الموضوع: عايز اركب سنتر وانذار

المشاركة الأصلية كتبت بواسطة mohamedkandel

انا مركب سنتر وانذار صناعه تيواني في مركز خدمه النصر بالمنصورة (اللي بعمل عنده الصيانه دلوقتي) من حوالي 9 شهور كلفوني بكل حاجه 800ج

شكرا يا استاذ محمد
انا فعلا روحت التوكيل في العباسيه قاللي 850 والعبور قاللي 800 جنيه

المشاركة الأصلية كتبت بواسطة ahmod

لكن لو الراجل بيفهم وشغله نضيف مش مشكلة مش هتفرق ال 20 جنيه المهم يديلك شغل مظبوط

الله ينور عليك هيه دي الحاجه المهمه وعلى فكره التوكيل بتاع العبور قاللي ان فيه سنتر مخصوص للياريس بس انا مش مصدقه لأن التوكيل الأصلي في العباسيه بيقول مفيش

و الله انا بعد اللي حصلي مع ادريان مش عايز اروح عندهم تاني حتى لما روحت قاللي على انذار مكتوب عليه اسمه بعلبه معفنه معموله تحت السلم وقاللي 350 جنيه مش عارف ليه
بصراحه سيبتو ومشيت وان شاء الله اركب بكره سنتر فوما وانذار سيمفوني كله ب 450 بالتركيب
ايه رأيكو

المشاركة الأصلية كتبت بواسطة mohammadrashee

الله ينور عليك هيه دي الحاجه المهمه وعلى فكره التوكيل بتاع العبور قاللي ان فيه سنتر مخصوص للياريس بس انا مش مصدقه لأن التوكيل الأصلي في العباسيه بيقول مفيش

السنتر المخصوص للياريس بالانزار انا مركبه عند ادريان وبيركب على الريموت بتاع المفتاح بس دا لو معاك ريموت سنتر اصلى بتاع العربيه بيركب على نفس المفتاح بدون ما تعمله ريموت لواحده

معلش يا هندسه هنا في سؤال اصلا انا عارف ان الياريس لو نزلت بريموت يبقى لازم فيها سنتر ولا ديه معلومه غلط
وانا سئلت عند ادريان مكنش عنده انت سئلت في اي فرع
عشان لو فيه سنتر فعلا مخصوص يبقى احسن من العادي لأنالعادي عشان يتركب لازم يفك الكوالين كلها ويعدل فيها

السلام عليكم اخواني الكرام
الحمد لله ركبت انذار وسنتر النهارده ومش معقول اسئلكو كل ده وبعدين ومقولش عملت ايه
طبعا بعد اللف والدوران والتعب كنت راجع من شبرا يوم السبت اللي فات عديت على واحد بتاع كماليات دائما الاقي عنده زحمه جامده وقفت وسئالتو على السنتر والإنذار قالي عربيه ايه قولتلوا ياريس قالي الياريس واير ب 250 جنيه والإنذار الوولف 180 والسيمفوني 200 كله بالتركيب
المهم لقيتوا محترم وفاهم ودائما عنده شغل كتير فده شجعني قولتلوا حاجيلك الاثنين
وفعلاً رحت النهارده الساعه 3 العصر مكنش فيه حد غيري الراجل كان هيديني سنتر وولف وانذار سيمفوني ميلت على الصنايعي وقولتلوا امانه هات حاجه نظيفه ولوادفع زياده قاللي طيب لقيتوا جاب السنتر السيمفوني وشال منه ال 2 ريموت الموجودين و جاب انذار سيمفوني
قلتلوا شيلت الريموت ليه قالي انت مش محتاجوا
المهم عشان مطولش عليكو
الصنايعي كويس وفاهم بس خد 4 ساعات اشتغل فيهم فعلي مش اكتر من ساعه والباقي شويه الشينيور عطل شويه يتكلم في التليفون وشويه دخل ياكل بتاع نص ساعه بس بصراحه كان فيه صنايعي تاني بيركب الانذار
رفضوا رفض تام توصيل كتاود قاطع المارش وقالوا منعرفش
مكنش عايز يوصل الشنطه مع الانذار بس بعد الرخامه وصلوها
اول مره جيت استلم الانذار كان شغال على باب السائق فقط مش كل الأبواب - خلوا بالكوا وانتوا بتستلموا
مكنش حيركب السنتر مع الفرامل بحيث ان لما تركب وتسوق اول ما تدوس فرامل يغلق السنتر لكن ركبها بالإلحاح
السنتر متركب معقول مش وحش
التكلفه الإجماليه 450 جنيه انذار و سنتر وتركيب ومساحه ويبر
وكمان 10 جنيه بقشيش
حبيت اقولوكوا على الموضوع بالتفصيل عشان الكل يستفيد
وشكرا لطول بالكوا عليه

المشاركة الأصلية كتبت بواسطة ahmod

الف الف مبروك و 4 ساعات مش كتير بالنسبة لسنتر وانذار

لان اجدع واحد في التوفيقية قالي يركب السنتر بس على الياريس في حدود مابين ساعتين لتلت ساعات

فكدة ده باين عليه بيفهم

اللى عايز اسالهولك هل كان بيقفل الباب خلاص مش بيفتحه تاني ؟ ولا كل شوية يقفل ويفتح وتحس انه حاجة تبوظ حاجة تتصلح ؟

تاني حاجة عايز حضرتك تشيك ان لما بتبقى قاعد جوة العربية وبتقفل اللوك بتاع الباب عندك بايدك الابواب كلها بتقفل

ولما بتفتحه برضوا بايدك كلو بيفتح

وتشيك انها بتفتح من برة ومن جوة ومن كل حاجة عشان كل دي مشاكل حصلت معايا

وان شاء الله مايكونش في عند حضرتك اي مشاكل

والف مبروك

الله يبارك فيك
انا قولت الصنايعي مش وحش
هو خد اربع ساعات بس اشتغل ساعه واحده
الباب كان يتشغل فيه يقفله ميتفتحش تاني
شيكت يا فندم زي ما انت بتقول واكتر ده كان ناقص انادي للعربيه تيجيلي