العذراء بالمعادى
مسجد المراغى فى حلوان
مسجد الفتح فى رمسيس
مسجد الحصرى فى 6 اكتوبر
مسجد الحسين في الازهر
مسجد السلطان حسن العتبه
مسجد الرفاعى فى السيده عائشة
مسجد الخزنداره وكنيسة الانبا انطونيوس شبرا
والتجمع النهائي في ميدان التحرير
محافظة الأسكندرية
مسجد القائد إبراهيم وكنيسة المرقصية بمحطة الرمل
مسجد شرق المدينة بالعصافرة
و التجمع النهائي في حديقة الخالدين أمام مسجد القائد ابراهيم
محافظة السويس
مسجد الاربعين
مسجد الشهداء
مسجد سيد الغريب
مسجد السيد حمزة
والتجمع النهائي بحي الأربعين
محافظة الشرقية
مسجد التوحيد فى بلبيس
مسجد كفر الحوت فى فقوس
مسجد الفتح بالزقازيق
التجمع بميدان التحرير فى الزقازيق
الدقهلية
مسجد النصرالتجمع و الخروج من مسجد النصر
محافظة الغربية
مسجد الأحمدي
والسيد البدوي
كنيسة ماري جرجس
محافظة المنيا
مسجد الفولي
كنيسة السيدة العذراء
محافظة أسيوط
مسجد السلطان الفرغل
مسجد خشبة
مسجد الهلالي
شرم الشيخ
مسجد السلام
مسجد النور
التجمع أمام مستشفى شرم الشيخ
الإسماعيلية
مسجد أبو بكر الصديق
مسجد المطافىء
محافظة الغردقة
مسجد الناصر
محافظة الفيوم
مسجد عبد الله وهبي
التجمع فى ميدان السواقى
محافظة سوهاج
مسجد العارف بالله السوهاجى
مسجد الشهيد
التجمع بميدان الثقافة
محافظة البحيرة
مسجد الأتوبيس
مسجد التوبة
كنيسة ماري جرجس
التجمع بميدان الساعة
محافظة المنيا
مسجد الفولى
مسجد عمر بن الخطاب
مسجد صلاح الدين
محافظة بورسعيد
مسجد السلام
منقول من الفيس بوك
علم و ينفذ
اللهم احفظ مصر و أهلها و سدد خطا من اراد بها خيرا
مشارك ايجابى ان شاء الله
اراكم على خير فى الميدان
بصو ... طبعا انا حلاقى الناس كلها بتشتم عليا
و قبل ما حد يخونى و يقولى دم الشهيد الى اخره ... بس اولا احب اعرفكم كلكم انى نزلت من اول يوم فى يوم 25 فى الوقت اللى كتير من الناس مانزلوش فيه و اتقبض عليا من الشرطه كمان و هى فى عزها
بس فى وقتها كان فيه حجم فساد رهيب لدرجه انه ماكنشى ينفع نتبع معاه الطرق المعتاده لأن الفساد كان تحت رعاية رئيس الجمهوريه نفسه
علشان كده المعتصمه فى التحرير اول مطلب ليها تنحى مبارك و بعد كده نتفاهم فى الاصلاحات
دلوقتى مبارك اتخلع - ورئيس الوزراء جاى بترشيح من التحرير نفسه
انا متفق معاكم ان كتير من مطالب الثوره ما اتحققتشى
بس دلوقتى بقى فى الاليات اللى ممكن من خلالها نحقق باقيه المطالب
وبعد كده المفروض اننا نبنى دوله .. و فيه حاجه اسمها هيبه الدوله اللى المفروض كلنا نعمل عليها .. لأن الهيبه دى هى اللى بتمنع البلطجى من التعدى على الشرطه اللى هى المفروض بتحميك
و بتمنع الهجوم المستمر على قيادات البلد - زى عصام شرف ... جهه من التحرير و دلوقتى عاوزينه يتشال زى ماحصل فى احمد شفيق
احمد شفييق قولنا ماشى علشان ده كان مبارك هو اللى معينه
لكن عصام شرف ؟؟؟ هو علشان فيه حجات معملهاش (لأى ظرف مش شرط يكون معلن )يبقى خلاص يتشال
ماهو بالاسلوب ده يبقى عمرنا ما حنشوف رئيس جمهوريه .. لأن عند اول قرار منه مايعجبشى مجموعه معينه تطلع ثوره تانى بدلا من الانتظار لنهائه 4 سنين بتوعه زى ما الدستور بيقول
