صوت زقزقة

**Raul_7** · 01-07-2011 06:32 PM

رجالة البروتون العظام...عاملين ايه؟

أنا عندي صوت زقزقة عبيط كده بيطلع كل مشغل التكييف, فتحت الكبوت لقيته بيطلع من عند السير كل ما الكومبرسور يشتغل.

السؤال بقى, ينفع الجزء ده يترش عادي ب wd-40 ولا ماينفعش؟

**das1328** · 01-07-2011 06:49 PM

مساء الفل يا رؤول إن شاء الله تكون تمام
أنا مش متخيل الصوت ده قوي بس صوت الزقزقة إلي مع التكيف متهيألي بيكون صوت بلية الشداد (( بس للأمانة مش متأكد ))
لأن صوت ده ظهر عندي بعد ما غسلت المكنة بس الحمد لله راح بعد أسبوع
وبالنسبة لل w40 مفيش منو قلق لو إترش على السير بالعكس هيلينو

**spiderloking** · 01-07-2011 07:05 PM

الصوت ده من السير يا محمود ابقي قولهم عليه في الصيانه

**أبومعاذ** · 01-07-2011 10:48 PM

أظن سير الدينامو محتاج يتغير

**أبومعاذ** · 01-07-2011 11:10 PM

المشاركة الأصلية كتبت بواسطة raul_7

شكرا للردود يا رجالة, بس أنا مش ناوي أعمل صيانة قبل ال 30,000 فـتفتكرو أروح اودي العربية التوكيل؟

هو سير الدينامو ليه علاقة بالتكييف يا أبو معاذ؟ أصل الصوت بييجي كل ما كمبرسور التكييف يشتغل.

الاوتوبيس بتاع الشغل فيه نفس المشكلة و لما سالت السواق عليها قال دا سير الدينامو و محتاج يتغير
العلاقة بين سير الدينامو و التكييف إن في كتير من العربيات بيبقى الاتنين ليهم سير واحد وممكن تكون جينا واحدة منهم

**das1328** · 02-07-2011 06:13 PM

[gdwl][QUOTE=Raul_7;3873623411]شكرا للردود يا رجالة, بس أنا مش ناوي أعمل صيانة قبل ال 30,000 فـتفتكرو أروح اودي العربية التوكيل؟
[/gdwl]

عادي يا معلم إحجز المعاد إلي يناسبك ووديهالهم هيعملولك الشغل ده في الضمان

**Raul_7** · 06-07-2011 11:11 PM

رحت كشفت طلعت بلية الشداد فعلا عايزة تتغير.

المفاجأة بقى, مش موجودة في التوكيل...مش فاهم إزاي قطعة زي ده مش موجودة في التوكيل.

طبعا حجزت, واديني مستني.

**das1328** · 06-07-2011 11:15 PM

وهتستنى 3 شهور على ما توصل نفس إلي حصل معايا بالظبط بس أنا الصوت عندي إختفى لوحدو
الأغرب من كده إن بالية الشداد بتاعة اللانسر البومة 2007 متطابقة تماما مع بلية الشداد بتاعة الجن2 وب 25 جنيه
ومتفهمش هيه ليه بتغيب الفترة الطويلة ده علشان تيجي زي متكون جاية مشي من ماليزيا