الوضع الحالي لمصر

أضعف حكومة في تاريخ مصر..... البلد بدون قيادة .... وناس كان نفسها تمسك سلطة اول ما يسقط النظام بس جات اوت .... وجيش بيحسس على الشعب لحسن يتقمص

شعب ثائر أو غاضب أو ماصدق يشم نفسة أو بيصفي حساباته وبحل عقده القديمة المتريبة بداخله و ناس بتتمسح في دم من نحتسبهم عند الله من الشهداء عشان مصالحهم

و النتيجة ان الشعب ده يوم ما بيتخنق ..... بيضرب اضعف حاجة في الضعفاء الموجودين ............ الشرطة

وكأن وزارة الداخلية هي ابليس البيضرب بالجمرات في موسم الحج ... اللازم يضرب كل موسم مظاهرات

والغريب ان لازم تضرب العسكري أو الظابط على خده اليمين وهو لازم يديك خده الشمال عشان تضربه ويقولك مرسي كمان

والله حاجة تضحك وتحزن في نفس الوقت

مصر بعد ما كانت زي العسل الأسود ..... داخلة على مرحلة الهباب الأسود