ده المقصود بهيبه الدوله - بس دلوقتى خلاص مابقاش فيه هيبه للدوله و اللى مش عاجبه حاجه ينزل بدراعه
ماهو ماينفعشى يبقى البلد كل شويه فى ثوره و لو اى حد مش عاجبه اى حاجه ينزل و يعمل اعتصام
خاصه ان الاعتصامات دى بتبقى عامله زى البنزين اللى بتبقى مستنيه اى شراره علشان تولع
وخلينا نفتكر كده مع بعض بعض الامثله اللى وردت على بالى لحظيا
1- جمعة موقعة المشير : لو تفتكرو الجمعه اللى قبلها اتعملت محاكمه رمزيه لمبارك و فضلت المظاهرات لغايه الساعه 9 باليل و الناس روحت بيوتها و كانت دعوى المظاهرات من اجل الاسراع بمحاكمة رموز الفساد - فى خلال الاسبوع التالى للجمعه دى ظهر علينا فيديوهين لظابطين بيعلنو عن ثوره فى الظباط نفسهم لما يلمسوه من فساد داخل صفوف الجيش و دعوى للناس لدعمهم و حمايتهم و اللى اكتشف فيما بعد (بالصور) ان الظباط دول مفصولين والاتنين متجوزين اجانب وواحد فيهم فى امريكا مقضيها فى البارات -
فى الجمعه اللى بعدها الناس كانو رايحين للتحرير (و انا منهم) لحضور الجزء الثانى من المحاكمه الرمزيه لمبارك (ماكنشى فيه اى دعوى ضد طنطاوى او اى اعتصام ) لغايه لما طلعو الظباط دول و عطلو المحاكمه الرمزيه دى لمده 50 دقيقه تقريبا بسبب رفضهم النزول من المنصه هما و اشخاص تانيين مجهولين و دعو الناس لاعتصام مفتوح و هما اول من هتفو ضد طنطاوى و المجلس العسكرى و طبعا باقيه الاحداث معروفه
2-محاوله حرق و اقتحام قسم الاذبكيه : اللى حصل ان فى يوم اربعاء حصلت مشاده بين مإمور القسم و سواق ميكروباص و انتهت بوفاة سواق الميكروباص بصرف النظر عن التفاصيل اللى فى كتير منها يدين السواق- الكلام ده كان يوم الاربعاء ,ابن عم القتيل استنى لغايه يوم الجمعه و راح و دعى المتظاهرين فى التحرير للانتقام و توجهه هو معاه المتظاهرين للهجوم على القسم !!!!!
3-موقعة مسرح البالون : 10 اسر شهداء بيتكرمو فى مسرح البالون و حياخدو 10 تلاجات - فيها حاجه دى ؟ مره واحده جم مجموعه كبيره من الناس و عاوزين يقتحمو المسرح تحت دعوى انهم اسر شهداء برضه و عاوزين يتكرمو هما كمان و هاتك يا تكسير و سرقه فى المسرح (متصوره بالفيديو ) و بعد كده روحو لماسبيرو علشان تشعللو الدنيا ... صحيح ان الامن تعامل بغباء و عنف بس هو عمل كده لأنهم تعاملو زى البلطجيه (ان لم يكونو بلطجيه اصلا ) ولو الامن عمل عس كده حنقول متقاعسين
و النتيجه كم من الاصابات رهيب و انسياق الاف من الثورا وراهم دون التفكير للحظه فى سبب اشتعال الموقف
4-حادث كنيسة اطفيح و الفتنه الطائفيه و بعدها اشتباكات فى منشيه ناصر على الاوتوستراد
5- حادثه كنيسة امبابه
ده اللى افتكترة دلوقتى على السريع
لو تذكرنا كل الاحداث دى حنلاقى شببه التدبير واضحه و كلها بتستغل تجمع المتظاهرين ده و توجههم فى اتجاه معين و كله على حساب سقوط هيبه الدوله
برضه من الملاحظ تورط 6 ابريل فى اى اثاره للاحداث و حتى هذه اللحظه لم يعلن عن مطالب محدده ل 8 يوليو كلها المطالب مطالب هلاميه ... زى مثلا عدم عودة الشرطه لاسلوبها القديم !!!!!
