فيديو لتسارع عربيتي الفانتازيا

**horas3000** · 02-07-2011 12:10 AM

المشاركة الأصلية كتبت بواسطة autotycoon

انا بس عايز اسأل سؤال بجد ... هي بوية العربيات بتستحمل الكلام ده ازاي؟

ما هو هو ده سر و معني المواصفات الخليجيه يا زعيم
المواصفات الخليجيه مش معناها كماليات اكتر و السلام بل معناها بويه و خامات طبلون و كراسي مخصصه لتحمل الحراره دي ده طبعا غير نظام التبريد و التكيف
و طبعا الكوتش و انواع الزيوت برضه ليهم مواصفات خاصه للحراره العاليه ده
و عندك مثلا العرف هنا انك تغير كوتش عربيتك كل سنتين بغض النظر عن المسافه اللي مشيتها بيهم لان الاسفلت بيبقي مولع و تيجي انت تمشي عليه و طبعا بسرعات عاليه فطبيعي يتاكل بسرعه
و سيبك من البويه و العربيات من اساسه مش تسال ايه تاثير الكلام ده علي البني ادمين

**dramir1** · 02-07-2011 01:06 AM

ربنا يبارك لحضرتك في الاوكتافيا .....هى انهي فئه وموديل كام
حضرتك بارع في التقارير..... برجاء عمل تقرير مفصل عن العربيه
لان في عربيه فانتازيا اول فئه اتوماتيك زيرو بس موديل 2010 بضمان الوكيل ... وممكن يعمل فيها تخفيض كويس ...تفتكر تستاهل كام ؟
والغريب اني شفت فيها بلوتوث للموبايل وطاره مالتي مع اني عارف ان البلوتوث مش بتنزل في 2011 في اول فئه فهل كانت بتنزل في 2010 اول فئه وكيل بالبلوتوث؟؟؟؟

**yoko** · 02-07-2011 01:11 AM

ملحوظة التكييف إيه بقي.إن الأوكتافيا والجيتا والجولف والباسات والسيات والأودي...كمبريسيور التكييف في watt sensor ..وده وظيفته إيه.إن العربية أثناء نقل السرعات علي rpm عالي الكمبريسور يفصل تماما.وده لحمايته من الإحتراق.لأن معروف لما التكييف يكون شغال غلط العربية توصل لـ rpm عالي

ما شاء الله وفعلا كل الأوروبي الكومبريسور بيفصل لما تحرق على الموتور

**inspiron** · 02-07-2011 07:18 PM

المشاركة الأصلية كتبت بواسطة dramir1

ربنا يبارك لحضرتك في الاوكتافيا .....هى انهي فئه وموديل كام
حضرتك بارع في التقارير..... برجاء عمل تقرير مفصل عن العربيه
لان في عربيه فانتازيا اول فئه اتوماتيك زيرو بس موديل 2010 بضمان الوكيل ... وممكن يعمل فيها تخفيض كويس ...تفتكر تستاهل كام ؟
والغريب اني شفت فيها بلوتوث للموبايل وطاره مالتي مع اني عارف ان البلوتوث مش بتنزل في 2011 في اول فئه فهل كانت بتنزل في 2010 اول فئه وكيل بالبلوتوث؟؟؟؟

متشكر يا جماعة علي الردود

أستاذي العزيز..متشكر ليك أولا..أنا فعلا عامل تقرير مفصل عنها وهي 2010 ونازل فيها bluetooth و multifunction...

بالنسبة للسعر وهي زيرو فأعتقد مش هتفرق كتير عن 2011 لأن لازم يحسب ليها حاجتين فقط مش في 2011.البلوتوث وغطاء المحرك العازل.

عموما أنا بجهز موضوع فيه فيديو تاني وفي لينك التقرير إن شاء الله