عايز أطلع برة مصر .. إزاي ؟

**3mr Farrag** · 02-05-2008 10:48 PM

عمرو مختار....
انا في نفس موقفك....المفروض هسيب الدراسه هنا و بحاول اظبط موضوع السفر
و كنت عايز ادخل هندسه ميكانيكا بالمانيا ....بس مقلق من اللغه اوي
لو في دماغك موضوع السفر جديا....ياريت تكلمني علي المسنجر
هتلاقي الميل بتاعي في البروفيل

**محمد المشد** · 03-05-2008 02:27 AM

اية دة يا شباب دا انتم الامل والمستقبل 000 مش كل واحد يحدث له حادث معين او موقف ضايقة يمشى ويسيب البلد 000 انا لا انكر بأن الناس اخلاقهم تغيرت وانا من اكثر الناس التى تشعر بهذا لبعدى فترة وعودتى وفى كل مرة اجد عادات استجدت علينا فى مصر ، بصدق اصبحت حزين لما وصلنا اليه من سوء اخلاق وسوء نظام ، ولكن السبب فى كل هذا هو النظام الكامل والمسئولين الذين اعطونا احساس بأن هذا البلد ليس بلدنا بل بلد النصف بالمائة
ولكن اكرر واقول ( ان الله لايغير ما بقوم حتى يغيروا ما بأنفسهم ) صدق الله العظيم
ونصيحة اخ لا تهاجر واثبت وحب ما تعمل حى تشعر بالاطمائنينة وان كان ولابد فأذهب للعمل فى اى موقع اخر غير مصر واعطى لنفسك فرصة للتفكير اثناء رحلتك حتى لا تندم بعد فوات الاوان !

**sokasoon** · 03-05-2008 02:51 AM

انت والله عندك حق فى كل شىء والله اللى بيحصل ده لا يطـــــــاق

مشي عكس الاتجاه فى كل حته

وابقا ماشى والطريق زحمة وواقف والاقى واحد حاشر

نفسه جمبى وعايز يعدى قدامى بالعافية

كتير جداااا وبشد فى شعرى بسببها تلاقى واحد يروح واخد يوترن مش

بتاعو خالص ويروح داخل فى وشك

واحد يروح خابطك وهو غلطان وينزل يزعقلك وكأنك اللى خبطه

واحد يبقا ماشى ويروح مفرمل مرة واحدة تروح خابط فيه من ورا

لانك مش بتلحق تفرمل بسرعه لان الموضوع بيبقا فجأه

وتلاقيه نازل يقولك انت ماوقفتش ليه اقوله انا باردو فى حد يفرمل

مره واحدة كده يقولك انا افرمل براحتى تحس ان بلد تجيب شلل

تبقا راكن العربية وكل يوم تنزل تلاقيها مخبوطه

والله كل ده حصل معايا

**Chicco** · 03-05-2008 03:44 AM

المشاركة الأصلية كتبت بواسطة tutankhamoun

هو نفس الشعور الذي أشعر به
اريد وضع مدفع على سطح السيارة ........ و أمشي براحتي شوية ورا العربيات كلها
و كل اللي يعمل حاجة غلط أروح راذعة قنبلة و نخلص منه

---------------------- بس أنا دخلت الماتركس مؤقتا حتى أخرج منها إلى خارج جمهورية المهلبية ---------------

و أحسن مكان ممكن للهجرة هو أستراليا و سيبك من كندا .... دي تلج يا عم
و بعدين هاتلاقي شيكو هناك ............. هي ناقصة مصريين :D :D :D

شيكو باشا ...... أنا بهزر طبعا ...... ده أحنا نتشرف بيك يا جميل :) :)

استراليا فيها فرص أحسن و بعدها كندا قصدي كنكا .... طيب خليها براد و لا أقولك كوباية .... طيب بلاش خليها فنجان :D :D
شوفت الماتركس عملت في أيه ......... :D