و بعضها مطالب مستفذه زى اقالة المجلس العسكرى و تعين مجلس مدنى مكون من (الدكتور محمد البرادعى - الدكتور ممدوح حمزة - الاستاذ حمدى قنديل - المستشار زكريا عبد العزيز - مدام بثينة كامل - الاستاذ جورج إسحق)
مين اصلا اللى رشح الناس دى .... انا مؤيد للبرادعى لكن ارفض انه يجي بالطريقه دى
مشكلة الثوره بتاعتنا ان مالهاش قائد و بالتالى الاستمرار فيها حيؤدى الى فشلها
المشكله انى مش عارف دلوقتى فين يبقى المصدر الموثوق فيه
عندك الصوره دى
http://a4.sphotos.ak.fbcdn.net/hphot..._5759239_n.jpg
و لاقيته فى اكثر من جروب على الفيس بوك
ط§ظ‡ط¯ط§ظپ ط«ظˆط±ط© ط§ظ„ط؛ط¶ط¨ ط§ظ„ط«ط§ظ†ظٹط© .... ظ…ط¬ظ„ط³ ط±ط¦ط§ط³ظ‰ ظ…ط¯ظ†ظ‰ | Facebook
ائتلاف نساء الثورة - جديده دى و اول مره اسمع بيه
المشكله برضه ان فيه 170 ائتلاف للثوره دلوقتى و العدد فى زياده مع مرور الوقت
و كل شويه تطلع مجموعه جديده و تعلن رعايتها عن فئه معينه ... زى الحركه السلفيه مثلا اللى اعلنت الناهرده بعد اجتماعها انها حتشارك ... طيب انا اللى جنبى فى الشغل سلفى و مش حيشارك
و الاخوان المسلمين (اكتر مجموعه منظمه و لها رؤيه فى الساحه دلوقتى ) اعلنت رفضها ل 8 يوليو .. بس انا اعرف ناس تبع الاخوان و نازلين
عارفين فرق تسد .... احنا اهه بنتفرق بعد ماكنا ايد واحده فى 28 يناير
أشك في مدي صحتها
بس الهدف اللي مكتوب ده عاجبني جدا:
واضح ان اللي كتب ده كان عامل دماغ عاليه أوياقتباس:
تعين مجلس رئاسى مدنى ثورى لمدة عام لتحقيق اهداف الثورة و يكون المجلس العسكرى تابع لسلطاتة و ليس العكس و يتكون من :
... الدكتور محمد البرادعى - الدكتور ممدوح حمزة - الاستاذ حمدى قنديل - المستشار زكريا عبد العزيز - مدام بثينة كامل - الاستاذ جورج إسحق و يحق لافراد هذا المجلس الترشح فى الانتخابات الرئاسية على أن يتركوا مواقعهم قبل إقامة الانتخابات بشهرين على الأقل
واضح إن اللى كاتبه البيان دا (ست بيت)!اقتباس:
مدام بثينة كامل
المحكمة ترفض طعن النيابة على إخلاء سبيل الضباط المتهمين فى السويس.. يالا بقى 8 يوليو
بلطجي مهندس ... خبرة 2 يوم في بلطجة و اجندات ماقبل ال"الخلع"
يتميز بصوت عالي - قلة النوم - ثقيل الحركة (انفع درع بشري) - تصميم لوحات بلطجية ببرامج الفوتوشوب المسروقة ( بلطجي بقى )
بالاضافة الى خصائص البلطجة ..
خصائص تموينية ... غذاء و بطاطين !
في الخدمة و تحت الطلب و ان شاء الله مشارك في يوم 8 !
---
اعترف ان بعد ماروحت التحرير يومين انضميت لحزب الكنبة بعدها ... بس بصراحة لقيته حزب "بق" رغم انه لا يتحدث ! فذهقت !!!!
بكرة مصر كلها هتبقي بلطجية وهنشوف كلام مين اللي هيمشي
مش انا طلعت بلطجى
مصطفى .... مهندس بلطجى ونازل ان شاء الله بكره
(صوت عالى) حد ليه شوق فى حاجه
.
.
.
.
بلطجه بقى .... ههههههه
و انا معترفة على نفسي من دلوقتي يا باشا
و عندك واحدة بلطجية و معاها مامتها البلطجية الام و شوية جيران و اصحاب من اصل بلطجي ابن بلطجي