الموضوع: طلب تقرير شامل عن الهيونداي اكسنت سبورت

المشاركة الأصلية كتبت بواسطة hossam99

بالنسبه لمشكلة إن الأوتو بيكلبش لما يعطل فده مش موجود العربيه الفتيس بيتحرك و بتيجي علي الـn عادي و بتتجر و ده موضح في الكتالوجات في طريقة القطر
لكن مدورش بالزق زي المانيوال لو البطاريه نامت (مش سبب يمنع شراء الأوتو)

السعر أنا قولت هو إعلان في ملحق الجمهوريه يعني ممكن يكون غلطه و أنا عرف إن العربيه سعرها معدي مانيوال الـ95

صدقني كيا مش أحسن من هيونداي نهائي في نقطة الضمان (شامل كامل)و أسعار قطع الغيار و الصيانات

و قولنا حضرتك عايز عربيه بكام و قرار نهائي هي أوتو ولا مانيوال
و إن شاء الله كلنا نساعد حضرتك

خلي بالك في فرق بين الجر والقطر
لان القطر بيرفع العربية من قدام او من ورا وده ممكن يبوز حاجات في العربية وانت عارف عندنا ما شاء الله الناس بيفهمو بطريقة فظيعة ;)

هي حتة السعر هتتحد بكفاءة العربية يعني لو الهيونداي عربية كفاءة وسعر اقل ماشي لكن لو مش كفاءة وسعرها غالي على الفاضي ادفع فرق زيادة شوية وارتاح

قرار نهائي مانيوال

مش عارف و الله انا تعبتك معايا
ربنا يكرمك

المشاركة الأصلية كتبت بواسطة hossam99

صدقني هيونداي كفائه و الأر بي شكلها جديد
لكن للأمانه لازم حضرتك تختار بين السيراتو المانيوال و الأر بي و الإلنترا الشكل العادي مانيوال
التلاته ميتخيروش عن بعض
الأر بي تفوز في الشكل و الحداثه لكن تخسر في المساحه الداخليه (مش ديقه قوي لكن بالنسبه لهم ديقه شويه)
الإلنترا و السيراتو منتهي الإعتماديه كعربيات
و لكن من شكوي أكثر من عضو من ضمان الكيا و إنهم مبيغيروش القطع المعيبه (عيوب صناعه) فأنا برشح الإلنترا و كمان علشان قطع الغيار منتشره بغزاره و بأسعار قليله خارج التوكيل
شوف حضرتك هاتختار إيه و إن شاء الله اللي فيه الخير و الأصلح ربنا يكتبهولك

و مفيش تعب و لا الكلام ده خالص دا كفايه الدعوه الجميله دي

ربنا يكرمك
وان شاء الله ربنا يقدم اللي فيه الخير