السلام عليكم
كام سؤال يمكن تكون احترت فيهم قبل كده
1- هو ليه العربيه اتزانها مبقاش زى الأول بالرغم من انى مظبط العفشه والزوايا ومرصص العجل كمان
2- البطاريه والكاوتش اللى كانوا نازلين مع العربيه الزيرو كانوا معمرين والعربيه اللى معايا دلوقت مبيقعدوش فيها نصف مده التانيين
دى ممكن تكون اجابه ليك
1- فى ناس فاكره ان جنوط العربيه زيها زي صاج العربيه يعيش معاها طول عمرها وده مش صح لأن الجنط بيتأثر بالطريق وبتحصل فيه انبعاجات الترصيص بيكون ليه مسكن ومش حل نهائى للمشكله لدرجه ان فى جنوط من قوه انبعاجها العربيه بتوصل اكنها بتعرج
2- كاوتش العربيه معظمنا عارفين ان الكاوتش ليه عمر افتراضى بالكيلو متر بس فى ناس كتير متعرفش ان الكاوتش ليه عمر افتراضى بالوقت حتى لو مركبش فى عربيه وده ليه علاقه بمرونه المطاط اللى بتتأثر بالوقت وده على حسب الخبره السابقه فى التعامل مع الكاوتش عامه ومن كلام احد العاملين فى مركز بحثى وعشان كده الكاوتش بيبقى عليه تاريخ انتاج
3- شركات السيارات الكبيره بتحرص انها تركب فى عربياتها انضف وانسب انواع الكاوتش فى عربيتها وفى عربيات بيكتبوا فى كتيب المالك نوع و مقاسات وماركات يوصى بيها عشان العربيه تكون على نفس ادائها
4- البطاريات ينطبق عليها نفس الكلام من حيث جوده الأنتاج- الدرجه- جديده ولا معاد تدويرها - تاريخ الأنتاج
الخلاصه
1- الجنوط القديمه ممكن تكون رخيصه شكلها حلو بس ادائها سيئ
2- الشركات اللى عمالين يغلوا فى الحاجه ويقولوا الأسعار بره ارتفعت لو ارتفعت تبقى ارتفعت على النضيف -الأنتاج الحديث -الدرجه الأولى- مش الأنواع التعبانه مرتجعات الدول الأخرى اللى عفنت فى المخازن وبدل ما البطاريه والكاوتش يقعدوا فى العربيه خمس سنين مثلا واخد منهم اقوى اداء اخد حاجات من اول يوم مش شغاله بكفاءه ولما تقعد معايا سنتين اقول هاتوا الماركه دى مفيش احسن منها