مش عارف اعمل اية
عرض للطباعة
مش عارف اعمل اية
ربنا معاك فى الفتيس بتاعك دا
وحافظ علية لانه لو باظ هتلف السبع لفات علشان تلاقى نفس الفتيس
يا اما تغير الفتيس بفتيس تانى
يا جدعااااااااااااااان ابيض والا احمر يا ناس هتجنن
حرام عليكم انا دمى اتحرق والميكانيكية مطلعين .... امى بجد اللى عنده معلومه يقولها بس تكون صح بالله عليكم
كل الميكانيكية قالو زيت احمر هو ده بتاع الباور والاخوة فى الموضوع قالوا دى مشكله فيشة مش مشكلة زيت وانا هتجنن ومش عارف اعمل ايه
عملت كل شى قالوا عليه والمشكله زى ماهى
يا اهل الخبرة بالله عليكم حد يرد
المشكلة اللى عندى دلوقتى بقت تظهر اول ما بجيب الوضع عند ال r مرشدين تظهر اللمبة ويحصل خبطه جامده جدا
بالله عليكم اللى عنده حل يفدنى بيه
انت ساكن فين
بص يا باشا :
انا كان عندى نفس مشكلتك فى عربيتى ( دايو اسبيرو 94) و الفتيس بتاعها كهربا برده .
اولا معلومة ان الفتيس مش بيجيب رابع دى مش صح , لمبة الباور عندك لما بتنور معناه ان معندكش اول و العربية بتطلع على التانى و ده طبعا مش هيبان عندك فى السرعة العالية لانك فى السرعات العالية بتكون على الرابع.
هيبان عندك لو هديت فى اشارة او مطب و ده هيفسر ان العربية بتترج و تحس انها تقيلة موت و خصوصا لو مشغل تكييف لانك بتطلع على التانى مش الاول .
- طبعا مشكلتك دى مشكلة كهربا مش اى حاجة تانية لانى برده لما العيب ده ظهر عندى افتكر انه مشكلة فى زيت الفتيس بس برده لما غيرت زيت الفتيس كان العيب لسه موجود .
- لحد ما الكهربائى بتاعى اكتشف بالصدفة ان كابل الارضى فى العربية مش راكب و بعد ما ركبه العربية بقت تمام و العيب اختفى
و بعدين انت بنفسك قولت انك لما نضفت الفيش كويس العيب راح لفترة و رجع تانى .
نصيحتى ليك راجع على فيش الضفيرة تانى و اتأكد انها كلها سليمة و موصلة كهربا
انا ساكن بعد الوراق
شوف حضرتك انا العربية بتمشى معايا تمام وبتغير الغيارات عادى جدا المشلة انى لما احس ان العربية بتسخن او اعمل مشوير كتير واول ما اجيب r رجوع للخلف اللمبة تظهر وترزع جامد فى العربية واللمبة ما برتوح ابدا وبتحصل رجه فى العربية
مشكور جدا على رد حضرتك
نقص الزيت مايعملش الرزعه دى هيحصل تأخير فى النقلات والرزع ده فى معظم الاحوال سببها :
1_ مشكلة فى حساس الفتيس اللى بيكون فوق الفتيس
2_ مشكلة فى كومبيوتر الفتيس
الاول اعمل ريستارت وجرب ان شاء الله كله هيبقى تمام مادام الاسكانر لم يقرأ او يسجل أخطاء فى الفتيس ولو ظلت المشكله قائمه يبقى حد متخصص يشوفلك الحساس وكومبيوتر الفتيس