مقارنة هامة للمتخصصين في كيا وهيونداي

**mpop** · 02-07-2011 12:00 AM

دلوقتي الموديلين 2011
هيونداي اكسنت (سبورت) عاملة ج 95000 اوتوماتيك ج90000 مانيوال
سيراتو ( خليجي ) ناقل الحركة مع الطارة 110000 ج اقل فئة خليجي
عايز مقارنة شاملة سريعة
وهل الهيونداي تقفيل بلدها ؟؟
انا واثق في اعضاء المنتدى وخبرائه :d

**crayvor** · 02-07-2011 12:27 AM

انا مافهمش غير جملة واحدة... طالما كوري خليك ف المتجرب.
لو لقيت كذا واحد معاه اكسنت معدي 50 ألف كيلو ومشكرين فيها ألف مبروك.. غير كدا يبقي سيراتو علي أساس انها اتجربت قبل كدا.
السبب؟ عشان اللي حصل ف الأفيو...

**M.Alaa92** · 02-07-2011 01:20 AM

الاكسنت الاسبورت
هى هى النيو اكسنت بس فوانيس و اشارات و حركات

و السيراتو افضل (فيها اوبشن اكتر من الاكسنت) و كمان 7 سرعات

**mpop** · 02-07-2011 09:41 AM

المشاركة الأصلية كتبت بواسطة crayvor

انا مافهمش غير جملة واحدة... طالما كوري خليك ف المتجرب.
لو لقيت كذا واحد معاه اكسنت معدي 50 ألف كيلو ومشكرين فيها ألف مبروك.. غير كدا يبقي سيراتو علي أساس انها اتجربت قبل كدا.
السبب؟ عشان اللي حصل ف الأفيو...

ايه اللي حصل في الافيو ؟؟

المشاركة الأصلية كتبت بواسطة m.alaa92

الاكسنت الاسبورت
هى هى النيو اكسنت بس فوانيس و اشارات و حركات

و السيراتو افضل (فيها اوبشن اكتر من الاكسنت) و كمان 7 سرعات

الاكسنت بيقولك العفشة بتاعتها سبورت بس انا على حسب فهمي العفشة السبورت بتبقى ناشفة مش ناعمة (صح ولا لا ؟؟؟)
وكمان انا عارف ان السيراتو احلى بس فرق السعر اللي مخليني افكر في الاكسنت
وكمان السيراتو خليجي وانا مش مطمن بالصراحة للخليجي خااالص لان هنا في المنتدى الخليجي بيبقى العداد عامل 15000 كم الراجل بقى قالي ان الخليجي على الزيرو فزود الشك في قلبي :s

**crayvor** · 02-07-2011 07:32 PM

ايه اللي حصل في الافيو ؟؟

ادخل أقرا ف منتدي الكيا لأن المكان هنا مايسمحش اني اديك لستة بكل مشاكلها... بس حاقولك ان رغم انتشارها مافيش حد جابها وماندمش عليها (باستثناء قلة محظوظة)

الاكسنت بيقولك العفشة بتاعتها سبورت بس انا على حسب فهمي العفشة السبورت بتبقى ناشفة مش ناعمة (صح ولا لا ؟؟؟)
وكمان انا عارف ان السيراتو احلى بس فرق السعر اللي مخليني افكر في الاكسنت
وكمان السيراتو خليجي وانا مش مطمن بالصراحة للخليجي خااالص لان هنا في المنتدى الخليجي بيبقى العداد عامل 15000 كم الراجل بقى قالي ان الخليجي على الزيرو فزود الشك في قلبي :s

أنا ركبت النيو أكسنت (اللي قبل الأخيرة) ولو نفس العفشة يبقي مش ناشفة ولا حاجة.. بس برضه حاتحس شوية بغلاسة لما يبقي الطريق فيه زلط (مش مطبات بس الزلط بس)!!! وماتسألنيش ع السبب.
أما بالنسبة للخليجي فا بلاش أحسن. كل عربية بتتظبط علي المكان اللي حاتتوردله. فا فيه عربيات كتير خليجي متصممة ماتسخنش بسرعة عشان الجو هناك صهد أساسا. دا معناه ان في الشتا العربية حتاخد وقت عقبال ما تسخن وتبدأ تدي معاك... علي العموم دا مجرد رأي شخصي.

**mpop** · 02-07-2011 08:14 PM

المشاركة الأصلية كتبت بواسطة crayvor

ادخل أقرا ف منتدي الكيا لأن المكان هنا مايسمحش اني اديك لستة بكل مشاكلها... بس حاقولك ان رغم انتشارها مافيش حد جابها وماندمش عليها (باستثناء قلة محظوظة)

وصلت

أنا ركبت النيو أكسنت (اللي قبل الأخيرة) ولو نفس العفشة يبقي مش ناشفة ولا حاجة.. بس برضه حاتحس شوية بغلاسة لما يبقي الطريق فيه زلط (مش مطبات بس الزلط بس)!!! وماتسألنيش ع السبب.
أما بالنسبة للخليجي فا بلاش أحسن. كل عربية بتتظبط علي المكان اللي حاتتوردله. فا فيه عربيات كتير خليجي متصممة ماتسخنش بسرعة عشان الجو هناك صهد أساسا. دا معناه ان في الشتا العربية حتاخد وقت عقبال ما تسخن وتبدأ تدي معاك... علي العموم دا مجرد رأي شخصي.

انت كده بتتكلم في الاكسنت مش النيو اكسنت كمان امال السبور تبقى عاملة ازاي ؟؟
بالنسبة للخليجي في السيراتو مش دي مشكلته المشكلة انه مالوش ضمان ممكن تعمل صيانة في الوكيل بس التكاليف عليك يعني انا لسه شايف في الصفحة الرسمية لكيا ان المرايا الجانبية الواحدة ب 850 ج +10%ضرائب
كده بقى ايه العمل !!!!!!
الضمان احسن
طبعا بس المشكلة اني ادفع فرق السعر ده واخد كيا اضمن ولا الهيونداي تمشي ؟؟؟