و بلاش أمريكا بجد ..... بلاش أمريكا

الأول استراليا و بعدين كندا

يا باشا كندا تنور بأي مصري و ما تسمعش كلام توت باشا ده يا عم عدى خلاص و قاعد في الماتريكس مع نيو و مورفيوس و الأخت العزيزة ترنتي :D:D:D
بص يا سيدي كندا برد طبعا مفيش كلام ..بس في حتت أبرد من حتت. في تورونتو مثلا بجد إنت ما بتحسش بالجو قوي ....كل حاجة مكيفة و الحياه مصممة للجو ده و فيه بلد تانية تحت الارض فيها كل حاجة ممكن تتخيلها . إلمضطر يركب الصعب ....لو عايز إدخل على سايت السفارة الكندية في القاهرة حتلاقي كل المعلومات المطلوبة و لو عايز تسأل أي سؤال أنا في الخدمة

**amr mokhtar** · 03-05-2008 03:31 PM

المشاركة الأصلية كتبت بواسطة محمد المشد

( ان الله لايغير ما بقوم حتى يغيروا ما بأنفسهم ) صدق الله العظيم

ربنا سبحانه و تعالى لا يغير ما بقوم حتى يغيروا ما بأنفسهم يعنى لازم الناس تبدأ بالتحسين وربنا سبحانه و تعالى يجيب الفتح من عنده
ربنا مش بيظلم حد و هو الحكم العدل ... لكن المشكلة انى مش شايف ان الناس بتغير من نفسها فى اى حاجة .. كل يوم اخلاق الناس بتزداد سوءآ و الله أعلم إمتى الناس هتتغير للأحسن

هتقوللى إبدأ بنفسك.. هقولك الحمد لله بحاول أحسن من تصرفاتى فى السواقة و فى التعامل مع الناس و مش برمى حاجة فى الأرض و مش بعدى من فوق النفق
بس برضه التيار السىء بقى جامد اوى لدرجة انه أحيانآ بتروح معاه من غير ما تحس و برضه انا بنى آدم و نفسى أعيش حياة كريمة تشعرنى بالإحترام
و عشان كده الناس كلها بقت بتدور بره

**دموع الثلج** · 03-05-2008 04:15 PM

يا بخت الشباب على الاقل تقدر تطفشششششششششش من بلد لبلد

رغم انى نفسى اعمل نفس الشئ

لكن برضوه ده مش حل ابدا خصوصا وان مصر اصبحت دوله طارده للسكان وللسياحه ولكل حاجه فيها

لو كلنا فكرنا نهرب من البلد ونروح لبلد ثانيه يبقى انتظرو احتلال مصر فى القريب العاجل

يعنى هتبقى اجدع من العراق ولا فلسطين ولا لبنان ولا السودان ولا ولا ولا اغلب الدول العربيه من دمار لدمار
لو كلنا هربنا مين هيحمى مصر من اللى عينهم عليها وبيحولوا يطفشونا برها باى طريقه

**M_HaFeZ** · 03-05-2008 04:26 PM

اتمنى ان الفوضاوين دول كلهم يبقوا فى مكان لوحدهم يخبطوا فى بعض ويدبحوا فى بعض

**Xpert** · 03-05-2008 09:36 PM

اسمحلي اشارك سعادتك يفي الموضوع ده ... انا عندي 21 سنه معايا جنسيه سويسريه قاعد في بني سويف اللي هيا العن من البلد اللي انت عايش فيها و نفسي اطلع اكتر منك .... بس تعليقاتي :
اولاً : الانتماء و الولاء للوطن ده حاجه اساسيه ... مش بمزاجك ولا تقدر تنساه من دماغك ... اشمعني ؟ هاقولك : لان ببساطه دي البلد اللي انا عن نفسي قاعد فيها و بنام و انا شبعان و مطمن و لو حصل حاجه هاعرف اخد حقي تالت متلت ...
ثانياً : العيشه بره مش زي ما انت متخيل ... انت هنا اكل شارب نايم علي حساب المعلم الكبير ... حتي لو انت شغال و بتصرف علي نفسك .. لو جيت يفي يوم و اتزنقت .. تلاقي اللي يقف جنبيك ... و دي النقطه الاجتماعيه في مصر و دي مش موجوده بره ... لو جيت في شهر مادفعتش فواتير الفواتير هاتتراكم عليك ... لو جيت في يوم و صحيت متاخر علي الشغل اتخصم من مرتبك اكتر من مرتب اليوم ... و هكذا ... يعني من الاخر .. مش هاينفع الا واحد واخد علي النظام بتاع بره .... النظام المصري و الهمجيه اللي في مصر دي انساها ...
ثالثاً : انا واحد من البروفيشينال اللي مش عاجبينك ... مش قصدي حاجه .... لاء بالعكس... افهمها صح ... ماتاخدش الدنيا علي صدرك و خليك انت كمان بروفيشينال ... اللي يفتي علييك افتي عليه و ارسم علييه .. ان كان هوه عم الفهلواني لاء احنا الخبراء بقي و انت ولا حاجه ... ان كنت انت فاكر ان انت بس اللي تعرف تاخد غرز ... لاء يا حبيبي ... ان كنت راكب زيرو ابيعها و اجيبلك حته خرده اغرزلك بيها .... هوه ده المبداء اللي الناس عايشه بيه هنا .. لو ماخادتش عليه مش هاتعرف تعيش ....و لو مانخرطش فيه مش هايبقي ليك مستقبل ... انا اتعلمته بال هارد واي برضه مش بالساهل ... بس اهه ... اتعلمناه في الاخر و قبل الوقت ما يعدي ....
رابعاُ : ان كنت تعرف تعيش بالنظام الميري ... تصحي في مواعيد الجيش و تاخد راحه و تكمل بالمعاد ... يبقي انت كده مافيش مشكله انك تسافر ... طب هاتسافر فين و تروح تعمل ايه .... ارشحلك بقي انا هنا : الامارات ... بلد بتتكلم عربي ... الشغل فيها موجود ... و ممكن تشتغل بشهادتك لو ربنا كرمك ... بعديها : امريكا .... بلد مفتوحه للجميع ... العيشه هناك قريبه الي حد ما من هنا ... لو اتزنقت ممكن تتلم علي 3 او 4 عرب و تاجروا شقه مع بعض ... و نظام (القحط) هناك شغال ....
و عموماُ فكر كويس و ماتتسرعش علشان ده قرار مش سهل و قرار كريتيكال .. نتايجه هاتييفضل ملازماك شويه كتير ....
و عموماُ ربنا يقدم اللي فيه الخير ...

**Mido80** · 03-05-2008 11:55 PM

انا معاة في اللي بيقولة. فعلا الوضع في مصر بقي تعبان اوي والناس بقت بتستهبل وسايقة فيها الغباوة انا شخصيا عايش برة مصر وبفكر مانزلش مصر دلوقتي لحاد ما ازهق من الغربة. علي فكرة انا بحب تراب مصر وبعشك نسيمها وهواها بس يا خسارة البشر هما اللي بوزوا الحاجات الجميلة دي كلها

**tutankhamoun** · 04-05-2008 12:00 AM

المشاركة الأصلية كتبت بواسطة Mido80

بوزوا الحاجات الجميلة دي كلها

ميدو باشا .... هو حضرتك تقصد بوزوا ... يعني أدوك الوش الخشب
و لا بوظوا ..... يعني أفسدوا ....... :D :D :D :D

دُعابة خفيفة على الماشي :D :D

الموضوع: عايز أطلع برة مصر .. إزاي ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

عايز أطلع جواز سفر

أنا مش من القاهرة !! و عايز أطلع رخصة رياضية

إزاي وإمتى أقدر أطلع بطاقه إنتخابيه؟ وإيه الإجراءات؟

عايز أطلع رخصة بالواسطة

الكلمات الدلالية لهذا الموضوع

المفضلات

المفضلات

ضوابط المشاركة